கோவில் ஸ்டைல் புளியோதரை

தேவையான பொருட்கள்
--------------------
நல்லெண்ணெய் – 1 கப்

பொடி தயாரிக்க…
-----------------
காய்ந்த மிளகாய் – 6
உளுந்தம் பருப்பு – 1/2 டேபிள் ஸ்பூன்
கடலை பருப்பு – 1/2 டேபிள் ஸ்பூன்
வெந்தயம் – 1/2 டேபிள் ஸ்பூன்
தனியா – 2 டேபிள் ஸ்பூன்
எள் – 1 டேபிள் ஸ்பூன்
உலர்ந்த தேங்காய் துருவல் – 2 டீ ஸ்பூன்

வறுக்க…
-----------
முந்திரி – 1/2 கப்
வேர்க்கடலை – 1/2 கப்

தாளிக்க…
கடுகு – 1/2 டீ ஸ்பூன்
உளுந்து – 1 டீ ஸ்பூன்
கடலை பருப்பு – 1 டீ ஸ்பூன்
காய்ந்த மிளகாய் – 2
பச்சை மிளகாய் – 2
சீரகம் – 1 டீ ஸ்பூன்
மஞ்சள் துாள் – 1 சிட்டிகை
பெருங்காயம் – 1 சிட்டிகை
கருவேப்பிலை – 2 ஈர்க்கு
உப்பு – தேவைக்கு
புளி – 50 கிராம்
பச்சரிசி சாதம் – 2 கப்

செய்முறை
---------------
வாணலியை சூடாக்கி, இரண்டு டேபிள் ஸ்பூன்
நல்லெண்ணெய் விட்டு காய்ந்ததும், காய்ந்த
மிளகாய் சேர்த்து மிதமான சூட்டில் வறுக்கவும்.

இதில், உளுந்தம் பருப்பு, கடலைப் பருப்பு, வெந்தயம்,
தனியா சேர்த்து, வாசனை வரும் வரை வறுக்கவும்.
அடுப்பை அணைத்து, எள், தேங்காய் துருவல் சேர்த்து
கலந்து, ஆறியதும், பொடித்துக் கொள்ளவும்.

வாணலியில் அரை கப் நல்லெண்ணெய் விட்டு
காய்ந்ததும், முந்திரி பருப்பை போட்டு சிவக்க
வறுக்கவும். முந்திரியை தனியே எடுத்து வைத்து விட்டு,
அதே எண்ணெயில், வேர்க்கடலையை வறுத்து தனியே
வைக்கவும்.

அதே வாணலியில், மேலும் நான்கு டீ ஸ்பூன்
நல்லெண்ணெய் விட்டு, கடுகு சேர்த்து வெடித்ததும்,
உளுந்து, கடலை பருப்பு, காய்ந்த மிளகாய், பச்சை
மிளகாய், கறிவேப்பிலை, உப்பு, சீரகம், சிறிது மஞ்சள்,
பெருங்காயத் துாள் சேர்த்து, புளியை, 200 மில்லி நீரில்
கரைத்து ஊற்றி, எண்ணெய் பிரியும் வரை வற்ற விடவும்.

இதில், வேக வைத்த பச்சரிசி சாதத்தை மிதமான
சூடடில், புளி கலவையில் சேர்த்து கலந்து, பொடித்த
மசாலா கலந்து, முந்திரி, வேர்க்கடலையை சேர்த்து,
பச்சை கறிவேப்பிலை போடவும்.

ருசி- தினமலர்

சுலபமாக கிடைக்கும் பொருட்களை வைத்து சுலபமாக கோயில் பொங்கல் செய்வது எப்படி?
கிருஷ்ணம்மா பதிலளிப்பார் என எண்ணுகிறேன்.

சக்தி18 wrote:சுலபமாக கிடைக்கும் பொருட்களை வைத்து சுலபமாக கோயில் பொங்கல் செய்வது எப்படி?
கிருஷ்ணம்மா பதிலளிப்பார் என எண்ணுகிறேன்.

@சக்தி18

இதோ சக்தி ....மிக மிக சுலபமாக செய்வது தான் இந்த பொங்கல்

வெண்பொங்கல் ரெசிபி ....
.
.
செய்து பாருங்கள்

எல்லாம் கிடைத்தது ,ஆனால் பெருங்காயம் இல்லை ,கறிவேப்பிலை பாக்கெட்டில் காய்ந்தது தான் கிடைக்கும்.
மன்னிக்கவும்,என் மேல் தப்பு,நான் கேட்டது இனிப்பு சர்க்கரை பொங்கல்.

சக்தி18 wrote:

எல்லாம் கிடைத்தது ,ஆனால் பெருங்காயம்  இல்லை ,கறிவேப்பிலை பாக்கெட்டில் காய்ந்தது தான் கிடைக்கும்.
மன்னிக்கவும்,என் மேல் தப்பு,நான் கேட்டது இனிப்பு சர்க்கரை பொங்கல்.

மேற்கோள் செய்த பதிவு: 1310621

ஹா..ஹா..ஹா... சக்தி, எந்த ஊரில் இருக்கிறீர்கள் இப்பொழுது? ...........காய்ந்த கறிவேப்பிலை என்றால், குக்கரில் அரிசி பருப்பு போடும்போதோ அல்லது தாளிக்கும்போதோ நொறுக்கி போட்டுக்கொள்ளலாம்...ஒன்றும் பிரச்சனை இல்லை
.
.
.
சர்க்கரை  பொங்கல் என்றாலும் அதே திரி இல் இருக்கிறது பாருங்கள்.......இல்லாவிட்டால்,  தேடுங்கள்....அதுவும் இல்லாவிட்டால் நான் லிங்க் தருகிறேன்
.
.

தேடினேன் கிடைத்தது .நன்றி .நாளை விடுமுறை நாளில் செய்து பார்க்கிறேன்.
கோயில் பொங்கலா கொரிய பொங்கலா பார்க்கலாம் .

சக்தி18 wrote:தேடினேன் கிடைத்தது .நன்றி .நாளை விடுமுறை நாளில் செய்து பார்க்கிறேன்.
கோயில் பொங்கலா கொரிய பொங்கலா பார்க்கலாம் .

மேற்கோள் செய்த பதிவு: 1310653

குட்............தட் ஐஸ் தி ஸ்பிரிட் !............ஆள் தி பெஸ்ட் சக்தி ! !

வெரி சாரி.தேடினேன் கிடைக்கவில்லை.ஆசியன்/இந்தியன் கடைகளில் அடுத்த வாரம்தான் தேங்காய் வருமாம். நான் சைவம் ஆனாலும் நெய் பிடிக்காது.
இரண்டு ஆண்டுகளாக வேகானுக்கு மாறியதால் பால் nope.Biomilk தான்.
இருப்பினும் கிடைப்பதை வைத்து முயற்சிக்கலாம் அடுத்த வாரம்.

செய்து பார்க்கிறேன் நன்றாக இருந்தால் எல்லாருக்கும் அனுப்பி வைக்கிறேன்.

சக்தி18 wrote:வெரி சாரி.தேடினேன் கிடைக்கவில்லை.ஆசியன்/இந்தியன் கடைகளில் அடுத்த வாரம்தான் தேங்காய் வருமாம். நான் சைவம் ஆனாலும் நெய் பிடிக்காது.
இரண்டு ஆண்டுகளாக வேகானுக்கு மாறியதால் பால் nope.Biomilk  தான்.
இருப்பினும் கிடைப்பதை வைத்து முயற்சிக்கலாம் அடுத்த வாரம்.