ஆங்கில ஆண்டுக்குரிய மாதங்களின் பெயர்கள், எப்படி ஏற்பட்டது தெரியுமா?

**ayyasamy ram** · **ayyasamy ram** Sun Jan 12, 2020 6:56 am

சி.எஸ்.சிவசுப்ரமணியன் எழுதிய, 'தோன்றியது எப்படி?'
என்ற நுாலிலிருந்து:

ஆங்கில ஆண்டுக்குரிய மாதங்களின் பெயர்கள், எப்படி
ஏற்பட்டது தெரியுமா?

* ஜனவரி: ஜேனஸ் என்ற ரோமானிய கடவுளின் பெயரால்,
இந்த மாதம் அமைந்தது

* பிப்ரவரி: ரோமானியர்கள், இந்த மாதத்தின், 15ம் நாளை,
புனிதமாக கருதி, பெப்ருய என்று பெயரிட்டனர். இதற்கு,
துாய்மை செய்து கொள்ளுதல் என்று பொருள்.
அதை குறிக்கும் வகையில், பெப்ருரியவஸ் என்று
பெயரிட்டனர். இதுவே, பிப்ரவரி என, மாறியது

* மார்ச்: ரோமானிய காலண்டர் முறைப்படி, மார்ச் மாதம்
தான் ஆண்டின் முதல் மாதமாக இருந்தது. ரோமானிய
போர்க் கடவுள், மார்ஸ் என்ற பெயரில் இருந்து, மார்ச் வந்தது

* ஏப்ரல்: ஏப்பிரைர் என்ற லத்தீன் சொல்லுக்கு, திறந்து விடு
என, பொருள். ஆண்டின் செழிப்புக்கு வழி பிறக்கும் மாதம் எ
ன்பதால், இந்த சொல்லிலிருந்து, ஏப்ரல் மாதம் தோன்றியது

* மே: உலகத்தை சுமக்கும் அட்லஸ் பற்றி கேள்விப்
பட்டிருப்பீர்கள். இவரது மகள் மையா என்ற தேவதை.
மையாவின் பெயரால் தோன்றிய மாதமே மே

* ஜூன்: ஜுனோ என்னும் தேவதையை, இளமையின்
சின்னமாக வழிபட்டனர், ரோமானியர்கள். இந்த பெயரால்
வந்தது தான், ஜூன்

* ஜூலை: ஆரம்ப காலத்தில், இது, ஐந்தாவது மாதமாக இ
ருந்தது. ஐந்தை க்விண்டிஸ் என்பர். இந்த பெயரை மாற்றி,
ஜூலியஸ் சீசரின் பெயரால், ஜூலி என்று பெயர் சூட்டினார்,
மார்க் ஆண்டனி. 19ம் நுாற்றாண்டு முதல், ஜூலை என்றானது

* ஆகஸ்ட்: ஆரம்பத்தில், இது, ஆறாவது மாதமாக இருந்தது.
ஆறு என்ற எண்ணை செக்ஸ்டிலிஸ் என்று, கிரேக்க
மொழியில் அழைத்தனர். ஜூலியஸ் சீசர், இதை எட்டாவது
மாதமாக்கிய பிறகு, ரோமானியர்கள் தங்கள் மன்னரான,
அகஸ்டசை பெருமைப்படுத்தும் விதத்தில், அகஸ்டஸ் என
பெயரிட்டனர். அதுவே, ஆகஸ்ட் என, மாறியது

* செப்டம்பர்: மார்ச் முதல் மாதமாக இருந்த காலத்தில்,
செப்டம்பர் ஏழாவது மாதமாக இருந்தது. ஏழு என்ற எண்ணை
ரோமானிய மொழியில், செப்டம் என்றனர். ஆனால், புதிய
அமைப்பின்படி, ஒன்பதாம் மாதமாக மாறி விட்டாலும் கூட
பழைய பெயரே நிலைத்து விட்டது

* அக்டோபர்: அக்டோ என்றால், எட்டு. ஆரம்பத்தில்,
எட்டாவது மாதமாக அக்டோபர் இருந்தது. இதுவும் பெயர்
மாற்றம் செய்யப்படாமல், 10வது மாதமாகி விட்டது

* நவம்பர்: நவம் என்றால், ஒன்பது. ஆரம்பத்தில், ஒன்பதாம்
மாதமாக இதை கணித்தனர். 11ம் மாதமாக மாறிய பிறகும்,
பெயர் மாற்றம் செய்யப்படவில்லை

* டிசம்பர்: டிசம் என்றால், பத்து. 10ம் மாதமாக இருந்த டிசம்பர்,
12ம் மாதமான பிறகும் பெயர் மாற்றப்படாமல் பழைய
பெயரிலேயே அழைக்கப்பட்டது.
-
-------------------------------------

நடுத்தெரு நாராயணன்
திண்ணை-வாரமலர்

ஆங்கில ஆண்டுக்குரிய மாதங்களின் பெயர்கள், எப்படி ஏற்பட்டது தெரியுமா?

ஆங்கில ஆண்டுக்குரிய மாதங்களின் பெயர்கள், எப்படி ஏற்பட்டது தெரியுமா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக