பைக்கில் வேகமாக சென்றால் ரூ.500/-அபராதம்

**Tamilzhan** · **Tamilzhan** Sat Mar 28, 2009 7:31 pm

பைக்கில் வேகமாக சென்றால் ரூ.500 அபராதம்

விதிமுறைகளை மீறும் வாகன ஓட்டிகளுக்கு அபராதம் விதிக்க மோட்டார் வாகன சட்டம் உள்ளது. இந்த சட்டம் திருத்தப்பட்டு சுமார் 30 ஆண்டுகள் ஆகிறது. இதை திருத்தி அமைக்க மத்திய சாலை போக்குவரத்து துறை ஏற்பாடு செய்தது. இதற்கான விரைவு திட்டம் தயாரிக்கப்பட்டுள்ளது.

அளவுக்கு மீறி வேகமாக செல்லும் வாகன ஓட்டிகள், நிறுத்த கோட்டை தாண்டுபவர்கள், சிக்னல்களில் நிற்காமல் செல்பவர்கள், லைசென்ஸ் இல்லாமல் கார் ஓட்டுபவர்கள், இஷ்டப்பட்ட இடத்தில் காரை பார்க்கிங் செய்பவர்கள் ஆகியோருக்கு அபராதத்தை உயர்த்த வரைவு திட்டத்தில் பரிந்துரைக்கப்பட்டுள்ளது.

மோட்டார் வாகன சட்டத்தில் இதற்காக பல புதிய உட்பிரிவுகள் கொண்டு வரப்படுகின்றன. டெல்லியில் 50 கிலோ மீட்டர் வேகத்துக்கு மேல் செல்லக்கூடாது என்று விதிஉள்ளது. இதை மீறுபவர்களுக்கு தற்போது 400 ரூபாய் அபராதம் விதிக்கப்படுகிறது. இதை 1000 ரூபாயாக உயர்த்த சட்ட திருத்தத்தில் பரிந்துரைக்கப்பட்டுள்ளது.

ஹெல்மட் அணியாதவர்கள், சீட்பெல்ட் அணியாதவர்களுக்கு அபராதம் ரூ.100 லிருந்து 500 ஆக உயர்த்தப்படுகிறது. நோ பார்க்கிங் ஏரியாவில் காரை நிறுத்துபவர்களுக்கு தற்போது விதிக்கப்படும் ரூ.100 அபராதம் இனி ரூ.1500 ஆக இருக்கும்.

செல்போனில் பேசிக்கொண்டே கார் ஓட்டுபவர்களுக்கு தற்போது ரூ.400 அபராதம் விதிக்கப்படுகிறது. அது ரூ.1000 ஆக உயர உள்ளது. கனரக வாகனங்களுக்கு விதிக்கப்படும் அபராதம் பல மடங்கு அதிகமாக பரிந்துரைக்கப்பட்டுள்ளது.

அபராததொகை உயர்வு பரிந்துரை எல்லா அமைச்சகத்தின் பார்வைக்கு அனுப்பப்பட்டு அனுப்பப்ட்ட ஆய்வு செய்யப்பட்டது. கடந்த ஆண்டு பாராளுமன்ற நிலைக்குழுக்களும் சில பரிந்துரைகளை செய்தன.

தற்போது திருத்தம் செய்யப்பட்ட மோட்டார் வாகன சட்டம் தயாராக உள்ளது. புதிய ஆட்சி அமைந்ததும் இந்த சட்டம் அமலுக்கு கொண்டு வரப்படும் என தெரிகிறது.

பைக்கில் வேகமாக சென்றால் ரூ.500/-அபராதம்

பைக்கில் வேகமாக சென்றால் ரூ.500/-அபராதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக