உணவுக்கான தொகை ரூ.1,650 தான் ஆனால் பரிமாறியவருக்குக் கிடைத்த டிப்ஸ் லட்ச ரூபாய்க்கு மேல்!

மிச்சிகன் நகரத்திலுள்ள ஒரு சிறிய உணவகத்தில் புத்தாண்டு அன்று சாப்பிட வந்தனர் ஒரு தம்பதியர்.

அவர்கள் சாப்பிட்ட உணவுக்கான தொகை இந்திய மதிப்பில் ரூ.1,650 /- ஆனால் அவர்கள் தங்களுக்கு உணவு பரிமாறியவருக்கு அளித்த அன்பளிப்பு ரூ. 1,44,957/- ஆகும். புத்தாண்டு வருடமான 2020-ஐ குறிக்கும் வகையில் 2020 டாலர்களை உணவுக்கான டிப்ஸாக அவர்கள் அளித்துள்ளனர் என்பது குறிப்பிடத்தக்கது.

இந்தத் தொகையை அன்பளிப்பாகப் பெற்ற உணவுப் பரிசாகரான டேனியல் ஃபினான்சோனி கூறியது "இது போன்ற அற்புதங்கள் என்னைப் போன்றவர்களுக்கு நடக்காது" என்று இன்ப அதிர்ச்சியில் கூறினார்.

31 வயதான ஃபிரான்சோனி, 'தண்டர் பே ரிவர்' உணவகத்தில் கடந்த ஞாயிற்றுக்கிழமை பணிபுரிந்தபோது இந்த அன்பளிப்பு அவருக்குக் கிடைத்துள்ளது. கிரெடிட் கார்டு ரசீதில் “புத்தாண்டு வாழ்த்துக்கள். 2020 டிப்ஸ் சவால். ” என்று எழுதப்பட்டிருந்தது.

கணவரைப் பிரிந்து ஒற்றைத் தாயாக குழந்தைகளை வளர்த்து வரும் ஃபிரான்சோனியால் இந்த ஆச்சரியத்தை முதலில் நம்பவே முடியவில்லை, ஆனால் அவருடைய மேலாளர் அந்த டிப்ஸ் ஏமாற்று வேலை இல்லை, முறையானதுதான் என்று உறுதிப்படுத்தினார்.

ஒரு வருடத்திற்கு முன்பு வீடற்ற நிலையில் பல சிக்கல்களுடன் வாழ்ந்ததாக ஃபிரான்சோனி கூறினார். மேலும் அவர் கூறுகையில், தனது ஓட்டுநர் உரிமத்தை புதுப்பிக்கவும், புதிய சேமிப்புகளை தொடங்கவும் இந்தப் பணத்தைப் பயன்படுத்த திட்டமிட்டுள்ளார்.

“எனது கதையைப் பற்றி அவர்களுக்கு எதுவும் தெரியாது. நான் எங்கிருந்து வருகிறேன் என்பதும் அவர்களுக்குத் தெரியாது. என்னுடைய கடந்த காலம் எத்தகைய கடினமான ஒன்றாக இருந்தது என்று அவர்களுக்குத் தெரியாது, ”என்றும் "அவர்கள் உண்மையிலேயே அன்புடனும் ஆத்மார்த்தமாகவும் இதை செய்துள்ளார்கள்,’’ என்று உணவகத்தை விட்டு வெளியேறிய தம்பதியரைப் பற்றி ஃபிரான்சோனி கூறினார்.

ஃபிரான்சோனி பின்னர் வேறு ஒரு உணவகத்திற்குச் சென்று ரூ.1449.57 டிப்ஸ் வழங்கினார்.

"அந்த அளவுக்கு என்னால் முடியவில்லை என்றாலும், என் பங்குக்கு என்னால் முடிந்ததுது ," என்று கூறி புன்னகைத்தார்.

தினமணி