அனுமன் ஜெயந்தி விழா: நாமக்கல் ஆஞ்சநேயருக்கு 1 லட்சத்து 8 வடைமாலை

**ayyasamy ram** · **ayyasamy ram** Wed 25 Dec 2019 - 18:24

இன்று ஆஞ்சநேயர் ஜெயந்தி விழாவையொட்டி அதிகாலை
5 மணி அளவில் கோவில் நடைதிறக்கப்பட்டு, சாமிக்கு
அபிஷேகம் மற்றும் ஆராதனை செய்யப்பட்டது.

இதையடுத்து ஆஞ்சநேயருக்கு 1 லட்சத்து 8 வடைமாலை
சாத்தப்பட்டு, பக்தர்களுக்கு காட்சி அளித்தார்.
11 மணி வரை அதே அலங்காரத்தில் அருள்பாலிப்பார்.

11 மணிக்கு மேல் சாமிக்கு பால், தயிர், சந்தனம், பஞ்சாமிர்தம்
உள்ளிட்ட பல்வேறு வகை வாசனை திரவியங்களால் சிறப்பு
அபிஷேகம் செய்யப்படுகிறது.

இதனை தொடர்ந்து ஆஞ்சநேயர் தங்க கவச அலங்காரத்தில்
பக்தர்களுக்கு அருள்பாலிப்பார். அதிகாலை முதல் பக்தர்கள்
நீண்ட வரிசையில் நின்று ஆஞ்சநேயரை வழிபட்டு
வருகின்றனர். சாமி தரிசனம் செய்ய தனி வழி அமைக்கப்பட்டு
இருந்தன.

ஆஞ்சநேயரை தரிசிப்பதற்காக நாமக்கல், சேலம், தருமபுரி,
கிருஷ்ணகிரி, திருச்சி ஈரோடு, கரூர் உள்பட தமிழகத்தின்
பல மாவட்டங்களில் இருந்தும், பல்வேறு மாநிலங்களில் இருந்தும்
ஏராளமான பக்தர்கள் வந்திருந்தனர்.

தரிசனம் செய்யும் அனைத்து பக்தர்களுக்கும் வடை பிரசாதம்
வழங்கப்படுகிறது.

கோவிலின் நுழைவு வாயிலில் ஸ்ரீ அனுமன் ஜெயந்தி என மலர்
மாலைகளால் அலங்காரம் செய்யப்பட்டு இருந்தன. இதற்காக
வெள்ளை, சிவப்பு, மஞ்சள் மற்றும் ஊதா உள்ளிட்ட நிறங்களில்
2 டன் சாமந்தி, ஆஸ்டர் வகை பூக்கள் பயன்படுத்தப் பட்டுள்ளன.
-
மாலைமலர்

**krishnaamma** · **krishnaamma** Wed 25 Dec 2019 - 21:50

அனுமன் ஜெயந்தி விழா: நாமக்கல் ஆஞ்சநேயருக்கு 1 லட்சத்து 8 வடைமாலை

அனுமன் ஜெயந்தி விழா: நாமக்கல் ஆஞ்சநேயருக்கு 1 லட்சத்து 8 வடைமாலை

Re: அனுமன் ஜெயந்தி விழா: நாமக்கல் ஆஞ்சநேயருக்கு 1 லட்சத்து 8 வடைமாலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக