சூரியஒளியில் இயங்கக்கூடிய புதிய ஹெட்ஃபோனை அறிமுகப்படுத்தும் ஜே.பி.எல்!

**ayyasamy ram** · **ayyasamy ram** Sat Dec 21, 2019 11:58 am

பிரபல நிறுவனமான ஜே.பி.எல் சூரியஒளியில் இயங்கக்கூடிய
புதிய ஹெட்ஃபோனை அறிமுகப்படுத்தியுள்ளது. சுவீடன்
நாட்டின் தொழில்நுட்ப நிறுவனமான கிரீன் டெக் நிறுவனத்தின்
'எக்ஸீகார்' பவர்ஃபோயில் தொழில்நுட்பத்தால் இது
உருவாக்கப்பட்டுள்ளது.

சுயமாக சார்ஜ் செய்துகொள்ளும் வசதி இதில் இருப்பதால்
அதிக நேரம் இயங்கக்கூடியது; மற்ற ஹெட்போன்களைப்
போல பேட்டரி ஆயுள் முழுவதுமாக தீர வாய்ப்பில்லை.

மிகவும் குறைவான எடை கொண்டதால் பயன்படுவதற்கு
எளிதானது. எனவே, இதனால் தொடர்ந்து பல மணி நேரம்
இதனை உபயோகிக்க முடியும்.

ஹெட்ஃபோன்கள் தற்போது பச்சை மற்றும் சிவப்பு
நிறங்களில் கிடைக்கிறது. ஹெட்ஃபோன்கள் இயற்கையான
மற்றும் செயற்கை ஒளியை கொண்டுள்ளன. மேலும்,
ஹெட்செட்டின் உள்ளே மற்றும் வெளியே இதற்கான சார்ஜிங்
செய்யும் வசதி உள்ளது. இதில், எந்தவித இரைச்சலுமின்றி
தெளிவான ஆடியோக்களை கேட்க முடியும்.

மேலும், இதில் உள்ள 40 மில்லிமீட்டர் டிரைவர்கள் 20Hz-20kHz
அளவிலான வரம்பிற்குள் சிறந்த ஒலியை வழங்குகின்றன.
நீங்கள் ஒலியை கேட்கும்போது வெளிபுறத்துடன் தொடர்பில்
இருக்கும் அளவுக்கு வடிவமைக்கப்பட்டுள்ளது.

ப்ளூடூத் கருவிகளை இணைத்துக்கொள்ள முடியும். மேலும்,
கூகுள் வாய்ஸ் அசிஸ்டன்ட் அல்லது அமேசான் அலெக்சாவை
பயன்படுத்தி வாய்மொழியாக தேவையானவற்றை பெற்றுக்
கொள்ள முடியும்.

ஹெட்செட்டில் உள்ள பட்டன் மூலமாக ஹேண்ட்ஸ்-ஃப்ரீ
அழைப்புகளை ஏற்றுக்கொள்ள முடியும். வாட்டர் ப்ரூப் வசதி
கொண்டது. இதில் உள்ள அடாப்டர்கள் சூரிய ஒளியின் மூலமாக
சார்ஜ் செய்யும் வகையில் வடிவமைக்கப்பட்டுள்ளது.
இந்த ஹெட்செட்டின் விலை ரூ.7,019

தினமணி

சூரியஒளியில் இயங்கக்கூடிய புதிய ஹெட்ஃபோனை அறிமுகப்படுத்தும் ஜே.பி.எல்!

சூரியஒளியில் இயங்கக்கூடிய புதிய ஹெட்ஃபோனை அறிமுகப்படுத்தும் ஜே.பி.எல்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக