புதிய வெப் தொடரில் - திருவள்ளுவராக ஹர்பஜன் சிங்

**ayyasamy ram** · **ayyasamy ram** Wed 18 Dec 2019 - 18:12

தமிழில் வெப் தொடர்கள் அதிகம் தயாராகி வருகின்றன.
முன்னணி நடிகர் நடிகைகளும் வெப் தொடர்களுக்கு மாறி
வருகிறார்கள்.

தற்போது 15-க்கும் மேற்பட்ட வெப் தொடர்கள் தயாராகி
வருகின்றன. இந்த வரிசையில் ‘மீட் மிஸ்டர் திருவள்ளுவர்’
என்ற பெயரில் புதிய வெப் தொடர் உருவாகிறது.

இதில் திருவள்ளுவர் வேடத்தில் பிரபல கிரிக்கெட் வீரர்
ஹர்பஜன் சிங் நடிக்கிறார். பிளாக் ஷீப் தயாரிக்கும் இந்த
தொடரை டூட் விக்கி இயக்குகிறார்.

இதில் ஆர்.ஜே. விக்னேஷ், சுட்டி அரவிந்த் ஆகியோரும்
முக்கிய கதாபாத்திரங்களில் வருகிறார்கள். ஐடி உள்ளிட்ட
தொழில்நுட்ப துறைகளில் பணியாற்றும் தற்போதைய
இளைய தலைமுறையினருக்கு ஏற்படும் பிரச்சினைகளையும்
அதற்கான தீர்வுகளையும் ஹர்பஜன் சிங் திருக்குறள்
வாயிலாக சொல்வதுபோன்று இந்த தொடரின் கதையை
உருவாக்கி உள்ளனர்.

12 தொடர்களை கொண்ட இதன் முதல் சீசன் தொடர் பிப்ரவரி
2-ந்தேதி இணையதளத்தில் வெளியாகிறது. இதுபோல்
சேதுராமன் நடிப்பில் ஆண் பாவம் என்ற தொடரையும்
தயாரிக்கிறது.

கார்த்திக் வேணுகோபால் இயக்குகிறார். சென்னையில்
நடந்த இந்த தொடரின் அறிமுக நிகழ்ச்சியில் டைரக்டர்கள்
சேரன், விஜய் சந்தர், தயாரிப்பாளர் எஸ்.தாணு, நாஞ்சில்
சம்பத், நடிகர் ரியோ, சேதுராமன், அசார் உள்ளிட்டோர்
பங்கேற்றனர்.

இத்துடன் பிளாக் ஷீப் நிறுவனம் பிளாக் ஷீப் அயாசும்
மைக் செட் ஸ்ரீராமும் கதாநாயகர்களாக நடிக்க ராக்போர்ட்
என்டர்டெயின்மென்ட் முருகானந்தத்துடன் இணைந்து
புதிய படம் ஒன்றையும் தயாரிக்க உள்ளது.

தினத்தந்தி

புதிய வெப் தொடரில் - திருவள்ளுவராக ஹர்பஜன் சிங்

புதிய வெப் தொடரில் - திருவள்ளுவராக ஹர்பஜன் சிங்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக