நற்செயல்! - மினி ஸ்டோரி

**ayyasamy ram** · **ayyasamy ram** Sat 21 Dec 2019 - 8:07

-

சீக்கியர்களின் குருவாக உயர்ந்த குருநானக்,
சிறுவனாக இருந்த போது, 'கடைத்தெருவில்,
ஏதாவது நல்ல பொருள் வாங்கி வா...' என்று,
பணம் கொடுத்தார் தந்தை.

கடைத்தெருவிற்கு சென்ற குருநானக், பசியால்
வாடிய பிச்சைக்காரர்களைக் கண்டார். எலும்பும்,
தோலுமாக காட்சியளித்தனர்.

இரக்கம் கொண்ட குருநானக், தந்தை தந்த பணத்தைச்
சில்லறையாக மாற்றினார். அங்கிருந்த பிச்சைக்காரர்கள்
தட்டில், பகிர்ந்து போட்டு, 'உணவு வாங்கி பசி போக
சாப்பிடுங்கள்...' என்றார்.

வீடு திரும்பியவரிடம், 'மகனே... நல்ல பொருள் வாங்கி
வரச் சொன்னேனே... எதுவும் கிடைக்கவில்லையா...
வெறுங்கையுடன் வந்து இருக்கிறாயே...' என்றார் தந்தை.

'கடைத் தெருவில் பிச்சை எடுத்தவர்களைக் கண்டேன்.
நீங்கள் தந்த பணத்தைச் சில்லறையாக மாற்றி,
அவர்களுக்கு தந்தேன்; அவர்கள் மகிழ்ச்சி அடைந்தனர்.
என் மனம் அமைதியானது.

நீங்கள் தந்த பணத்திற்கு நல்ல பொருளை வாங்கியதாக
நம்புகிறேன்...' என்றார் குருநானக்.

'அருளாளனாக விளங்கும் உன்னை நினைத்துப்
பெருமைப்படுகிறேன்...' என்று, மகனை அன்புடன்
தழுவிக் கொண்டார் தந்தை.

செல்லங்களே... ஏழைகளுக்கு உதவுவது நற்செயல் தான்.
பிச்சை எடுக்காமல் உழைத்து வாழ வழி செய்வது,
அதை விட உயர்ந்த செயல்.
******
சிறுவர் மலர்

**krishnaamma** · **krishnaamma** Sat 21 Dec 2019 - 13:08

நற்செயல்! - மினி ஸ்டோரி

நற்செயல்! - மினி ஸ்டோரி

Re: நற்செயல்! - மினி ஸ்டோரி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக