பூஜையுடன் படப்பிடிப்பை தொடங்கிய ஆலம்பனா

**ayyasamy ram** · **ayyasamy ram** Sun 15 Dec 2019 - 11:25

-
விஸ்வாசம் படத்தை பெரியளவில் வெளியீட்டு பெரு
வெற்றியை கண்ட கே.ஜே.ஆர் ஸ்டுடியோஸும்
தயாரிப்பாளர் சந்துருவும் இணைந்து ஆலம்பனா
படத்தை தயாரிக்கிறார்கள்.

முற்றிலும் மாறுபட்ட கமர்சியல் பேண்டஸி படமாக
இப்படத்தை எழுதி இயக்குகிறார் பாரி.கே.விஜய்.
இவர் முண்டாசுப்பட்டி, இன்று நேற்று நாளை ஆகிய
தரமான படங்களில் துணை மற்றும் இணை இயக்குநராக
பணியாற்றிவர்.

மக்களை என்டெர்டெயின்மென்ட் பண்ணும் படங்களில்
தொடர்ந்து நடித்து வரும் வைபவ் ஹீரோவாக நடிக்கும்
இப்படத்தில் அவருக்கு ஜோடியாக பார்வதி நாயர்
நடிக்கிறார்.

இதுவரை வந்த வைபவ் படங்களிலே ஆலம்பனா தான்
மிகப்பெரிய பட்ஜெட்டில் உருவாகிறது. படத்தில்
முனிஷ்காந்த் முக்கிய கதாபாத்திரத்தில் நடிக்க, பல
வருடங்களுக்குப் பிறகு பட்டிமன்றங்களின் ஹீரோ
திண்டுக்கல் ஐ லியோனி இப்படத்தில் நடிக்கிறார்.

மேலும் காளிவெங்கட், ஆனந்த்ராஜ் ஆகியோரும் படத்தில்
இருக்கிறார்கள். கபீர்துபான் சிங் வில்லன்
வேடமேற்றிருக்கிறார்.
பூஜையுடன் படப்பிடிப்பை தொடங்கிய ஆலம்பனா 201912141242091586_1_aalambana-2._L_styvpf

பூஜையுடன் படப்பிடிப்பை தொடங்கிய ஆலம்பனா 201912141242091586_1_aalambana-2._L_styvpf

ஆலம்பனா படக்குழுவினர்

ஹிப்ஹாப் ஆதி இசையமைக்க, வினோத் ராமசாமி
ஒளிப்பதிவை கவனிக்கிறார். இப்படத்தின் பூஜையும்
படப்பிடிப்பும் இன்று மிகப்பிரம்மாண்டமாக துவங்கியுள்ளது.

பூஜையில் வைபவ், பார்வதிநாயர், இயக்குநர் பார்.கே விஜய்
உள்பட ஒட்டுமொத்த படக்குழுவும் கலந்து கொண்டனர்.
மேலும் சிறப்பு விருந்தினர்களாக நேற்று இன்று நாளை
படத்தின் இயக்குநர் ரவிக்குமார், முண்டாசுப்பட்டி,
ராட்சசன் படங்களின் இயக்குநர் ராம்குமார், குலேபகாவலி,
ஜாக்பாட் ஆகிய படங்களின் இயக்குநர் கல்யாண்
பலூன் படத்தின் இயக்குநர் சினிஸ், டோரா படத்தின்
இயக்குநர் தாஸ்.ராமசாமி ஆகியோர் கலந்துகொண்டனர்.

மாலைமலர்

பூஜையுடன் படப்பிடிப்பை தொடங்கிய ஆலம்பனா

பூஜையுடன் படப்பிடிப்பை தொடங்கிய ஆலம்பனா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக