மார்கழி மாதத்தின் மகத்துவம் !

மார்கழி மாதத்தின் மகத்துவம் !

ஒரு முப்பது நாற்பது வருஷத்துக்கு முந்தி பார்த்தீங்கன்னா மார்கழி மாசம்னாலே அதிகாலை வீதியே அதகளப்படும்.

மேற்கத்திய கலாச்சாரம் நமது வேலையில் ஊடுருவி தற்போது நமது வாழ்க்கை முறையிலும் ஊடுருவிவிட்டது. முக்கியத்துவம் நிறைந்த விஷயங்கள் நமது நேரத்தை ஆக்கிரமித்தது போய் வாழ்க்கையில் எந்த விதத்திலும் நமக்கு பயன்தராத விஷயங்களுக்கு நாம் அதி முக்கியத்துவம் கொடுத்து அதில் நேரத்தை வீணடித்து அதை பெருமையாக கருதும் ஒரு காலத்தில் நாம் வாழ்ந்து வருகிறோம்.

மார்கழி மாதம் 16 ம் தேதி பிறக்கிறது. இது, மனிதனை உயர்வழிக்கு அழைத்துச் செல்லும் மாதம். மார்கழி என்பது எண்ணற்ற மகத்துவங்கள் நிறைந்த ஒரு அற்புதமான மாதமாகும். கிருஷ்ண பரமாத்மா கீதையில் “மாதங்களில் நான் மார்கழியாவேன்” என்று கூறுகிறானென்றால் மார்கழியின் சிறப்பை யூகித்துக்கொள்ளுங்கள்.

அப்படி என்றால் அதை ஏன் பீடை மாதம் என்கிறார்கள் என்று சிலர் கேட்கக்கூடும். அது பீடை மாதம் அல்ல… பீடுடைய மாதம் (அதாவது செல்வம் மிகுந்த மாதம்) என்பது தான் மருவி நாளடைவில் பீடை மாதம் என்றாகிவிட்டது.

நம் சம்பிரதாயப்படி, குறிப்பிட்ட ஆடி, புரட்டாசி, மார்கழி மாதங்களில் திருமணம் உள்ளிட்ட சுப நிகழ்ச்சிகள் நடத்துவதில்லை. காரணம் இவை முழுக்க முழுக்க இறைவழிப்பட்டுக்கு என்றே ஒதுக்கப்படவேண்டிய மாதங்கள். அதிலும் மார்கழி மகத்துவம் நிறைந்தது. எனவே நம் வாழ்வை அர்த்தமுள்ள தாக்கி கொள்ளவேண்டுமானால், இம்மாதத்தில் சரணாகதி என்னும் உயர் தத்துவத்தை கடை பிடிக்கவேண்டும்.

மார்கழி மாதத்தை, “மார்கசீர்ஷம்” என்று வட மொழியில் சொல்வர். “மார்கம்” என்றால், வழி- “சீர்ஷம்” என்றால், உயர்ந்த- “வழிகளுக்குள் தலைசிறந்தது” என்பது பொருள். இறைவனை அடையும் வழிக்கு இது உயர்ந்த மாதமாக உள்ளது. இதற்கும் காரணமிருக்கிறது.

தொடரும்....

மார்கழி மாதம் விரதம் இருந்து விஷ்ணுவை வழிபட்டால் தோஷங்கள் நீங்கி செல்வ செழிப்பை பெறுவர். திருமணத்தடை நீங்கும். குழந்தை பாக்கியம் கிடைக்கும். தொழிலில் நஷ்டம் நீங்கி லாபம் பெருகும்.

மார்கழி மாதங்களில் வீட்டு முன்பு கோலமிட்டால் மகாலட்சுமி வீடு தேடி வருவார் என்பது நம்பிக்கை. இதனால் பெரும்பாலானோர் மார்கழியில் கோலமிடுகின்றனர்.

மார்கழியில் காலையில் எழுந்து வெளியே நடந்தால் ஓசோன் வாயு நுரையீர லுக்கு என்று புத்துணர்ச்சி தரும். மார்கழி மாத காற்று தோலுக்கும் , வெள்ளை சிகப்பு உயிர் அணுக்களுக்கும், புற்று நோய்களுக்கும், உடல் நலத்திற்கும் மிகவும் நல்லது. இது விஞ்ஞான பூர்வமான அறிவியல் உண்மை.மனம் தூய்மையாகும்.

கோலமும், பாடலும் மனதை ஒருமைப்படுத்தி உணர்வுகளைச் செம்மைப்படுத்தும். கோலத்திற்கு அரிசி மாசு பொடி பயன்படுத்துவது நல்லது. சாதாரண கோலப் பொடிகளை பயன்படுத்தக் கூடாது.

நிறைய தொலைத்து விட்டோம் .. இதையாவது இழக்காமல் அனுபவிப்போமே.

நன்றி வாட்சப் !

-
இந்த ஆண்டு மார்கழி மாதம் 17 ந்தேதி பிறக்கிறது..!!

மாதங்களிளே புனிதமான மாதம் மார்கழி…

அதனால் தான் பகவான் கிருஷ்ணன் கூறியது
“மாதங்களிளே நான் மார்கழி” என்று கூறியதாக
ஆன்டாளின் திருப்பாவையில் கூறப்பட்டுள்ளது…

அதனால் தான் நமது முன்னோர்கள் மார்கழி திங்கள்
அதிகாலையில் புனித நீராடி தனது இஷ்ட தேவதை யை
வழிபட கூறுவர்.

இந்த மாதம் ஆன்மீகத்தில் தேவர்களுக்கான அதிகாலை
நேரமாகக் குறிப்பிடப்படுகிறது. எனவே இந்த மாதம் முழுவதும்
இறைவழிபாட்டிற்காக ஒதுக்கப்பட்டுள்ளது.

தமிழ் வருடத்தின் ஒன்பதாவது மாதம் மார்கழி ஆகும்.
இம்மாதம் தனுர் மாதம் என்றும் அழைக்கப்படுகிறது.

அறிவியல் படி பார்த்தால் ஓசோன் படலமானது பூமிக்கு மிக
அருகில் இம்மாதத்தில் உள்ளது. எனவே சுத்தமான காற்றை
சுவாசித்து உடல்நலனைப் பேணும் பொருட்டு அதிகாலை
வழிபாடு இம்மாதத்தில் மேற்கொள்ளப்படுகிறது.

இம்மாதத்தில் மேற்கொள்ளப்படும் அதிகாலை இறைவழிபாடு
பற்றி மாணிக்க வாசகர் திருவெம்பாவையிலும்,
ஆண்டாள் நாச்சியாரரின் திருப்பாவையிலும் போற்றியுள்ளனர்.

மார்கழியில் அதிகாலை வழிபாட்டில் கோவில்களில் வேதங்களுக்குப்
பதிலாக திருப்பாவை, திருவெம்பாவை, திருப்பள்ளியெழுச்சி,
ஆழ்வார் பாசுரங்கள் பாடப்படுகின்றன.

மார்கழி பூஜைக்குரிய மாதமாகும் .. அந்த பூஜையின் பலன் அதை
தொடர்ந்து வரும் தை மாதத்தில் பெறுவர் என்று நம் முன்னேனோர்கள்
“தை பிறந்தால் வழி பிறக்கும்” என்று கூறினார்….

குறிப்பு: இந்த தகவல்களை மார்கழி பஜனையில் அறிந்து கொன்டேன்

---------------
மேக.அகிலா செல்வம்