ஸ்கேபிஸ் - Scabies

உறங்கும் வேளையிலும்கூட சிலர் தொடையிடுக்கில் சொறிவதைப் பார்த் திருப்பீர்கள். இதுதான் சொறி. இதை ஸ்கேபிஸ் என்றும் கூறுவர்.
சொறிப் பூச்சிகள்: சொறிக்குக் காரணம் சொறிப் பூச்சிகள். தோலுக்கு அடியில் சென்று தொற்றிக்கொண்டு மறைந்திருக்கும். மிகச்சிறிய ஒட்டுண்ணி யான இந்தப் பூச்சி தோற்றத்தில் ஆமை போல இருக்கும். ஆண் பூச்சியைவிட பெண் பூச்சியே உருவத்தில் பெரியது.

அறிகுறிகள்: - பூச்சிகள் தொற்றிய ஏழு முதல் பத்து நாட்களுக்குள் தீவிர அரிப்பு போன்ற சொறி சிரங்கின் அறிகுறிகள் தோன்றும். இந்த அரிப்பு இர விலும், மாலையிலும் அதிகமாக இருக்கும். உறுப்புகளின் மடிப்பு தசைகள் மார்பு, வயிறு, புட்டங்கள், தொடைகள், ஆண், பெண் பிறப்புறுப்பு, மார்பகங்கள், விரைப்பை, கால் விரல்களின் இடையே யுள்ள தோல்கள், மணிக் கட்டுகள் அக்குள், இடுப்பு போன்ற இடங்களில் இவை தொற்றிப் பரவி அரிப்பை அதிக மாக்குகின்றன. இக்கிருமிகள் அரிதாக உள்ளங்கைகளிலும் குதிகால்களிலும் காணப்படுகின்றன. கழுத்தின் மேல் பகுதியிலும் காணப்படுகின்றன.

இக்கிருமிகள் இருந்தால் சிவப்பும் பழுப்பும் கலந்த கொப்புளங்கள் அல்லது சீழ்க் கொப்புளங்கள் காணப்படும். தீவிர தோல் அழற்சி, நோயாளிகள் அதிகமாக சொறிவதால் தோலில் சிராய்ப்புகள், சீழ்ப்பிடித்தல் போன்றவை ஏற்படும்.

தொற்றும் விதம்:

நோய்த் தொற்றுள்ளவர்களோடு படுத்தல், அவர்களது உடைகளை உடுத் துதல், மக்கள் நெரிசலான சூழ்நிலைகள், ஒழுங்கற்ற குளியல் முறை, அழுக்குத் துணிகள், உள்ளாடைகள், கிருமித் தொற்றியவருடன் கைகுலுக்குதல், அல்லது அத்தகையவரின் கரங்களை இறுகப் பற்றுதல், கழிப்பறைகள் போன்றவை மூலம் பரவுகின்றன.

மிக நெருக்கமான உடல் தொடர்பால் இது பரவுகிறது. தம்பதிகள் இரவு முழுவதும் ஒன்றாகக் கழிக்கும் போது தொற்று அதிகமாகும்.

கண்டறிதல்:

சந்தேகத்திற்கிடமான சீழ்க்கட்டியை எடுத்து உருப்பெருக்கியில் பார்த்தாலே இக்கிருமிகள் இருப்பது தெரியும். குடும்பத்தில் பலருக்கு சொறி வந்திருந்தால் இதைக் கண்டுபிடிப்பது சுலபம். தோலுக்கு அடியில் இங்க் தடவி கண்டுபிடிக்கலாம்.

சந்தேகமுள்ள இடத்தில் பவுண்டெயின் பேனாவால் கிருமித் தேய்த்து சிறு பஞ்சு மூலம் துடைத்தால், கிருமித் தொற்று ஏற்பட்டிருந்தால் அவ்விடத்தில் வளைந்து வளைந்து மெல்லியக் கோடுகள் செல்வதைக் காணலாம். தோலில் மெல்லிய பகுதியை வெட்டி எடுத்து மைக்ராஸ் கோப்பிலும் பார்க்கலாம்.

தடுப்பு முறைகள்:

சிகிச்சைக்குப் பிறகு தூய ஆடைகளை அணிய வேண்டும்.

சலவைக்குப் போடப்பட்ட படுக்கை விரிப்புகளில் உறங்குதல், ஆடை படுக்கை விரிப்புகளை நோய்த் தொற்று ஏற்பட்ட இரண்டே நாட்களில் வெயிலிலோ உலர் சலவை மூலமோ உலர்த்துதல் வேண்டும்.

குடும்பத்தில் உள்ளவர்களும் நெருங்கிய உடல் தொடர்புடையவர்களும் மருத்துவரின் ஆலோசனையைப் பெறவேண்டும்.

சிகிச்சைக்குப் பிறகு அறிகுறிகள் ஓராண்டுவரை நீங்காமல் இருக்கலாம். அவ்வாறு இருந்தால் பரிசோதித்துக் கொள்வது அவசியம்.

இமருத்துவரின் பரிந்துரைப்படி சிகிச்சை பெறுவது அவசியம். சிகிச்சையை வாழ்க்கைத் துணைவருடன் மேற்கொள்வதுதான் சிறந்தது.

சிகிச்சை வெற்றிகரமாக முடியும் வரை நெருக்கமான தொடர்பு அல்லது உடலுறவை தவிர்ப்பது நல்லது.

உடலுறவில் அதிக நாட்டம் முடையவராக இருந்தால் மருத்துவ பரிசோனை மேற்கொள்ள வேண்டும்.

சிகிச்சை: - நோய்த் தொற்றுள்ள துணிகள், படுக்கைகளை முறையாக சுத்தம் செய்யவேண்டும். சிகிச்சைக்குப் பிறகு நோய்த் தொற்றுக்கான காரணப் பொருட்கள் அல்லது அத்தகைய சூழ் நிலைகளை உருவாக்கும் காரணிகளுடனான தொடர்பை விட்டு விடவேண்டும்.