பாலியல் வன்கொடுமை குற்றத்துக்கு 21 நாளில் தூக்கு தண்டனை: ஆந்திர அரசு சட்ட மசோதா

**ayyasamy ram** · **ayyasamy ram** Fri Dec 13, 2019 6:01 am

ஆந்திராவில் பெண்களுக்கு எதிராக பாலியல் வன்கொடுமையில் ஈடுபட்டால், அந்த வழக்கு தொடா்பாக 21 நாளில் விசாரணையை நிறைவு செய்து குற்றவாளிக்கு தூக்கு தண்டனை வழங்கும் புதிய சட்டமசோதாவுக்கு அந்த மாநில அமைச்சரவை புதன்கிழமை ஒப்புதல் வழங்கியுள்ளது.

ஹைதராபாத்தில் நடந்த கால்நடை பெண் மருத்துவா் பாலியல் வன்கொடுமை-கொலையை தொடா்ந்து ஆந்திராவில் பெண்களுக்குப் பாதுகாப்பு அளிக்கவும், பாலியல் வன்கொடுமையில் ஈடுபடுபவா்களுக்கு கடுமையான தண்டனை வழங்கவும் இந்த சட்டமசோதாவை ஆந்திர அரசு கொண்டுவந்துள்ளது.

முன்னதாக, அமைச்சரவைக் கூட்டத்தில் முதல்வா் ஜெகன்மோகன் ரெட்டி கூறியதாவது:

ஹைதராபாத் போன்ற சம்பவம் ஆந்திராவில் நடைபெறவில்லை என்றாலும், மாநில பெண்களுக்கு பாதுகாப்பு அளிக்கும் விதம் புதிய சட்ட மசோதா கொண்டுவரப்பட்டுள்ளது. பெண்களை பாலியல் வன்கொடுமை செய்ய ஆண்கள் அச்சப்பட வேண்டும்.

இந்த மசோதாவின்படி, பாலியல் வன்கொடுமை வழக்கின் விசாரணையை 7 நாளில் முடிக்க வேண்டும்; குற்றம் நடந்த 14 நாட்களுக்குள் வழக்கின் நீதிமன்ற விசாரணை முற்றுப்பெற வேண்டும்; குற்றம் நிரூபிக்கப்பட்டால் 21 நாள்களுக்குள் குற்றவாளிகளுக்கு துாக்கு தண்டனை நிறைவேற்ற வேண்டும்; சமூக வலைதளங்களில் பெண்களை கீழ்த்தரமாக சித்தரிக்கப்படும் பதிவுகளுக்கு 2 ஆண்டு சிறை; குழந்தைகள், சிறுமிகள் மீது பாலியல் வன்கொடுமையில் ஈடுபடுவா்களுக்கு 20 ஆண்டு சிறை தண்டனை மற்றும் குற்றங்களுக்கு ஏற்ற வகையில் ஆயுள் தண்டனை; பாலியல் வன்கொடுமை வழக்கை விசாரிக்க மாவட்டத்திற்கு ஒன்றென 13 சிறப்பு நீதிமன்றங்கள் ஏற்பாடு உள்ளிட்ட அம்சங்கள் இந்த சட்டமசோதாவில் இடம்பெற்றுள்ளன என்று ஜெகன்மோகன்ரெட்டி தெரிவித்தாா்.

தினமணி

பாலியல் வன்கொடுமை குற்றத்துக்கு 21 நாளில் தூக்கு தண்டனை: ஆந்திர அரசு சட்ட மசோதா

பாலியல் வன்கொடுமை குற்றத்துக்கு 21 நாளில் தூக்கு தண்டனை: ஆந்திர அரசு சட்ட மசோதா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக