ராஜ்யசபா டிவி நேரடி ஒளிபரப்பு திடீர் நிறுத்தம்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

ராஜ்யசபா டிவி நேரடி ஒளிபரப்பு திடீர் நிறுத்தம்

#1309626

ayyasamy ram
வழிநடத்துனர்: பதிவுகள் : 82560
இணைந்தது : 30/09/2013

Post ayyasamy ram Thu Dec 12, 2019 6:10 am

புதுடில்லி:
குடியுரிமை மசோதாவை ராஜ்யசபாவில் தாக்கல் செய்து
உள்துறை அமைச்சர் அமித்ஷா பேசும்போது,
எதிர்க்கட்சியினர் கடும் அமளியில் ஈடுபட்டதால்,
ராஜ்யசபா டிவி ஒளிபரப்பு சிறிது நேரம் நிறுத்தப்பட்டது.

குடியுரிமை சட்ட திருத்த மசோதாவை, உள்துறை அமைச்சர்
அமித்ஷா, ராஜ்யசபாவில் தாக்கல் செய்து பேசினார்.
அப்போது, அசாம் மக்களின் உரிமைகளை பா.ஜ., அரசு
காக்கும் எனக்கூறினார்.

அப்போது, எதிர்க்கட்சி எம்.பி.,க்கள் எழுந்து நின்று,
கடும் எதிர்ப்பு தெரிவித்தனர். அமித்ஷா பேசுவது தவறு
எனக்கூறி கூச்சல் போட்டனர்.

இதனை கண்டித்த அவை தலைவர் வெங்கையாநாயுடு,
அமித்ஷா பேசும் போது, குறுக்கிடக்கூடாது. உங்களுக்கு
பேச நேரம் அளிக்கப்படும். அப்போது பேசுங்கள். அதுவரை
அமைதியாக இருங்கள் என்றார்.

எம்.பி.,க்கள் கூச்சல் போட்டதால், கோபமடைந்த
வெங்கையா நாயுடு, கூச்சல் போடும் எம்.பி.,க்கள் பேசுவது
எதுவும் பதிவு செய்யப்படாது என எச்சரித்தார். தொடர்ந்து,
ராஜ்யசபா டிவி ஒளிபரப்பு நிறுத்தப்பட்டது.

இது தொடர்பாக ராஜ்யசபா டிவி வட்டாரங்கள் கூறுகையில்,
அவை தலைவர், தனது இருக்கைக்கு கீழ் இருக்கும் சிவப்பு
நிற பட்டனை அழுத்தினார். இது ராஜ்யசபா டிவி ஒளிபரப்பு
அறைக்கு சிக்னல் எழுப்பும். தொடர்ந்து டிவி ஒளிபரப்பு
நிறுத்தப்பட்டது.

சிறிது நேரம் கழித்து அமைச்சர் அமித்ஷா பேச துவங்கியதும்,
ஒளிபரப்பு துவங்கியது. இவ்வாறு அந்த வட்டாரங்கள்
தெரிவித்தன.

தினமலர்

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1