2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்!

**ayyasamy ram** · **ayyasamy ram** Mon Dec 09, 2019 7:36 pm

2019 ஆம் ஆண்டில் வெளியான படங்களில் விமர்சன
ரீதியாகவும், வசூல் ரீதியாகவும் நல்ல வரவேற்பு பெற்ற
படங்களில் விஸ்வாசம், பேட்ட, நேர்கொண்ட பார்வை,
பிகில் ஆகிய படங்கள் அதிக முக்கியத்தும் பெற்றுள்ளன.

தமிழ் சினிமா

2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்! 72360540

ஒவ்வொரு ஆண்டும் தமிழ் சினிமாவில் 200க்கும் அதிகமான
படங்கள் திரைக்கு வருகிறது. அதில், மாஸ் ஹீரோக்களின்
படங்கள் என்னவோ குறைந்ததோ 10 தான். கதைப்படியும்,
வசூல் ரீதியாகவும், மாஸ் ஹீரோ என்பதாலும் அவர்களது
படங்கள்தான் திரையரங்குகளில் அதிக நாட்கள்
திரையிடப்படுகின்றன.

இதுவே சாதாரண ஹீரோ அல்லது சிறிய பட்ஜெட்
படங்களுக்கோ அந்தளவிற்கு வரவேற்பு கிடைப்பதில்லை.

கதை

2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்! 72360524

கதை நன்றாக இருந்தாலும் பாராட்டு கிடைப்பதற்கே
இடமில்லாமல் போய்விடுகிறது. உதாரணமாக, அண்மையில்
திரைக்கு வந்த படம் மிக மிக அவசரம்.

ஒரு பெண் போலீஸ் சந்திக்கும் பிரச்சனைகளை மையப்படுத்தி
வெளியான படம். கதையும், காட்சியும் பிரமாதமாக இருந்தாலும்
திரையரங்குகளும் குறைவு, வசூலும் குறைவுதான்.

சரி, இந்த ஆண்டில் திரைக்கு வந்து வெற்றிகண்ட மிக
முக்கியமான படங்களைப் பற்றி இங்கு காண்போம்.

**ayyasamy ram** · **ayyasamy ram** Mon Dec 09, 2019 7:39 pm

பேட்ட
-

2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்! 72360315

-

இயக்குநர் கார்த்திக் சுப்புராஜ் இயக்கத்தில் ரஜினிகாந்த்,
த்ரிஷா, சசிகுமார், சிம்ரன், பாபி சிம்ஹா, மேகா ஆகாஷ்
ஆகியோர் பலர் நடிப்பில் கடந்த பொங்கல் பண்டிகைக்கு
திரைக்கு வந்த படம் பேட்ட.

கிட்டத்தட்ட 160 கோடி பட்ஜெட்டில் உருவாக்கப்பட்ட இப்படம்,
விமர்சன ரீதியாகவும், வசூல் ரீதியாகவும் நல்ல வரவேற்பு
பெற்றுள்ளன. ஆம், உலகம் முழுவதும் வெளியான பேட்ட
ரூ.232.92 கோடி வரையில் வசூல் அள்ளி குவித்துள்ளது என்பது
குறிப்பிடத்தக்கது.

விஸ்வாசம்
-

2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்! 72360496

தல அஜித் – இயக்குநர் சிவா கூட்டணியில் பேட்ட
படத்துடன் திரைக்கு வந்த படம் விஸ்வாசம்.
அஜித், தம்பி ராமையா, நயன்தாரா, அனிகா,
ரோபோ சங்கர், விவேக் ஆகியோர் பலர் நடித்திருந்தனர்.

அப்பா மகள் பாசத்தை மையப்படுத்தி உருவாக்கப்பட்ட
இப்படம் ரசிகர்களிடையே நல்ல வரவேற்பு பெற்றது.
உலகம் முழுவதும் வெளியான
இப்படம் ரூ.204.26 கோடி வசூல் குவித்தது.

பிகில்

2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்! 72360317

அட்லி – விஜய் காம்பினேஷனில் கால்பந்து விளையாட்டை
மையப்படுத்தி வெளியான படம் பிகில். ரூ.180 கோடி
பட்ஜெட்டில் உருவாக்கப்பட்ட இப்படம் உலகம் முழுவதும்
ரூ.292.2 கோடி வரையில் வசூல் குவித்துள்ளது.

பொதுவாக அட்லி – விஜய் படம் என்றாலே சர்ச்சையில்
சிக்குவது வழக்கம். அந்த வகையில், இந்தப் படத்தின்
காட்சிகள் பல படங்களிலிருந்து எடுக்கப்பட்டது என்று
கூறப்பட்டது.

எனினும், இப்படத்திற்கு விஜய் ரசிகர்களிடமிருந்து நல்ல
வரவேற்பு கிடைத்தது என்பது குறிப்பிடத்தக்கது.

**ayyasamy ram** · **ayyasamy ram** Mon Dec 09, 2019 7:42 pm

கைதி
-

2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்! 72360493

லோகேஷ் கனகராஜ் – கார்த்தி நடிப்பில் தீபாவளிக்கு
வந்த படம் கைதி. இரவில் மட்டுமே எடுக்கப்பட்ட படத்தின்
பட்ஜெட் என்னவோ ரூ.25 கோடி. 10 வருடங்களாக
பிரிந்திருந்த தனது மகளை காண்பதற்கு சிறையில் இருந்து
பின்னர் விடுதலையாகி வந்த ஹீரோ சந்தித்த பிரச்சனை
தான் கைதி.

காஞ்சனா 3
-

2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்! 72360600

ராகவா லாரன்ஸ் இயக்கி நடித்த படம் காஞ்சனா 3.
வேதிகா, ஓவியா, நிக்கி தம்போலி, சூரி, ஸ்ரீமன் என்று
பல நட்சத்திர பட்டாளங்கள் இப்படத்தில் நடித்திருந்தனர்.

காமெடி கலந்த த்ரில்லர் கதையை மையப்படுத்தி
இப்படம் திரைக்கு வந்தது. ரூ.40 கோடி பட்ஜெட்டில் வந்த
இப்படம் ரூ.130.2 கோடி வரையில் வசூல் குவித்துள்ளது.

தடம்
-

2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்! 72360431

இயக்குநர் மகிழ் திருமேனி இயக்கத்தில் அருண் விஜய்
இருவேறு கதாபாத்திரங்களில் நடித்திருந்த படம் தடம்.
ஆக்‌ஷன் த்ரில்லர் கதையை மையப்படுத்தி திரைக்கு
வந்த இப்படத்தின் பட்ஜெட் ரூ.14 கோடி.

ஆனால், வசூலோ ரூ.26 கோடி என்பது குறிப்பிடத்தக்கது.
இப்படத்தின் மூலம் அருண் விஜய், ரசிகர்களிடையே
நல்ல வரவேற்பு பெற்றார்.

**ayyasamy ram** · **ayyasamy ram** Mon Dec 09, 2019 7:44 pm

கோமாளி
-

2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்! 72360456

ஜெயம் ரவி மாறுபட்ட ஒரு கதாபாத்திரத்தில் நடித்துள்ள
படம் கோமாளி. கிட்டத்தட்ட 16 வருடம் கோமாளி இருந்து
பின்னர் சுயநினைவுக்கு திரும்பிய பிறகு சந்திக்கும்
பிரச்சனைகள் தான் இப்படம்.

இதில் , காஜல் அகர்வால், யோகி பாபு, சம்யுக்தா ஹெக்டே
ஆகியோர் பலர் நடித்திருந்தனர். உலகம் முழுவதும்
வெளியான இப்படம் ரூ.50 கோடி வரையில் வசூல்
குவித்துள்ளது.

அண்மையில், இப்படம் 100 நாட்கள் ஓடிய படங்களுக்கான
வெற்றிவிழா கண்டது. படக்குழுவினருக்கு பரிசுகள்
வழங்கப்பட்டது.

நம்ம வீட்டுப்பிள்ளை
-

2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்! 72360314

இயக்குநர் பாண்டிராஜ் – சிவகார்த்திகேயன்
காம்பினேஷனில் வந்த படம் நம்ம வீட்டுப்பிள்ளை.
அண்ணன் – தங்கை மற்றும் குடும்ப உறவுகளை
மையப்படுத்தி திரைக்கு வந்த இப்படத்திற்கு
பட்டிதொட்டியெங்கும் வரவேற்பு கிடைத்தது.

ரூ.40 கோடி பட்ஜெட்டில் உருவாக்கப்பட்ட இப்படம்
ரூ.76 கோடி வரையில் வசூல் குவித்துள்ளது.
இப்படத்தில் ஐஸ்வர்யா ராஜேஷ், சூரி, அனு இம்மானுவேல்,
பாரதிராஜா, மைனா நந்தினி, நட்டி என்ற நடராஜன்
ஆகியோர் பலர் இப்படத்தில் நடித்துள்ளனர்.

அசுரன்
-

2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்! 72360313

வெற்றி மாறன் – தனுஷ் காம்பினேஷனில் திரைக்கு
வந்த படம் அசுரன். ஆக்‌ஷன் டிராமா கதையை
மையப்படுத்திய இப்படத்தில், தனுஷிற்கு ஜோடியாக
மஞ்சு வாரியர் நடித்துள்ளார். உலகம் முழுவதும்
வெளியான இப்படத்திற்கு ரசிகர்கள் தாறுமாறாக
வரவேற்பு கொடுத்துள்ளனர்.

**ayyasamy ram** · **ayyasamy ram** Mon Dec 09, 2019 7:46 pm

நேர்கொண்ட பார்வை
-

2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்! 72360419

இயக்குநர் ஹெச் வினோத் இயக்கத்தில் போனி கபூர்
தயாரிப்பில் அஜித் நடித்து வெளிவந்த படம் நேர்கொண்ட
பார்வை. பெண்களை மையப்படுத்திய இப்படத்தில்
அஜித் வழக்கறிஞராக நடித்து ரசிகர்களுக்கு விருந்து
கொடுத்தார். பாலிவுட்டில் அமிதாப் பச்சன் நடித்த பிங்க்
படத்தின் தமிழ் ரீமேக்கில் நேர்கொண்ட பார்வை
வெளியானது.

படத்தின் பட்ஜெட் என்னவோ ரூ.50 கோடி தான்,
ஆனால், வசூல் என்னவோ ரூ.126 கோடி என்பது
குறிப்பிடத்தக்கது.
-----------------
ஒத்த செருப்பு சைஸ் 7
-

2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்! 72360444

பார்த்திபன் இயக்கி நடித்த படம் ஒத்த செருப்பு சைஸ் 7.
பார்த்திபனைத் தவிர வேறு யாரும் இந்தப் படத்தில்
நடிக்கவில்லை. த்ரில்லர் கதையை மையப்படுத்தி
இப்படம் திரைக்கு வந்தது.

விமர்சன ரீதியாக நல்ல வரவேற்பு பெற்ற இப்படம்
ரூ.1 கோடி வரையில் வசூல் குவித்துள்ளது என்பது
குறிப்பிடத்தக்கது. ஒத்த செருப்பு சைஸ் 7 படத்திற்காக
பிரபலங்கள் பலரும் பார்த்திபனுக்கு வாழ்த்து தெரிவித்தனர்.
-
-----------------------

நன்றி- தமிழ்-சமயம்

Sponsored content · Sponsored content

2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்!

2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்!

Re: 2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்!

Re: 2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்!

Re: 2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்!

Re: 2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்!

Re: 2019 ஆம் ஆண்டில் உச்சம் தொட்ட சூப்பர் டூப்பர் ஹிட் மூவிஸ்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக