நிர்பயா குற்றவாளியை தூக்கிலிட துடிக்கும் தமிழக ஏட்டு !

**krishnaamma** · **krishnaamma** Sat Dec 07, 2019 9:30 pm

நான் 'ரெடி': நிர்பயா குற்றவாளியை தூக்கிலிட துடிக்கும் தமிழக ஏட்டு !

நிர்பயா குற்றவாளியை தூக்கிலிட துடிக்கும் தமிழக ஏட்டு ! HDxrhosTVGvFNlDvVdXw+Tamil_News_large_2428736

சென்னை : நிர்பயா வழக்கு குற்றவாளிகளை தூக்கிலிடும் பணிக்கு தான் தயாராக உள்ளதாக டில்லி திகார் சிறை அதிகாரிகளுக்கு, ராமநாதபுரம் போலீஸ் ஏட்டு சுபாஷ் சீனிவாசன், 42, விண்ணப்ப கடிதம் அனுப்பி உள்ளார்.

நிர்பயா என்ற மருத்துவ மாணவி 2012-ம் ஆண்டு ஓடும் பஸ்சில் 6 பேர் கொண்ட கும்பலால் கொடூரமாக பலாத்காரம் செய்து கொல்லப்பட்டார். நாடு முழுவதும் பெரும் அதிர்ச்சியை ஏற்படுத்திய இந்த சம்பவத்தில் ராம்சிங், மகேஷ்சிங், வினய் சர்மா, பவன்குப்தா, அக்தர் தாக்கூர் ஆகியோரையும், 16 வயது சிறுவன் ஒருவனையும் போலீசார் கைது செய்தனர். சிறுவனுக்கு சிறார் நீதி சட்டப்படி அதிகபட்சமாக 3 ஆண்டு சிறை தண்டனை விதிக்கப்பட்டது. மற்றொரு குற்றவாளியான ராம்சிங் திகார் சிறையில் தற்கொலை செய்து கொண்டான். மற்ற 4 பேருக்கும் விசாரணை நீதிமன்றம் தூக்கு தண்டனை விதித்தது. இதை டில்லி ஐகோர்ட் மற்றும் சுப்ரீம் கோர்ட் ஆகியன உறுதி செய்தன.

தொடரும்....

**krishnaamma** · **krishnaamma** Sat Dec 07, 2019 9:31 pm

இந்த நிலையில் தூக்கு தண்டனையை நிறைவேற்ற டில்லி திகார் சிறையில் ஆள் இல்லாத காரணத்தாலேயே, தண்டனை உறுதி செய்யப்பட்டும் குற்றவாளிகள் தூக்கிலிடப்படவில்லை என கூறப்பட்டது. இதனையடுத்து அந்த பணிக்கு தான் தயாராக இருப்பதாக ராமநாதபுரத்தை சேர்ந்த போலீஸ் ஏட்டு சுபாஷ் சீனிவாசன் தெரிவித்துள்ளார். இது தொடர்பாக திகார் சிறையின் தலைமை இயக்குநருக்கு அவர் கடிதமும் அனுப்பி உள்ளார்.

ராமநாதபுரம் மாவட்ட காவல் பணியிடை பயிற்சி மையத்தில் தலைமை காவலராக பணியாற்றி வரும் சுபாஷ் சீனிவாசன், திகார் சிறை அதிகாரிகளுக்கு எழுதியுள்ள கடிதத்தில், நிர்பயா வழக்கில் தண்டனை பெற்ற 4 பேரை தூக்கிலிட திகார் சிறையில் ஆள் இல்லை என்பதால், தண்டனை தள்ளிப்போவதாக செய்திகள் வருகின்றன. சம்பந்தப்பட்ட குற்றவாளிகளுக்கு விரைவில் தண்டனை நிறைவேற்றப்பட வேண்டும் என்ற நோக்கத்தில் நான் அந்தப் பணியை செய்ய விருப்பம் தெரிவிக்கிறேன் என குறிப்பிட்டுள்ளார்.

இவர் தேவிபட்டினத்தில் பணியாற்றியபோது, உறவினர்கள் யாரும் இல்லாமல் கேட்பாரற்று இருக்கும் சடலங்களை அடக்கம் செய்வது, மனநலம் பாதிக்கப்பட்டவர்களுக்கு உதவுவது போன்ற சமூக சேவைகளிலும் ஈடுபட்டுள்ளார். இவர் தமிழக அரசின் அண்ணா பதக்கம் மற்றும் மாவட்ட கலெக்டரிடம் விருதுகளை பெற்றுள்ளார்.

நன்றி தினமலர் !