சமையலில் சேர்க்க வேண்டும் அன்பு

நாம் சாதாரணமாகச் சாப்பிடும் உணவில்கூட ஏதாவது ஒரு தானியம், பருப்பு என ஆரோக்கியம் தரும் உணவு வகைகளைச் சேர்த்துக் கொள்ள வேண்டும்.

காரணம் - நம் உடலின் இயக்கத்திற்கு இருபது அமினோ அமிலங்கள் தேவை. இவற்றில் முக்கியமானவை, முக்கியமற்றவை என இரண்டு வகைகள். இதில் இரண்டாவது வகையை உடல் தானாகவே உற்பத்தி செய்து கொள்கின்றது. அமினோ அமிலங்கள் அரிசி, கோதுமை போன்ற தானியங்களிலும் உளுந்து, துவரை, கடலை, பாசிப்பருப்பு போன்றவற்றிலும் தான் அதிகம் இருக்கிறது. இவை இரண்டையும் கலந்து சாப்பிடும் போது உடலுக்கு தேவையான அளவுக்கு அமினோ அமிலங்கள் கிடைத்துவிடுகின்றன. இந்தச் சத்தான கலவை வெளிநாட்டு உணவுவகைகளில் கிடைத்துவிடுவதில்லை.

உணவுக்கு தரும் அதே முக்கியத்தவத்தை சமைக்கும் இடமான சமையலறைக்கும் தரவேண்டும். சமையலறை கோவிலுக்கு நிகராக கருதப்படுகிறது. ஆயர்வேதத்தில்!
சமையல் அறை வெளிச்சமாகவும், காற்றோட்டமாகவும் சந்தோசம் தரும் இடமாகவும் இருக்கவேண்டும்.
புறாக்கூண்டு மாதிரி புகை படிந்து, அழுக்கேறி, அந்த அறைக்குள் நுழையும் போதே ஏன்தான் இங்கே வருகின்றோமோ! என்ற எரிச்சல் தோன்றி விடக் கூடாது.

கிழக்கிலிருந்து வரும் இதமான சூரிய வெளிச்சம் அறையைப் பிரகாசமாக வைத்திருக்கும்; சமையலின் போது உருவாகும் புகையை வெளியேற்றும் விதமான காற்றும் அந்த அறைக்குத் தான் இயல்பாக வரும்.

அத்துடன் சமையலுக்கு பயன் படுத்தும் பொருட்கள் மட்டுமல்ல சமைக்கிறவரின் மனமும் அந்த உணவில் பிரதிபலிக்கும். சமைக்கிறவர்கள் “நான் என் குடும்பத்தில் இருக்கும் என் அன்புக்குரியவர்களுக்காக இந்த உணவைத் தயாரிக்கிறேன்”. இவ்வாறான நினைப்பு ஏற்படும் போது, அவர்கள் தயாரிக்கும் உணவில் கண்ணுக்குத் தெரியாத நல்ல மாற்றத்தை ஏற்படுத்துகின்றது.

உணவகங்களில் சமைக்கும் போது அவர்களின் நோக்கம், குறைந்த நேரத்தில் குறைந்த செலவில் இலாபம் அடைவதே.

உணவகங்களில் சமைக்கும் போது அவர்களின் நோக்கம், குறைந்த நேரத்தில் குறைந்த செலவில் இலாபம் அடைவதே.