3 முறை எம்.எல்.ஏ.வாக இருந்தவரின் மனைவி காய்கறி விற்கிறார்

**ayyasamy ram** · **ayyasamy ram** Wed Nov 27, 2019 4:57 pm

ராஞ்சி:

ஜார்க்கண்ட் மாநிலம் பட்காகோன் தொகுதியை சேர்ந்தவர் லோக்நாத் மேக்டோ.
இவருடைய மனைவி மவுலினி தேவி. லோக்நாத் மேக்டோ, 1995, 2000, 2004 ஆகிய
வருடங்களில் பட்காகோன் தொகுதியில் பா.ஜனதா சார்பில் போட்டியிட்டு
எம்.எல்.ஏ-. ஆனார்.

3 முறை எம்.எல்.ஏ.வாக பதவி வகித்த இவர், இந்த முறையும் இதே தொகுதியில்
பா.ஜனதா வேட்பாளராக மனு தாக்கல் செய்துள்ளார்.

74 வயதான லோக்நாத் மேக்டோ அவருக்கு கிடைத்த எம்.எல்.ஏ. சம்பளத்தை
அந்த தொகுதியில் உள்ள ஏழைகளுக்காக பயன்படுத்தினார். ஏழை பெண்களின்
திருமணத்தை நடத்தி வைக்கவும் உதவியுள்ளார். பல்வேறு அரசு உதவிகளையும்
தொகுதி மக்களுக்கு பெற்றுக்கொடுத்துள்ளார்.

2005-ம் ஆண்டு சிறந்த எம்.எல்.ஏ.வுக்கான விருதை பெற்றுள்ளார்.

லோக்நாத்மேக்டோ 3 முறை எம்.எல்.ஏ.வாக இருந்தாலும் தனது குடும்பத்துக்காக
சொத்து சேர்ப்பதில் ஆர்வம் காட்டவில்லை. இவருடைய மனைவி மவுலினிதேவி.
கணவர் எம்.எல்.ஏ. ஆகும் முன்பே காய்கறி விற்று வந்தார். இன்றும் காய்கறி
வியாபாரம் செய்துதான் தனது குடும்பத்தை நடத்துகிறார்.

இதுகுறித்து மவுலினி தேவியிடம் கேட்டபோது, ‘காய்கறி விற்பதுதான் எனது
தொழில் நீண்ட காலமாக இதை செய்து வருகிறேன். அவர் எம்.எல்.ஏ.வாக
இருந்தாலும் காய்கறி விற்பதை சாதாரணமான தொழில் என்று கருதவில்லை.
காய்கறி தோட்டமும் வைத்திருக்கிறேன். எனது கணவரின் வருமானத்தை நான்
எதிர்பார்ப்பதில்லை.
3 முறை எம்.எல்.ஏ.வாக இருந்தவரின் மனைவி காய்கறி விற்கிறார் 201911271215439989_1_bjp12._L_styvpf

3 முறை எம்.எல்.ஏ.வாக இருந்தவரின் மனைவி காய்கறி விற்கிறார் 201911271215439989_1_bjp12._L_styvpf

லோக்நாத் மேக்டோ

நானே என் குடும்ப செலவை கவனித்துக்கொள்கிறேன்.
காய்கறி வியாபாரம் செய்வது கவுரவ குறைச்சல் அல்ல’ என்றார்.
லோக்நாத்மேக்டோ இது பற்றி கூறும்போது, ‘எனது மனைவி காய்கறி
வியாபாரம் செய்வதை பெருமையாக கருதுகிறேன். குடும்பத்தை அவர்
கவனிக்கிறார். மக்களுக்கு நான் சேவை செய்கிறேன்’ என்று மகிழ்ச்சியுடன்
கூறினார்.

மாலைமலர்

**T.N.Balasubramanian** · **T.N.Balasubramanian** Wed Nov 27, 2019 6:21 pm

மனதை உருக்குகின்ற செய்தி.
இப்பிடியும் சில மனிதர்கள்.

ரமணியன்

**ayyasamy ram** · **ayyasamy ram** Thu Nov 28, 2019 6:41 am

இந்த செய்தி மே 27, 2014 ல் முதல் முறையாக
பிரசுரம் செய்யப்பட்டுள்ளது.

லோக்நாத் மேக்டோ அவர்களுக்கு இரண்டு கோடி மதிப்புள்ள
சொத்து உள்ளது

இருப்பினும் ஏழை எளிய மக்களுக்கு சேவை செய்வதில்
விருப்பமுள்ளவர்...

பாலாஜி · பாலாஜி Thu Nov 28, 2019 5:48 pm

ayyasamy ram wrote:இந்த செய்தி மே 27, 2014 ல் முதல் முறையாக
பிரசுரம் செய்யப்பட்டுள்ளது.

லோக்நாத் மேக்டோ அவர்களுக்கு இரண்டு கோடி மதிப்புள்ள
சொத்து உள்ளது

இருப்பினும் ஏழை எளிய மக்களுக்கு சேவை செய்வதில்
விருப்பமுள்ளவர்...

மேற்கோள் செய்த பதிவு: 1308538

நிச்சயம் ஆச்சரியமான மனிதர் தான் .... இப்பொழுது எல்லாம் எம்.எல்.ஏ வின் மாத சம்பளம் இலட்சத்தை தொடுகின்றது ... மூன்று முறை எம்.எல்.ஏ ஆக இரண்டு கோடிக்கு வாய்ப்பு உண்டு

**T.N.Balasubramanian** · **T.N.Balasubramanian** Thu Nov 28, 2019 6:01 pm

வாட்ஸப் செயலியில்தான் பழைய செய்திகளை புதியது மாதிரி
வருடாவருடம் வந்துகொண்டே இருக்கும். இப்போது தினசரிகளிலும்
இதே மாதிரி செய்திகளை போடுகின்றனர்.
முன்பெல்லாம் செய்திகள் தினசரியில் வந்தால்
பதிவிடும் தேதி /ந நி (நமது நிருபர்) அல்லது ராய்ட்டர் செய்தி
அல்லது பதிவிட்டவர் பெயர்/நிறுவனம் முதலியவை வரும். இப்போதெல்லாம்
அந்த ஒழுங்கங்களை எதிர்பார்க்கமுடியாது.
நம்ம ஜனங்களும் இதை பற்றி எல்லாம் கவலை படுவதில்லை.
அவரவர் வேலை உண்டு /பணம் சம்பாதிக்கும் வழிகளில் கவலை.

ரமணியன்

**krishnaamma** · **krishnaamma** Thu Nov 28, 2019 8:31 pm

லோக்நாத்மேக்டோ 3 முறை எம்.எல்.ஏ.வாக இருந்தாலும் தனது குடும்பத்துக்காக
சொத்து சேர்ப்பதில் ஆர்வம் காட்டவில்லை.

இதுதான் முக்கியம் புன்னகை

**krishnaamma** · **krishnaamma** Thu Nov 28, 2019 8:31 pm

T.N.Balasubramanian wrote:மனதை உருக்குகின்ற செய்தி.
இப்பிடியும் சில மனிதர்கள்.

ரமணியன்

இந்த பதிவைத் துவங்கியவர் நன்றி கூறியுள்ளார் krishnaamma

Guest · Guest Thu Nov 28, 2019 8:54 pm

இந்தச் செய்தி 14.12.2009 இல் டைம்ஸ் ஆஃப் இண்டியாவிலும் வேறு சில ஊடகங்களிலும் வெளிவந்துள்ளது. Times of India தற்போது மீண்டும் பதிவு செய்து, அப்பதிவின் தொடக்கத்தில் இந்த செய்தி THIS STORY IS FROM DECEMBER 14, 2009, (Retrieved 23 June 2019.) என குறிப்பிட்டு மீண்டும் மீள்பதிவு செய்யப்படுவதாக குறிப்பிட்டுள்ளது. (விக்கிபீடியா)

2014 பெப்.24 இல் டுவிட்டரில் (2014 தேர்தலின் பொது) மீண்டும் ஒருமுறை பதிவாகி உள்ளது. காப்பி அடிக்கும் போது, மற்ற ஊடகங்கள் கொஞ்சம் கவனித்திக் கொள்ள வேண்டும்.(சில செய்திகள் இப்படி மீள்பதிவிடுவது வழக்கம்)

ஏன் இந்தச் செய்தி இப்போது? ஜார்கண்டில் தேர்தல் நடக்க இருக்கிறது. மூன்று முறை பாஜக வில் போட்டியிட்ட லோக் நாத்,பின்னர் தன் பழைய கட்சிக்கு (AJSU) 2014 இல் திரும்பி, மீண்டும் பாஜகவில் இப்போது போட்டியிடுகிறார்.AJSU பாஜகவில் கூட்டணிக் கட்சியாக உள்ளது.அவரைப்பற்றிய செய்தி…………..(சொத்து மதிப்பு 2 கோடி)
(businessinsider/Times of India)

(ஒரு மாணவர் முன்னால் இருந்த மாணவரைப் பார்த்து பரீட்சையில் காப்பி அடித்தார்.ஆனாலும் பிடிபட்டார். ஏன்? மாணவர் இலக்கத்தையும் காப்பி அடித்து விட்டார்)

Sponsored content · Sponsored content

3 முறை எம்.எல்.ஏ.வாக இருந்தவரின் மனைவி காய்கறி விற்கிறார்

3 முறை எம்.எல்.ஏ.வாக இருந்தவரின் மனைவி காய்கறி விற்கிறார்

Re: 3 முறை எம்.எல்.ஏ.வாக இருந்தவரின் மனைவி காய்கறி விற்கிறார்

Re: 3 முறை எம்.எல்.ஏ.வாக இருந்தவரின் மனைவி காய்கறி விற்கிறார்

Re: 3 முறை எம்.எல்.ஏ.வாக இருந்தவரின் மனைவி காய்கறி விற்கிறார்

Re: 3 முறை எம்.எல்.ஏ.வாக இருந்தவரின் மனைவி காய்கறி விற்கிறார்

Re: 3 முறை எம்.எல்.ஏ.வாக இருந்தவரின் மனைவி காய்கறி விற்கிறார்

Re: 3 முறை எம்.எல்.ஏ.வாக இருந்தவரின் மனைவி காய்கறி விற்கிறார்

Re: 3 முறை எம்.எல்.ஏ.வாக இருந்தவரின் மனைவி காய்கறி விற்கிறார்

Re: 3 முறை எம்.எல்.ஏ.வாக இருந்தவரின் மனைவி காய்கறி விற்கிறார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக