Hysteria - ஹிஸ்டீரியா

காக்கா வலிப்பு கேள்விப்பட்டிருக்கீங்களா? அதுபோன்ற இன்னொரு விதமான வலிப்பு மாதிரியான நோய்தான் ஹிஸ்டீரியா. லூஸ்தனமான நோய் என்று கூட இதைச் சொல்லலாம்.

இதை உள்ளம் சார்ந்தது உள்ளுறுப்புகள் சார்ந்தது என இரண்டு வகைகளாகப் பிரித்திருக்கிறார்கள்.

ஹிஸ்டீரியா வலிப்புத் தாக்குதல்கள், ஹிஸ்டீரியா துயில் நிலை, பொய்யான கிறுக்குத் தனம், சிறுபிள்ளைத்தனம், உணர்ச்சியிழப்பு, ஆகியவை உள்ளம் சார்ந்தவை.

ஹிஸ்டீரியா செயல் இழப்பு, செயல் பலவீனம், குரல் இழப்பு, செவிட் டுத் தனம், ஊமை நிலை, குருட்டுத்தனம், வாந்தி, சிறுநீர் மற்றும் மலம் வெளிப்படாமை ஆகியவை உள்ளுறுப்புகள் சார்ந்தவை.

காக்கா வலிப்பு நோயின் போது நோயாளி தீடீரென கீழே விழுந்து விடுவார். ஆனால் ஹிஸ்டீரியா நோயாளி தனியாக இருக்கும் போது கீழே விழமாட்டார். பலர் இருக்கும் போதுதான் விழுவார். இந்த சம்ப வத்திற்கு முன்பு உணர்ச்சி வசப்படுதலும், மனதிற்குத் தீங்கு விளை விக்கக் கூடிய நிலைகளும் தோன்றுகின்றன.

காக்கா வலிப்பு நோயாளி அப்படியே விழுந்து அடிபடுவதும் உண்டு. ஹிஸ்டீரியா நோயாளி தான் கீழே விழும் போது தனக்கு அடிபடா மல் பார்த்துக் கொள்வார். சீரற்ற தன்மை, நடிப்பு, போலித்தனம், ஏதோ அவதிப்படுவது போன்ற முகவலிப்பு அசைவுகள், தன்னைச் சுற்றியுள்ளவர்களின் அனுதாபத்தைப் பெற நோயாளி பல்வேறு தோர ணை நிலைகளை மேற் கொள்கிறார்.

காக்கா வலிப்பு மாதிரி ஹிஸ்டீரியா வலிப்பு உடனே நின்று விடாது. பல மணி நேரம் வரை நீடிக்கும். காக்கா வலிப்பு நோயாளி தாக்குத லுக்குப் பிறகு உறங்கிவிடுவான். ஹிஸ்டீரியா பேர்வழி நிகழ்ச்சிக்குப் பிறகு தனது வேலைகளைத் தொடருவார்.

இந்த நோய்க்கு என்னதான் காரணம்?

மனதில் ஏற்பட்ட பாதிப்பால் இப்படி வருவதும் உண்டு. உதாரணமாக குழந்தையை இழந்து விட்ட தாய், எதையோ ஒன்றைத் தேடிக்கொண்டிருப்பாள், தலையணையை ஒரு கம்பளி கொண்டு போர்த்தி தனது குழந்தையைப் போல தாங்கிக் கொள்வாள். அறையில் இங்கும் அங் கும் உலாவி தாலாட்டு வாள். இத்தகைய நிலை பல நாட்கள் கூட நீடிக்கும்.

நடிப்பு நோயின் செவிட்டு ஊமைத்தனம் என்ற ஒன்று இருக்கிறது. இந்த நிலையில் பல மாதங்கள் நோயாளி பேச முடியாமல் திண்டாடு வார். இறுதியில் திக்கித்திக்கிப் பேசுவார்.

இந்த நோய் எப்படி வந்தது என்று கேட்டாலே நோயாளியின் முகம் சிவந்து விடும். நாடித்துடிப்பு அதிகரிக்கும். இந்த நோய்க்கு எந்தப் பரிசோதனையை மேற்கொண்டாலும் பலன் கிட்டவே கிட்டாது.

செயலிழப்பு, பலவீனம்,குருட்டுத் தன்மை, வாந்தி, சிறுநீர்த் தேக்கம் போன்றவையும் ஏற்படும். செயலிழப்பு என்றால் நோயாளியால் உறுப்புகளை அசைக்கவே முடியாது. நோய்க்குறிகள் எதுவும் இல்லா மலேயே உணர்ச்சிகள் சீரழிந்து விடும். இதைப் போலவே குருட்டுத் தனம் வரும்போது எந்த நோய்த் தன்மையும் இருக்காது. ஆனால் தூரத்தில் உள்ள பொருட்களும் கண்ணுக்குத் தெரியாது.

அதிகமாகக் கோபம் வந்தால் எதுவுமே கண்ணுக்குத் தெரியாமல் போய் விடுவது கூட ஹிஸ்டீரியாவின் சிறப்புத் தன்மைதான்.

நோயாளி திடீரென சிரிப்பான், திடீரென அழுவான். அதிகமான பாச உணர்வைக் காட்டுவான். அது உடனே பெருங்கோபமாக மாறும்.. தன்னைப்பற்றி எப்போதும் மிகைப்படுத்தியே கூறுவான்.

சுயநலம், தான் என்ற அகங்காரம், ஒவ்வொருவரும் தன்னையே கவ னிக்க வேண்டும் என்ற ஆர்வம். பொய்கள் கூறும் தன்மை, சம்பவங் களைக் கற்பனை செய்வது போன்றவையே ஹிஸ்டீரியாவின் தன்மை யாகும். இந்த வகை நோயாளிகள் எளிதில் சச்சரவுகளை உண்டாக்குகிறார்கள்.

இந்நோய் பெண்களுக்கு இருந்தால் அவர்களுக்கு தொடர்ச்சியாக குமட்டல், எதையாவது கற்பனை செய்வது, பொய், அகங்காரம் போன் றவை தோன்றும்.

இப்படிப்பட்ட நோய் குழந்தைகளையும் விட்டுவைப்பதில்லை. இது மன நோய்வகையைச் சார்ந்தது. இத்தகைய நோய் தென்பட்டால் குடும்பத்தில் கூட்டாக வளர்வது, சமூகத்திற்குப் பயனளிக்கும் பணிகளில் ஈடுபடுவது போன்ற செயல்களில் நோயாளியை ஈடுபடுத்தலாம்.

இதை குணப்படுத்த நல்ல மன நல மருத்துவரை நாடுவதுதான் சிறந்தது.