சிரிப்பு ஒரு அருமருந்து

**T.N.Balasubramanian** · **T.N.Balasubramanian** Fri Nov 15, 2019 9:08 pm

சிரிப்பு ஒரு அருமருந்து

விமான நிறுவனம் ஒரு புதிய சலுகை அறிவித்தது. அதாவது பிசினஸில் ஈடுபட்டிருப்போர் தங்களது மனைவியுடன் விமான பயணம் மேற்கொண்டால் மனைவிக்கான பயணசீட்டு முற்றிலும் இலவசம் என்பதே அந்த சலுகை
சலுகை வெளியான உடனேயே அத்தனை பயணசீட்டு பதிவாகி விமானம் நிரம்பி வழிந்தது. இதனால் குஷியான விமான நிறுவனம், அந்தப் பயணத்திற்குப் பின்னர் அனைத்து மனைவிமார்க்கும் ஒரு கடிதம் அனுப்பி உங்களது பயணம் எப்படி இருந்தது என்று கேட்டது.அதற்கு ஒட்டுமொத்த மனைவிமார்களும் அனுப்பிய ஒரே பதில்...

எந்தப் பயணம்..?
....................................................................................................................................................................................................

அன்பே..! எனக்காக தாஜ்மகால் கட்டுவீங்களா..?
மனைவி - என்னை எந்த அளவு காதலிக்கிறீங்க
கணவன் - ரொம்ப, சொல்லப்போன ஷாஜகான் மாதிரின்னு வச்சிக்கோயேன்

மனைவி - சரி, அப்படீன்னா எனக்காக தாஜ்மகால் கட்டுவீங்களா
கணவன் - பிளாட் ரெடியா இருக்கு, நீ தான் லேட் பண்ணிக்கிட்டு இருக்க
மனைவி - ?!!?!!??
.................................................................................................................................................................................

நன்றி சமயம்.

ரமணியன்

**ayyasamy ram** · **ayyasamy ram** Thu Nov 28, 2019 7:45 am

**ayyasamy ram** · **ayyasamy ram** Thu Nov 28, 2019 8:02 am

உன் கல்லறையின் ஈரம் காயும் வரை!
-

மரண படுக்கையில் இருக்கும் ஒரு பெண் தன் கணவனிடம்
கேட்கிறாள்... நான் மரணித்தப் பிறகு நீங்கள் எத்தனை நாட்கள்
கழித்து இரண்டாவது திருமணம் செய்துகொள்வீர்கள்?"

அதை கேட்ட கணவன் கண் கலங்கியப்படி அழுதுகொண்டே
சொல்கிறான்... "உன் கல்லறையின் ஈரம் காயும் வரை!" என்று...

மாதங்கள் பல செல்ல அவன் மனைவி திடீரென இறந்துவிடுகிறாள்...
மனைவிக்கு செய்யவேண்டிய எல்லா சடங்கு காரியமும் செய்து
அவளை புதைத்த இடத்தில் களி மண்ணால் அழகிய கல்லறை
கட்டி விட்டு வீடு திரும்புகிறான்...

தினமும் தன் மனைவியின் கல்லறையை வந்து பார்க்கிறான்,
கல்லறையின் ஈரம் காயவே இல்லை! ஆறு மாதங்கள் ஓடிப்போன
நிலையில் தன் மனைவியின் கல்லறையை மறுபடியும் வந்து
பார்க்கிறான், இன்னும் கல்லறையின் ஈரம் காயவே இல்லை!

என்ன இது விந்தை! ஆறுமாத காலம் ஆகியும் இன்னும்
கல்லறையின் ஈரம் காயவே இல்லையே! என யோசித்தவன்
ஒருவேளை அவள் பேயாக மாறிவிட்டாளோ! என்றெல்லாம்
சிந்திக்க ஆரம்பித்தான், இப்படியே ஒரு வருடம் ஓடியது.

ஒருநாள் தன் மனைவியின் முதலாம் ஆண்டு நினைவு தினம்
அன்று அவள் கல்லறைக்கு செல்கிறான்,

ஒரு வருட காலம் ஆகியும் அவன் மனைவியின் கல்லறை ஈரம்
காயவே இல்லை! ஏதோ இப்போது கட்டிய மண் கல்லறை போல
ஈரமாக இருப்பதை கண்டவன் தன் மனைவி தன் மீது வைத்த
பாசத்தை நினைத்து தனது மார்பில் அடித்துக்கொண்டு வாய்விட்டு
கதறி அழுகிறான்.

அப்போது ஒரு குடம் தண்ணீரோடு இறந்த அவன் மனைவியின்
சகோதரன் வருகிறான்... "நீ இங்கு என்ன செய்கிறாய்!
குடத்தில் எதற்காக தண்ணீர்.,.!" என்று கேட்கையில் ...

"என் சகோதரி அதாவது உன் மனைவி! அவள் இறக்கும் ஒரு மணி
நேரத்திற்கு முன்பு அண்ணா தினமும் காலையிலும் மாலையிலும்
என் சமாதியில் தண்ணீர் ஊற்றி அதை ஈரமாக்கிவிடு" என்று கூறி
சத்தியம் வாங்கிக்கொண்டாளப்பா!" என கூறி சத்தமாக அழுகிறான்.
-
--------------------------

Sponsored content · Sponsored content

சிரிப்பு ஒரு அருமருந்து

சிரிப்பு ஒரு அருமருந்து

Re: சிரிப்பு ஒரு அருமருந்து

Re: சிரிப்பு ஒரு அருமருந்து

Re: சிரிப்பு ஒரு அருமருந்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக