நண்பர் செய்யும் அட்ராசிட்டிகளில்…!

உங்கள் நண்பர் செய்யும் அட்ராசிட்டிகளில் உங்களால் பொறுத்துக்கொள்ளவே முடியாதது எது?

“ ஏய்… பாத்து ரொம்ப நாளாச்சு… ஒரு காபி சாப்பிடலாம் வா”ன்னு பக்கத்திலே ஒரு ஹோட்டலுக்குப் பாசமாய்க் கூட்டிப் போவார்கள். பால் அல்வா, மசால் தோசைன்னு வெட்டிவிட்டு, பில் கொண்டு வரும் நேரம், கை கழுவப் போய் அரைமணி நேரம் கழித்து வந்து “ஏய்… நீ ஏன் காசு கொடுத்தே?” என்பார்கள்.

சாந்தினி நடராஜன், மதுரை

பத்து நாள்கள் ஆனாலும் அவன் நமக்கு போன் செய்ய மாட்டான். ஆனால் நாம மனசு கேட்காமல் போன் செய்யும்போது கேட்பான் பாருங்க, `ஏன்டா எனக்கு போனே பண்ணல’ன்னு. உச்சக்கட்ட அட்ராசிட்டி!

vaira.bala.12

மொக்கைப் பதிவைப் போட்டுவிட்டு ‘நீயெல்லாம் ஃபிரெண்டா, ஒரு லைக் கிடையாதா’ன்னு உசுர வாங்குவான்.

Adhirai Yusuf

அவுட் கோயிங் ஃப்ரீன்னு தெரிஞ்சும் இன்னும் மிஸ்டுகால்தான் கொடுக்குறான்.

mgr007

தண்ணியடிக்க மாட்டான். ஆனாலும் அவனை பாருக்குக் கூட்டிட்டுப் போயிடக்கூடாது. சைடிஷ்ஷை மேய்ஞ்சு பில்லைத் தாளிக்க வெச்சிடுவான்.

bommaiya

‘மச்சான், பக்கத்துலதான்டா போறேன் இப்ப வந்துடுவேன்’னு சொல்லிட்டு பைக் வாங்கிட்டுப் போவான், டேங்க் காலி பண்ணிட்டுதான் பைக்க தருவான்.

altaappu

சினிமாவுக்கு டிக்கெட் எடுத்திட்டு இன்டர்வெலில் ஆகும் செலவை நம்ம தலையில் கட்டுவது.

manipmp

ஹா, ஸ, ஜூ ஆரம்பிக்கிற மாதிரி குழந்தைக்கு ஒரு தமிழ்ப்பேர் சொல்லுன்னு நச்சுவது.

manipmp

வாட்ஸ் அப் ஸ்டேட்ஸ் ஒரே நேரத்தில் 10 முதல் 15 வைப்பது…

AmbrosePravin

எப்பவும் எங்க வீட்ல ரொம்ப நல்ல பையன்ங்கற பேர் வாங்குறது!

RavisankarBose

நன்றி-விகடன்