அமெரிக்காவின் ஹெச்1பி விசா கொள்கையால் இந்திய நிறுவனங்களுக்கு பாதிப்பு

அமெரிக்க அதிபா் டொனால்ட் டிரம்ப் ஆட்சிப் பொறுப்பேற்றதிலிருந்து ஹெச்1பி நுழைவு இசைவு (விசா) கொள்கைகளில் மேற்கொள்ளப்பட்டு வரும் மாற்றங்களால் இந்திய நிறுவனங்கள் அதிக அளவில் பாதிப்புக்கு உள்ளாகியுள்ளதாக ஆய்வில் தெரிவிக்கப்பட்டுள்ளது.

அமெரிக்காவில் உள்ள நிறுவனங்களில் ஒப்பந்த அடிப்படையில் பணியாற்ற விரும்பும் வெளிநாட்டுப் பணியாளா்களுக்கு, அங்கு தங்கி பணிபுரிவதற்கு ஏற்ற வகையில் ஹெச்1பி நுழைவுஇசைவை அமெரிக்கா வழங்கி வருகிறது. அவ்வாறு ஹெச்1பி நுழைவுஇசைவு பெற்று பணியாற்றுபவா்களில் பெரும்பாலானோா் இந்தியா்கள் என்பது குறிப்பிடத்தக்கது.

இந்நிலையில், அமெரிக்க குடியுரிமை மற்றும் குடியேற்ற மையம் அளித்த தகவல் அடிப்படையில் மேற்கொள்ளப்பட்ட ஆய்வறிக்கையில் குறிப்பிடப்பட்டுள்ளதாவது:

அமெரிக்காவில் உள்ள நிறுவனங்களில் பணியாற்ற கடந்த செப்டம்பா் மாதம் வரை ஹெச்1பி நுழைவுஇசைவு கோரியவா்களில் 24 சதவீதம் பேரின் விண்ணப்பங்கள் நிராகரிக்கப்பட்டுள்ளன. அதே போல், அமெரிக்காவில் தொடா்ந்து பணியாற்ற ஹெச்1பி நுழைவுஇசைவு கோரியவா்களில் 12 சதவீதம் பேரின் விண்ணப்பங்கள் நிராகரிக்கப்பட்டுள்ளன.

அமெரிக்க அரசின் இந்த நடவடிக்கையால் அந்நாட்டிலுள்ள இந்திய நிறுவனங்களே அதிக அளவில் பாதிக்கப்பட்டுள்ளன. டெக் மஹிந்திரா நிறுவனத்தில் பணியாற்ற ஹெச்1பி நுழைவுஇசைவு கோரி விண்ணப்பித்தவா்களில் 41 சதவீதம் போ் கடந்த செப்டம்பா் மாதம் வரை நிராகரிக்கப்பட்டுள்ளனா்.

இது கடந்த 2015-ஆம் ஆண்டு 4 சதவீதமாக மட்டுமே இருந்தது.

இதே காலகட்டத்தில், டிசிஎஸ் நிறுவனத்தில் பணியாற்ற நுழைவுஇசைவு கோரியவா்களின் விண்ணப்பங்கள் நிராகரிக்கப்படுவது, 6 சதவீதத்திலிருந்து 34 சதவீதமாக அதிகரித்துள்ளது. விப்ரோ நிறுவனத்துக்கு 7 சதவீதத்திலிருந்து 53 சதவீதமாக உயா்ந்துள்ளது.

இன்ஃபோசிஸ் நிறுவனத்துக்கு 2 சதவீதத்திலிருந்து 45 சதவீதமாக அதிகரித்துள்ளது. இந்த நடவடிக்கை மூலம் 10-க்கும் மேற்பட்ட இந்திய நிறுவனங்கள் பாதிக்கப்பட்டுள்ளன.

அமெரிக்க நிறுவனங்களுக்கு சாதகம்: அதே வேளையில், அமெரிக்க நிறுவனங்களுக்கு இந்திய நிறுவனங்களுடன் ஒப்பிடுகையில் குறைந்த அளவிலான ஹெச்1பி நுழைவுஇசைவுகளே நிராகரிக்கப்பட்டுள்ளன.

அமேசான், மைக்ரோசாஃப்ட், இண்டெல், கூகுள் ஆகிய நிறுவனங்களில் பணியாற்ற விண்ணப்பத்திருந்தோா்களில் 1 சதவீதத்தினரின் நுழைவுஇசைவுகள் கடந்த 2015-ஆம் ஆண்டு நிராகரிக்கப்பட்டிருந்தன.

நடப்பு ஆண்டில் இந்த எண்ணிக்கை அமேசான் நிறுவனத்துக்கு 6 சதவீதமாகவும், மைக்ரோசாஃப்ட் நிறுவனத்துக்கு 8 சதவீதமாகவும், இண்டெல் நிறுவனத்துக்கு 7 சதவீதமாகவும், கூகுள் நிறுவனத்துக்கு 3 சதவீதமாகவும் மட்டுமே அதிகரித்துள்ளன.

இதே போல், அமெரிக்காவிலுள்ள இந்திய நிறுவனங்களில் பணியாற்றி வருவோா், அங்கு தொடா்ந்து பணியாற்ற அனுமதி கோரி தாக்கல் செய்த ஹெச்1பி நுழைவுஇசைவுகள் நிராகரிக்கப்படுவதும் அதிகரித்துள்ளது என்று அந்த ஆய்வறிக்கையில் குறிப்பிடப்பட்டுள்ளது.

தினமணி

ம்ம்....