இந்தியாவுக்கு ஆபத்து : ஐ.நா., கவலை

**ayyasamy ram** · **ayyasamy ram** Wed Nov 06, 2019 6:04 am

பாங்காக்:
கடல் நீர் மட்டம் அதிகரிப்பால், இந்தியாவுக்கு பெரும் ஆபத்து
உள்ளது என ஐ.நா., பொதுச்செயலர் குட்ரெஸ் கவலை
தெரிவித்துள்ளார்.

தாய்லாந்தில் நடந்த ஆசியான் மாநாட்டில் கலந்து கொண்ட பேசிய ஐ.நா., பொதுச்செயலாளர் ஆண்டோனியா குட்ரெஸ், பாங்காங்கில் நடந்த செய்தியாளர்கள் சந்திப்பில் பேசியதாவது: கடல் நீர் மட்டம் முன்பைவிட, தற்போது வேகமாக அதிகரித்து வருகிறது. 'கிளைமேட் சென்ட்ரல்' வெளியிட்ட அறிக்கையிலும் இது கூறப்பட்டுள்ளது. நாடுகள் இந்த போக்கை மாற்றாவிட்டால், 2050க்குள் 300 மில்லியன் மக்கள் வெள்ளத்தை எதிர்கொள்ள நேரிடும்.

புவி வெப்பமயமாவதால், இந்தியா, தென்கிழக்கு ஆசியா, ஜப்பான், சீனா, வங்கதேசம் நாடுகளுக்கு அதிக பாதிப்புகள் ஏற்படும். தாய்லாந்தில் மக்கள் வசிக்கும் 10 சதவீத இடங்கள் கடலில் மூழ்கும். காலநிலை மாற்றம் வேகமாக இயங்குகிறது. இதனை வணிகர்கள், சிவில் அமைப்பு மற்றும் அரசின் கவனத்திற்கு கொண்டு வருவதில் ஐ.நா., உறுதி பூண்டுள்ளது.

2050ம் ஆண்டுக்குள் கரியமில வாயுவை 45 சதவீதம் குறைக்க வேண்டும். புவியின் வெப்பம் 1.5 டிகிரி செல்சியசுக்கு மிகாமல் பார்த்துக் கொள்ள வேண்டும். புதிய அனல் மின் நிலையங்கள் அமையாமல் பார்த்துக் கொள்ள வேண்டும். இவ்வாறு அவர் கூறினார்.

தினமலர்

**krishnaamma** · **krishnaamma** Wed Nov 06, 2019 6:41 pm

ம்ம்... இதெயெல்லாம் நம் அரசியல் வாதிகள் கவனத்தில் கொள்வார்களா????... ஒன்னும் புரியல

இந்தியாவுக்கு ஆபத்து : ஐ.நா., கவலை

இந்தியாவுக்கு ஆபத்து : ஐ.நா., கவலை

Re: இந்தியாவுக்கு ஆபத்து : ஐ.நா., கவலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக