இந்த வார சினிமா செய்திகள்

**ayyasamy ram** · **ayyasamy ram** Fri Nov 01, 2019 4:40 am

திரைக்கு வரும் தனுசின் 2 படங்கள்

இந்த வார சினிமா செய்திகள் Danush-1

தனுஷ் நடிக்கும் பட்டாஸ் படத்தின் படப்பிடிப்பு இறுதி
கட்டத்தில் உள்ளது. இன்னும் 12 நாட்கள் மட்டுமே படப்பிடிப்பு
பாக்கி உள்ளது.

இதில் சினேகா, மெஹரின், முனிஷ் காந்த் ஆகியோரும்
நடிக்கின்றனர். துரை செந்தில்குமார் இயக்குகிறார்.
சோழர்களின் வீர விளையாட்டான களரியை மையமாக
வைத்து தயாராகிறது.

தொடர்ந்து கார்த்திக் சுப்புராஜ் இயக்கும் படத்திலும் தனுஷ்
நடித்து வருகிறார். இந்த படத்துக்கு இன்னும் பெயர்
வைக்கவில்லை. படப்பிடிப்பு லண்டனில் நடக்கிறது.

இந்த 2 படங்களும் அடுத்தடுத்து திரைக்கு வர உள்ளன.
கவுதம் மேனன் இயக்கத்தில் தனுஷ் நடித்துள்ள எனை நோக்கி
பாயும் தோட்டா படப்பிடிப்பு முடிந்து பண பிரச்சினைகளால்
திரைக்கு வராமல் நீண்ட நாட்களாக முடங்கி உள்ளது.

தினத்தந்தி

**ayyasamy ram** · **ayyasamy ram** Mon Nov 04, 2019 6:05 am

-
'வி' சென்டிமென்டை தொடரும், அஜீத்!

நடிகர் அஜீத்குமார், அதிகமாக, 'சென்டிமென்ட்' பார்ப்பவர்.
இயக்குனரின் ஒரு படம், 'ஹிட்' ஆனால், அவர்களுடன்
அடுத்தடுத்து படம் பண்ணுவார்.

அதேபோல், தான் நடித்த, வீரம் படம் வெற்றி பெற்றதால்,
பின், வேதாளம், விவேகம் மற்றும் விஸ்வாசம் என்று தன்
படங்களுக்கு, 'வி' முதல் எழுத்து வருவது போல், 'டைட்டில்'
வைத்து வந்தார்.

தற்போது, தன், 60வது படத்திற்கும், வலிமை என்று வைத்து,
'வி' சென்டிமென்டை தொடர்ந்துள்ளார்.

— சினிமா பொன்னையா

**ayyasamy ram** · **ayyasamy ram** Mon Nov 04, 2019 6:06 am

'கெத்து' காட்டும், ஸ்ரேயா!

இந்த வார சினிமா செய்திகள் Shriya-Saran-784x441

ரஷ்யாவைச் சேர்ந்த தொழிலதிபர், ஆண்ட்ரூ கோர்சேவ்
என்பவரை திருமணம் செய்த கையோடு, மீண்டும்
கலைசேவையாற்ற வந்து விட்டார், ஸ்ரேயா. ஏற்கனவே,
ரஜினியுடன், சிவாஜி படத்தில், 'டூயட்' பாடியவர், தற்போது, ,
தர்பார் படத்திலும் ஒரு கதாபாத்திரத்தில் நடித்துள்ளார்.

இதை உலகிற்கு உறுதிப்படுத்த வேண்டும் என்பதற்காக,
ரஜினியுடன், தர்பார், 'ஸ்பாட்'டில், தான் எடுத்துக்கொண்ட
ஒரு புகைப்படத்தை இணையத்தில் வெளியிட்டு, மறுபடியும்,
தான், 'சூப்பர் ஸ்டாரை' எட்டி பிடித்து விட்டதாக, கோலிவுட்டில்,
'கெத்து' காட்டி வருகிறார், ஸ்ரேயா.

தின்ன தவிடு இல்லை; தங்க சரப்பளி தொங்க தொங்க
ஆடுகிறது!

— எலீசா

**ayyasamy ram** · **ayyasamy ram** Mon Nov 04, 2019 6:06 am

காமசூத்ரா - 2வில், சன்னிலியோன்!
-----------------
இந்த வார சினிமா செய்திகள் 201908050449554316_Forgiveness-Hearing-sunny-Leone_SECVPF

மீரா நாயர் இயக்கத்தில், 1996ல், ரேகா நடித்த படம், காமசூத்ரா.
கேன்ஸ் திரைப்பட விழாவில் திரையிடப்பட்ட இந்த படம்,
இந்தியா - -பாகிஸ்தானில் தடை செய்யப்பட்டது.

இந்நிலையில், தற்போது, காமசூத்ரா படத்தின் இரண்டாம் பாகத்தை,
'வெப் சீரிஸ்' ஆக எடுக்கின்றனர். இந்த படத்தில் நடிக்க விடுத்த
அழைப்பை கண்டு, பாலிவுட்டின் மெகா நடிகைகள் மிரண்டு ஓடிய
நிலையில், பிரபல, 'அடல்ட்' பட நடிகையான, சன்னிலியோன்,
தானே முன்வந்து சம்மதம் தெரிவித்துள்ளார்.

இப்படத்தில் சன்னிலியோன் நடிக்க ஒப்பந்தமானதுமே,
படத்திற்கான எதிர்பார்ப்பு எகிறி விட்டது.

கதை முடிந்தது, கத்தரிக்காய் காய்த்தது!

— எலீசா

**ayyasamy ram** · **ayyasamy ram** Mon Nov 04, 2019 6:07 am

தமிழ் சினிமாவில், 'என்ட்ரி' கொடுத்த, இந்திய கிரிக்கெட் வீரர்கள்!
----------
இந்த வார சினிமா செய்திகள் 3o7Mm2bRICCgn6sHw4Ga+wcc

மஹா படத்தை அடுத்து, மீண்டும் ஒரு, 'திரில்லர்' படத்தில்
நடிக்கிறார், ஹன்சிகா. இந்த படத்தில், இந்திய கிரிக்கெட்
அணி வீரரான, ஸ்ரீசாந்த் வில்லனாக நடிக்கிறார். அவரைத்
தொடர்ந்து, விக்ரம் நடிக்கும், 58வது படத்தில், இர்பான் பதான்
மற்றும் சந்தானம் நடிக்கும், டிக்கிலோனா படத்தில்,
ஹர்பஜன் சிங்கும் முக்கிய கதாபாத்திரங்களில் நடிக்கின்றனர்.

ஆக, ஒரே நேரத்தில், இந்திய கிரிக்கெட் அணி வீரர்கள் மூவர்,
தமிழ் படங்களில் நடித்து வருகின்றனர்.

- சி.பொ.,

**ayyasamy ram** · **ayyasamy ram** Mon Nov 04, 2019 6:09 am

சினி துளிகள்!
------------------------
இந்த வார சினிமா செய்திகள் Z4SmO1pWQzupV2XbpQGD+wc

* விஜய் தேவரகொண்டாவின் அடுத்த படத்தில்,
ஐஸ்வர்யா ராஜேஷ், ராஷிகன்னா மற்றும்
கேத்ரின் தெரசா நடிக்க ஒப்பந்தமாகியுள்ளனர்.

* விஜயின், பிகில் படத்தை இயக்கியுள்ள, அட்லி,
அடுத்தபடியாக, ஹிந்தியில், ஷாரூக்கானை வைத்து,
ஒரு படம் இயக்க, பேசி வருகிறார்.
--
----------------------------
நன்றி-வாரமலர்