விற்பனைக்கு 'ஏர் இந்தியா' விரைவில் ஏலத்திற்கு வருகிறது?

**ayyasamy ram** · **ayyasamy ram** Tue Oct 22, 2019 6:01 am

புதுடில்லி:
பொதுத்துறை நிறுவனமான 'ஏர் இந்தியா'வை விற்க
மத்திய அரசு முடிவு செய்துள்ளது. இதன் ஏல விற்பனை
அடுத்த மாதம் நடைபெறும் என எதிர்பார்க்கப்படுகிறது.

பொதுத்துறை விமான போக்குவரத்து சேவை நிறுவனமான
ஏர் இந்தியா 60 ஆயிரம் கோடி ரூபாய்க்கு மேல் கடன்
சுமையில் சிக்கித் தவிக்கிறது. இதையடுத்து இந்நிறுவனத்தை
விற்பனை செய்ய மத்திய அரசு முடிவு செய்தது.

இந்நிறுவனத்தின் 76 சதவீத பங்குகள் மட்டும் விற்பனை
செய்யப்படும் என முதற்கட்ட அறிவிப்பில் தெரிவிக்கப்பட்டது.
ஆனால் பங்குகளை வாங்க யாரும் முன் வராததால் இந்த முயற்சி
தோல்வி அடைந்தது.

இதையடுத்து கடன் சுமையை குறைக்க ஏர் இந்தியா நிறுவனத்தின்
சில சொத்துக்கள் விற்பனை செய்யப்பட்டன. தற்போது நிறுவனத்தின்
100 சதவீத பங்குகளையும் விற்பனை செய்ய மத்திய அரசு முடிவு
செய்துள்ளது.

நிறுவனத்தை வாங்குபவர்கள் ஏர் இந்தியா என்ற பெயரை மாற்றிக்
கொள்ளலாம் என அறிவிக்கப்பட்டுள்ளது. இதையடுத்து
ஏர் இந்தியாவை வாங்க சில நிறுவனங்கள் விருப்பம் தெரிவித்துள்ளன.
அடுத்த மாதம் இதற்கான விண்ணப்பங்கள் பெறப்படும் என மத்திய
அரசு அறிவித்துள்ளது.

ஏர் இந்தியாவின் 2019 - 20ம் ஆண்டுக்கான கணக்கு விபரங்களின்
வாரியக் கூட்டம் இன்று நடக்கிறது. இதில் விற்பனை குறித்து
விவாதிக்கப்படும் என எதிர்பார்க்கப்படுகிறது.

தினமலர்

**பழ.முத்துராமலிங்கம்** · 27/09/2015

இப்படியே ஒவ்வொன்றாக காணாமல் போகும்

விற்பனைக்கு 'ஏர் இந்தியா' விரைவில் ஏலத்திற்கு வருகிறது?

விற்பனைக்கு 'ஏர் இந்தியா' விரைவில் ஏலத்திற்கு வருகிறது?

Re: விற்பனைக்கு 'ஏர் இந்தியா' விரைவில் ஏலத்திற்கு வருகிறது?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக