வாசெக்டமி (vasectomy)

**சிவா** · **சிவா** Fri Sep 26, 2008 11:03 am

ஆண்கள் செய்து கொள்ளும் கருத்தடை அறுவை சிகிச்சை பெயர்தான் வாசெக்டமி. வாசெக்டமி, ஆண்களுக்கான குடும்பக்கட்டுப்பாடு முறை. உடலுறவு கொள்வதற்கு இது தடையாக இருப்பதில்லை. அறுவைக்குப் பின் ஆண்குறி விறைப்பதும், விந்து வெளிப்படுவதும் சகஜமாக இருக்கும். ஆனால் விந்தணு மட்டும் வெளிவராது.

வாசெக்டமி என்றால் ஆண் விரையை செயலிழக்கச் செய்வது அல்ல. விரைப்பை மற்றும் அதனைச் சுற்றிய பகுதி மட்டும் மரத்துப் போகுமாறு செய்து இந்த அறுவை சிகிச்சை செய்யப்படுகிறது.

உடலுறவு வாழ்க்கைக்கு வாசெக்டமி எவ்வகையிலும் குறை ஏற்படுத்தாது என்பதுடன் வாசெக்டமி சிகிச்சைக்குப் பிறகு ஒரு ஆண் முன்பு போலவே தோற்றமளிக்கலாம். வாசெக்டமி செய்த பிறகு ஒரு ஆண் முன்பு போலவே கடினமாக உழைக்க முடியும். வாசெக்டமியால் ஒருவர் பலவீனமடைவதோ, உடல் பருமனடைவதோ இல்லை என்பதுதான் இதன் சிறப்பம்சமாகும்.

உடலுறவின் உச்சகட்டத்தில் வெளிப்படும் திரவத்தில் 2 சதவிகிதத்திற்கும் குறைவாகவே விந்தணு உள்ளது. இந்த திரவத்தில் விந்தணு இல்லாமல் செய்வதே இந்த அறுவை சிகிச்சையின் நோக்கம். விரைப்பையின் தோலில் டாக்டர் சிறிய ஊசி போட்டு அந்த இடத்தை மரத்துப்போகச் செய்வார். பின்னர் விரைப்பையில் சிறிய துளை போட்டு, வாஸ் டிஃபரென்ஸ்(Vas deferens) குழாயைக் கண்டுபிடித்து, அதன் முனைகளை கட்டிவிட்டு துண்டித்துவிட்டபின் விரைப்பையின் துளையை மூடி விடுவார். இதுதான் வாசெக்டமி.

**சிவா** · **சிவா** Fri Sep 26, 2008 11:04 am

1) அறுவை சிகிச்சை பெற்ற ஒரு நாள் மட்டும் வீட்டில் ஓய்வெடுத்து விட்டு, மறுநாளே வேலைக்குச் செல்லலாம்.

2) 2 நாட்களுக்கு விரைப்பையைத் தாங்கி நிற்குமாறு உள்ளாடை அணிய வேண்டும்.

3) உடல் நலம் சீராக இருப்பதாகத் தோன்றியதும் உடலுறவில் ஈடுபடலாம். எனினும், சிகிச்சைக்குப்பின்; குறைந்தது முதல் 20 முறையாவது உடலுற வின்போது கருத்தடுப்பு முறைகளைப் பின்பற்ற வேண்டும். அறுவை சிகிச்சைக்கு முன்பு உடம்பில் உற்பத்தியாகி, வெளியேறாமல் எஞ்சியுள்ள விந்தணுவை வெளியேற்ற இது அவசியமாகிறது.

4) அறுவை சிகிச்சை முற்றிலும் வெற்றி கரமானது என்று உறுதிப்படுத்த விந்து பரிசோதனை செய்து விந்தணு இல்லாமலிருப்பதை நிச்சயப்படுத்திக் கொள்ள வேண்டும்