அக்., 8ல், ரபேல்' ஒப்படைப்பு : அதில் பறக்கப் போகிறார் ராஜ்நாத்

புதுடில்லி :
ஐரோப்பிய நாடான பிரான்ஸ் உடன் செய்யப்பட்ட
ஒப்பந்தத்தின்படி, முதல், 'ரபேல்' ரக போர் விமானம்,
வரும், 8ம் தேதி ஒப்படைக்கப்பட உள்ளது. பாரிஸில்
நடக்கும்

இந்த நிகழ்ச்சியின்போது, ரபேல் போர் விமானத்தில்,
ராணுவ அமைச்சர் ராஜ்நாத் சிங் பயணம் மேற்கொள்ள
உள்ளார்.

இந்திய விமானப்படைக்கு, 36 ரபேல் ரக போர் விமானங்கள்
வாங்க, பிரான்ஸ் நாட்டுடன், 2016 செப்.,ல், 58 ஆயிரம் கோடி
ரூபாய் மதிப்புள்ள ஒப்பந்தம் செய்யப்பட்டது.

அதன்படி, பிரான்ஸ் நாட்டின், 'டசால்ட் ஏவியேஷன்' நிறுவனம்
தயாரிக்கும் இந்த போர் விமானத்தின், முதல் விமானம், வரும்,
8ம் தேதி ஒப்படைக்கப்பட உள்ளது.

இதற்காக, பா.ஜ., மூத்த தலைவர்களில் ஒருவரான,
ராணுவ அமைச்சர், ராஜ்நாத் சிங், மூன்று நாள் பயணமாக
பிரான்ஸ் செல்கிறார். பாரிஸில் உள்ள விமானப் படை தளத்தில்
நடக்கும் நிகழ்ச்சியில், ரபேல் போர் விமானம் ஒப்படைக்கப்பட
உள்ளது.

அப்போது, ரபேல் போர் விமானத்தில், ராஜ்நாத் பயணம்
மேற்கொள்ள உள்ளார்.

விமானப் படையின் மூத்த அதிகாரிகள் ஏற்கனவே பிரான்ஸ்
சென்றுள்ளனர். பிரான்ஸ் ராணுவ உயரதிகாரிகள் உள்ளிட்டோர்
ஒப்படைப்பு நிகழ்ச்சியில் பங்கேற்கின்றனர்.

ரபேல் போர் விமானங்கள் அடங்கிய ஸ்குவாட்ரன்கள், ஹரியானா
மாநிலம், அம்பாலா மற்றும் மேற்கு வங்க மாநிலம், ஹசிமாரா
விமானப் படை தளங்களில் நிறுத்தப்பட உள்ளன. விமானங்களை
நிறுத்துவதற்கு தேவையான வசதிகள், 400 கோடி ரூபாயில் ஏற்கனவே
செய்யப்பட்டுள்ளன.

ரபேல் போர் விமான ஒப்பந்தத்தில் முறைகேடுகள் நடந்துள்ளதாக,
காங்., கடுமையாக விமர்சனம் செய்து வந்தது. ஆனால், அதை அரசு
மறுத்துள்ளது.இந்தப் பயணத்தின்போது, பிரான்ஸ் அரசுடன்,
பாதுகாப்புத் துறை உறவுகள் குறித்து, ராஜ்நாத் சிங் பேச்சு நடத்த
உள்ளார்.

தினமலர்