காதல் மனைவியாக வாய்த்தவர், தனது சகோதரியா? - மரபணு பரிசோதனையால் அதிர்ந்த இளைஞன்

**ayyasamy ram** · **ayyasamy ram** Wed Oct 02, 2019 5:59 am

லண்டன்,

இங்கிலாந்தை சேர்ந்த 24 வயது இளைஞர் ஒருவர்,
தனது பெயர் உள்ளிட்ட விவரங்களை தெரிவிக்காமல்
‘ரெட்டிட்’ என்ற சமூக வலைத்தளத்தில் ஒரு பதிவை
வெளியிட்டார். அதில் அவர் கூறியிருப்பதாவது:-

எனக்கும் என் கர்ப்பிணி மனைவிக்கும் ஒருவரே தந்தை
என்பதை அறிந்தோம். அதை உறுதி செய்ய இருவரும்
தனித்தனியாக மரபணு பரிசோதனை செய்தோம்.
அதில் என் மனைவி எனது சகோதரி என்பது தெரிய
வந்துள்ளது.

8 ஆண்டுகளாக காதலித்து வந்த நாங்கள் இருவரும்
இந்த ஆண்டின் தொடக்கத்தில் திருமணம் செய்து
கொண்டோம். அடுத்த ஆண்டு மார்ச் மாதம் எங்கள்
முதல் குழந்தையை எதிர்பார்க்கிறோம்.

என் அம்மாவும் என் மனைவியின் அம்மாவும் எங்களின்
தந்தை பற்றி எதுவும் தெரிவிக்கவில்லை. அவரும்
எங்களுடன் இல்லாததால் தெரியவில்லை. இந்த
பிரச்சினையால் பிறக்க போகும் குழந்தைக்கு ஏதாவது
பாதிப்பு ஏற்படுமா? உங்கள் ஆலோசனை தேவை.

இதை தெரிந்துகொண்ட பிறகும் எங்கள் உணர்வில் எந்த
மாற்றமும் ஏற்படவில்லை. எங்களை யாரும் பிரிக்க
விடமாட்டேன். அவளும் அதை விரும்பமாட்டாள்.

எங்களுக்கு என்ன நடக்கும்? நாங்கள் என்ன செய்ய
வேண்டும்? இதை அப்படியே புதைத்துவிடவா? இவ்வாறு
அவர் கூறியிருந்தார்.

இதற்கு ஏராளமானோர் பதில் அளித்து அவருக்கு
ஆலோசனைகளை வழங்கினர். அதில் ஒருவர், “நீங்கள்
இன்னும் அன்பு செலுத்துகிறீர்கள் என்றால், ஒன்றாக இருங்கள்.
குழந்தையை உங்களுடன் வைத்துக்கொள்ள விரும்பினால்
வைத்துக்கொள்ளுங்கள். இதுபற்றி யாரிடமும் சொல்லாதீர்கள்”
என்று தெரிவித்துள்ளார்.

மற்றொருவர் “உங்கள் காதல் வலுவாக இருப்பதில் மகிழ்ச்சி
அடைகிறேன். நீங்கள் இதைத் தேர்வு செய்யவில்லை, எனவே
மறந்துவிடுங்கள். மகிழ்ச்சியாக இருங்கள்” என கூறியுள்ளார்.
-
--------------------------------
தினத்தந்தி

Guest · Guest Wed Oct 02, 2019 7:07 pm

காதல் மனைவியாக வாய்த்தவர், தனது சகோதரியா? - மரபணு பரிசோதனையால் அதிர்ந்த இளைஞன் 1571444738

திருமணமாகாமல் ஒன்றாக வாழ்வது,விவாகரத்து பிரிவு,குழந்தைகள் காப்பகங்களில் வாழ்வது - இவையெல்லாம் பிள்ளைகளை பிரித்து விடுகிறது. அப்புறம் அண்ணன்,அக்கா ,தங்கை யாரென்று தெரியாமல் உறவுகள் கேள்விக்குறியாகி விடுகிறது.

**T.N.Balasubramanian** · **T.N.Balasubramanian** Wed Oct 02, 2019 8:55 pm

மேலை நாட்டு கலாச்சாரத்தில் இதெல்லாம் அவ்வளவு முக்கியத்துவம் பெறுகிறதா என்னா?
டேக் இட் ஈஸி பாலிசிதானே.

ரமணியன்

Guest · Guest Thu Oct 03, 2019 10:42 am

மேலை நாட்டு கலாச்சாரத்தில் இதெல்லாம் டேக் இட் ஈஸி பாலிசி தான். ஆனாலும் எல்லாருமே டேக் இட் ஈஸி பாலிசி ஆக எடுத்துக் கொள்வதில்லை.

என்னுடன் வேலை செய்த நண்பர் காப்பகத்தில் இருந்தவர்.லிவிங் டுகெதர் பாலிசியினால் ஏற்படட நிலை - அவரின் பெற்றோரை இவ்வளவு வசதி இருந்தும் கூட தேடிக் கண்டு பிடிப்பதில் சிரமப்பட்டு விட்டார். கண்டு பிடித்த போது ஏமாற்றம்.வெவ்வேறு இடத்தில் தனியான வாழ்க்கை வாழும் அவர்களை யாரோ போலவே பார்க்க முடிவதாக சொல்லும் அவரின் கண்களில் இருந்து ஏக்கம் தெரியும்.மாறாத வடு.

லிவிங் டுகெதர் அந்த வயதில் அவர்களுக்கு திரில்லாக இருக்கலாம்.ஆனால் அவர்களின் பிள்ளைகளுக்கு ? டேக் இட் ஈஸி பாலிசியாக எல்லாருக்கும் இருப்பதில்லை.

**T.N.Balasubramanian** · **T.N.Balasubramanian** Thu Oct 03, 2019 6:19 pm

லிவிங் டுகெதர் கலாச்சாரம்/கலாச்சார சீரழிவு இந்தியாவில் அதிகமாக தலைகாட்டுகின்றன.
மும்பை /பெங்களூரு அதிகம் காதில் விழுகின்றன.
இதனால் இவர்கள் என்ன பலன் அடைகிறார்கள் என்பது புரியவில்லை.
கடைசியில் கோர்ட் /கேசு/ குழந்தைகளை யார் காப்பாற்றுவது? என்ற போராட்டங்கள்.
இதன் பின்னணியில் செக்ஸ் தான் பிரதானம் என்றால் வேறு வழியில் அதை பெறமுடியாதா என்ன?

ரமணியன்

Sponsored content · Sponsored content

காதல் மனைவியாக வாய்த்தவர், தனது சகோதரியா? - மரபணு பரிசோதனையால் அதிர்ந்த இளைஞன்

காதல் மனைவியாக வாய்த்தவர், தனது சகோதரியா? - மரபணு பரிசோதனையால் அதிர்ந்த இளைஞன்

Re: காதல் மனைவியாக வாய்த்தவர், தனது சகோதரியா? - மரபணு பரிசோதனையால் அதிர்ந்த இளைஞன்

Re: காதல் மனைவியாக வாய்த்தவர், தனது சகோதரியா? - மரபணு பரிசோதனையால் அதிர்ந்த இளைஞன்

Re: காதல் மனைவியாக வாய்த்தவர், தனது சகோதரியா? - மரபணு பரிசோதனையால் அதிர்ந்த இளைஞன்

Re: காதல் மனைவியாக வாய்த்தவர், தனது சகோதரியா? - மரபணு பரிசோதனையால் அதிர்ந்த இளைஞன்

Re: காதல் மனைவியாக வாய்த்தவர், தனது சகோதரியா? - மரபணு பரிசோதனையால் அதிர்ந்த இளைஞன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக