தேடுபொறியில் நாட்டை மாற்றி தேடுவது எப்படி?

கூகிளில் தேடும் போது நாம் வழக்கமாக தேடும்/செல்லும் இடத்து அல்லது பக்கங்களுக்கு முக்கியத்துவம் கொடுக்கப்படும்.நாம் அனேகமாக எப்படியான பக்கங்களுக்கு செல்கிறோமோ அல்லது எந்த நாட்டில் இருந்து தேடுகிறோமோ அவற்றை மட்டும் கூகிள் தருகிறது. நமது IP இலக்கத்தை வைத்து நாட்டையும்,நாம் வழமையாக பயணிக்கும் பக்கங்களை வைத்து தேடுதலையும் தருமாறு கூகிள் லொகாரிதம் எழுதப்பட்டிருக்கிறது.

நீங்கள் படித்த செய்தி ஒன்று.சமீபத்தில் ஒருவர் இந்திய ரயில்வே நிலையத்தில் உள்ள வைஃபை பாவித்திருந்தார். அதைத் தொடர்ந்து அவர் ரயில்வே மேல் புகார் கொடுத்தார். இந்திய ரயில்வே வைஃபை பாவித்த போது ஆபாசப் பக்கங்கள் வந்தன என்பது அப்புகார்.

ரயில்வே தலையை முட்டிக் கொண்டபின் அவருக்கு பதில் கொடுத்தனர்.
//நீங்கள் வழக்கமாக செல்லும் பக்கங்கள்தான் நீங்கள் எங்கிருந்து இணையத்தில் பயணித்தாலும் உங்கள் கணினியில் வரும்.அப்படியாக கூகிள் உங்கள் IP ஐ வைத்து,உங்களால் தேடப்படும் பக்களை தருகிறது.//
(இதன் பொருள் அவர் வழக்கமாக ஆபாச தளங்களை வட்டமிடும் நபர் என்பதுதான்.)

சில சமயம் நாம் வேறொரு நாட்டை/அங்குள்ள இணையத்தளங்களை பார்க்க விரும்பினால் கூகிள் அனுமதிக்காது.அப்படி போக விரும்பினால், கூகிள்.கொம் சென்று கீழே உள்ள settings-search settings இல் நாட்டை மாற்றி பார்க்க முடியும். இது தற்காலிக தீர்வுதான்.

அல்லது அட்ரஸ் பாரில் தேடும் சொல்லுடன் &gl=jp  என்பதை சேர்த்து தேடினால் விரும்பிய நாட்டை காணலாம். jp என்பது ஜப்பானைக் குறிக்கும்.ஜேர்மனி-de,அமெரிக்கா-us,தென் கொரியா-kr இப்படிக் கொடுத்து தேடலாம்.

news &gl=us என அமெரிக்க செய்திகளை அமெரிக்க தளங்கள் ஊடாக தேடலாம். அமெரிக்காவில் உள்ள இடம் ஒன்றின் செய்திகளை தேட (news texas &gl=us )

வேறொரு வழி VPN/proxy முறையாகும்.

நன்றி சக்தி தகவலுக்கு.

ரமணியன்