சினி துளிகள்!

**ayyasamy ram** · **ayyasamy ram** Sun Sep 22, 2019 6:57 am

* தமிழ்ப்படம்-2 படத்தில் ஒரு பாட்டுக்கு நடனமாடிய
கஸ்துாரி, தற்போது, தமிழரசன் படத்தில், ஒரு முக்கிய
கதாபாத்திரத்தில் நடித்து வருகிறார்.

* ஜெயலலிதாவின் வாழ்க்கை வரலாறு கதையில் உருவாகும்,
தலைவி படத்திற்காக, பரதநாட்டியம் பயிற்சி எடுத்துள்ளார்,
கங்கனா ரணாவத்.

* மணிரத்னம் இயக்கும், பொன்னியின் செல்வன் சரித்திர
படத்தில், 12 பாடல்கள் இடம்பெறுகின்றன.

* பிகில் படத்திற்காக, முதன்முதலாக, ஏ.ஆர்.ரஹ்மானின்
இசையில் பாடியுள்ளார், விஜய்.
-
வாரமலர்

**ayyasamy ram** · **ayyasamy ram** Sun Sep 22, 2019 6:59 am

அரசியல் கட்சிகளுக்கு கல்லெறியும் ஓவியா!

சினி துளிகள்! 46115

'பிக்பாஸ்' நிகழ்ச்சி மூலம் பிரபலமான, ஓவியாவிற்கு
எதிர்பார்த்தபடி, சினிமா கை கொடுக்கவில்லை. அதனால்,
குஷ்பு மற்றும் ரோஜா பாணியில், அரசியலில் நுழைய
தயாராகி விட்டார். ஆனால், தன் ஆசையை வெளிப்படுத்திய
போது, சில சிறிய அளவிலான கட்சிகளே அழைத்தன.

அதை நிராகரித்த அவர், சில மெகா கட்சிகளில்
இணைவதற்காக கல்லெறிந்து வருகிறார். அதற்காக, சில
முக்கிய அரசியல் தலைவர்களுடன், அவ்வப்போது சந்திப்பு
நடத்துகிறார்.
எட்டாளம் போனாலும், கிட்டாதது எட்டாது!
-
-----------------------------------
- சினிமா பொன்னையா

**ayyasamy ram** · **ayyasamy ram** Sun Sep 22, 2019 11:18 am

நன்றி வேண்டாம்!-அஞ்சலி
-
சினி துளிகள்! 516780

-
சமுத்திரகனி இயக்கத்தில் சசிகுமார், அஞ்சலி, அதுல்யா ரவி
நடிப்பில் ‘நாடோடிகள் 2’ திரைப்படம் விரைவில் வெளிவர
உள்ளது.

முதல் பாகத்தில் நடித்த சசிகுமார், பரணி, நமோ நாராயணன்
ஆகியோர் தவிர, 2-ம் பாகத்தில் பலரும் புதியவர்கள்.
இப்படத்தில் ‘செங்கொடி’ என்ற கதாபாத்திரத்தில் அஞ்சலி
நடிக்கிறார்.

அவர் கூறும்போது, ‘‘2-ம் பாகங்கள் உருவாக்கும்போது முதல்
பாகத்தின்பெயரை சிதைக்காமல் களம்அமைக்க வேண்டும்.
10 ஆண்டுகளுக்கு முன்பு பெரிய அளவில் பெயர்வாங்கிக்
கொடுத்த படம் ‘நாடோடிகள்’.

அந்த நற்பெயரை 2-ம் பாக திரைக்கதை நிச்சயம் காப்பாற்றும்.
நடப்பு விஷயங்களை சமூக அக்கறையோடு பிரதிபலிக்கும்
படம். இதில் எனக்கு சண்டைக் காட்சிகள் எல்லாம் உண்டு.

சமுத்திரகனி என் குடும்ப நபர்களில் ஒருவர். பல நேரங்களில்
எனக்கு பெரிய ஆறுதலாக இருந்தவர். அதனால், இப்பட
வாய்ப்புக்காக அவருக்கு நன்றி சொல்ல வேண்டாம் என
நினைக்கிறேன்’’ என்றார்.

இந்து தமிழ் திசை

**ayyasamy ram** · **ayyasamy ram** Sun Sep 22, 2019 8:03 pm

* தமிழில் "ஒரு நாள் கூத்து', "திமிரு பிடிச்சவன்' உள்ளிட்ட
படங்களில் நடித்தவர் நிவேதா பெத்துராஜ். ஒரு சில
படங்களில் நடித்து வந்தவருக்கு, பெரிதாக வாய்ப்புகள்
இல்லை.

இதனால் தெலுங்கில் தனக்கென மார்க்கெட்டை உருவாக்க
நினைத்தார். நினைத்தபடியே தெலுங்கில் திடீரென்று
தனக்கு மார்க்கெட் உருவானதால், அங்கு அதிக கவனம்
செலுத்த ஆரம்பித்துள்ளார்.

மதுரையைச் சேர்ந்த அவர், துபாயில் பிறந்து வளர்ந்தவர்.
தமிழ்ப் படங்களில் நடிக்கும்போது சென்னையில் உறவினர்
வீடு அல்லது நட்சத்திர ஹோட்டலில் தங்கும் அவர்,
தெலுங்கில் நடிக்கும் போது ஹைதராபாத்தில் வாடகை வீட்டில்
தங்குகிறார்.

இந்தநிலையில், கணிசமான சம்பளம் வாங்கும் ஹீரோயினாக
உயர்ந்துள்ளதால், ஹைதராபாத்தில் தனி பங்களா வாங்கி
குடியேற நினைத்திருக்கிறார். இதையடுத்து, தன் உதவியாளர்கள்
மூலம் புது பங்களா தேடும் படலத்தை தொடங்கியுள்ளார்.
-
-------------------------
ஜி.அசோக்- தினமணி

Sponsored content · Sponsored content

சினி துளிகள்!

சினி துளிகள்!

Re: சினி துளிகள்!

Re: சினி துளிகள்!

Re: சினி துளிகள்!

Re: சினி துளிகள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக