சேவையாற்ற ஐ.ஏ.எஸ்., பதவி அவசியமில்லை!

சேவையாற்ற ஐ.ஏ.எஸ்., பதவி அவசியமில்லை!
கருத்து சுதந்திரம் காக்கப்பட வேண்டும் என வலியுறுத்தி,
ஐ.ஏ.எஸ்., அதிகாரி பதவியிலிருந்து ராஜினாமா செய்துள்ள,
கண்ணன் கோபிநாதன், 33 கேரள மாநிலம், கோட்டயத்தை
சேர்ந்தவன் நான்.

2012ல், ஐ.ஏ.எஸ்., தேர்ச்சி பெற்றேன். வட கிழக்கு மாநிலங்களில்
ஒன்றான, மிசோரமில், சப் - கலெக்டராக முதலில்
பணியாற்றினேன். அங்கேயே, இரண்டு மாவட்டங்களில், ஆட்சித்
தலைவராகவும் இருந்துள்ளேன். யூனியன் பிரதேசங்களில்
ஒன்றான, தத்ரா - நகர் ஹவேலியில், மின் வாரிய செயலர்,
கிராமப்புற மேம்பாட்டு செயலராக இருந்த போது தான், பதவியை
ராஜினாமா செய்தேன்.

காஷ்மீர் சிறப்பு அந்தஸ்துகளை நீக்க, மத்திய அரசுக்கு உரிமை
இருக்கிறது. அதுபோல, அரசின் செயல்பாட்டுக்கு எதிராக குரல்
கொடுக்கவும், மக்களுக்கு உரிமை இருக்கிறது. மக்களுக்கான
இந்த அடிப்படை உரிமையை, மத்திய அரசு மறுக்கிறது.

அதனால் தான், பதவியை ராஜினாமா செய்தேன். ஆதார் அடையாள
அட்டைக்கு எதிராக நான் குரல் கொடுக்கவில்லை. 'ஆதார் அடையாள
அட்டை இல்லாததால், ஒரு மனிதருக்கு கிடைக்க வேண்டிய நல
உதவிகள் கிடைக்காமல் போகக் கூடாது' என்று தான், 'பேஸ்புக்' சமூக
வலைதளத்தில் பதிவிட்டேன்.

லோக்சபா தேர்தல் நேரத்தில், காங்கிரசில் இருந்து விலகிய ஒருவர்,
சுயேச்சையாக போட்டியிட்டார். தேர்தல் விதிமுறைகளை மீறியதாக,
அவருக்கு நான், 'நோட்டீஸ்' கொடுத்தேன்;

நிர்வாகம் எனக்கு, 'மெமோ' கொடுத்தது. கலெக்டர் பதவியிலிருந்து
மாற்றினார்கள். விசாரணை குழு, நேர்மையாக நான் எடுத்த
நடவடிக்கையை பாராட்டியது.அதன்பின், பதவியை ராஜினாமா
செய்தேன்.

'கஷ்டப்பட்டு, ஐ.ஏ.எஸ்., படித்து, அதை துாக்கி எறிவது சரியல்ல.
இன்னும், ௨௭ ஆண்டுகள் பணி இருக்கிறது. ராஜினாமாவை வாபஸ்
பெறுங்கள்' என, மூத்த அதிகாரிகள் ஆலோசனை கூறினர். நான்
மறுத்து விட்டேன்

. 'ஐ.ஏ.எஸ்., ஆவதும் ஒரு அனுபவம் தான்; அதை விட்டு விலகுவதும்,
ஒரு அனுபவம் தான்' என்றேன்.ஏழு ஆண்டுகள், ஐ.ஏ.எஸ்., பணியில்,
நிறைய மக்களுக்கு சேவைகள் ஆற்றிஉள்ளேன்; மக்கள் மனதில்
இடம்பிடித்து உள்ளேன்;

நிறைய நல்ல அனுபவங்கள் கிடைத்துள்ளன. அரசு பணியில்
இருந்தபடி தான், மக்கள் பணியாற்ற வேண்டும் என்றில்லை; பதவி
இல்லாமலும் செய்யலாம். பதவியை ராஜினாமா செய்ததை அறிந்த,
இரண்டு மலைவாழ் இளைஞர்கள், என்னை வந்து சந்தித்தனர்.

'எங்கே போகப் போகிறீர்கள்?' என்றனர். 'இன்னும் முடிவாகவில்லை'
என்றேன். 'எங்களுடன் வாருங்கள். எங்கள் வீட்டில் இருங்கள்' என,
அழைத்தனர். அதைத் தான், என் மக்கள் பணியின் அங்கீகாரமாக
கருதுகிறேன்!
-
------------------------------------------
தினமலர்