வரியை அமைச்சர்களே கட்ட வேண்டும்: யோகி உத்தரவு

**ayyasamy ram** · **ayyasamy ram** Sat Sep 14, 2019 9:04 am

லக்னோ:
உத்தர பிரதேச மாநிலத்தில், 1981லிருந்து, முதல்வர் மற்றும்
அமைச்சர்களாக பதவி வகித்த அனைவருக்கும், மக்கள்
வரிப் பணத்திலிருந்தே, வருமான வரி செலுத்தப்பட்ட
தகவல் வெளியாகி உள்ளது.

இது சர்ச்சையை ஏற்படுத்தியதை தொடர்ந்து, முதல்வர்,
அமைச்சர்கள் வருமான வரியை அவர்களே செலுத்த வேண்டும்
என முதல்வர் யோகி. ஆதித்யநாத் உத்தரவிட்டுள்ளார்.

உ.பி.,யில், 1981ல், வி.பி.சிங்., முதல்வராக இருந்தார். அப்போது,
அவர், காங்கிரசில் இருந்தார்.முதல்வர் மற்றும் அமைச்சர்களாக
பதவி வகிப்போர் பலர், ஏழைகளாக இருந்ததால் அவர்களுக்கு
சலுகை அளிக்கும் வகையில், அப்போது, உ.பி.,யில், ஒரு சட்டம்
இயற்றப்பட்டது.

இதன்படி, முதல்வர் மற்றும் அமைச்சர்களுக்கான வருமான
வரியை, மாநில அரசே, மக்களின் வரிப் பணத்திலிருந்து செலுத்தும்.

இந்த சலுகையை, பா.ஜ.,வின் கல்யாண் சிங், ராஜ்நாத் சிங்,
யோகி ஆதித்யநாத், சமாஜ்வாதியின், முலாயம் சிங் யாதவ்,
அகிலேஷ் யாதவ், காங்கிரசின், என்.டி. திவாரி உள்ளிட்ட பல
முதல்வர்களும், அமைச்சர்களாக இருந்தவர்களும் அனுபவித்து
வந்துள்ள தகவல், தற்போது தெரியவந்துள்ளது.

இப்படி ஒரு சட்டம் இருப்பது தங்களுக்கு தெரியாது என பல
அரசியல் கட்சிகளும், அம்மாநில முக்கிய தலைவர்களும்
மறுத்தனர்.

இந்நிலையில், உ.பி., மாநில நிதி அமைச்சர் வெளியிட்ட
அறிக்கையில், உ.பி., முதல்வர்கள் மற்றும் அமைச்சர்கள்,
இனிமேல், அவர்களின் வருமான வரியை, அவர்களே
செலுத்துவார்கள்.

தற்போது வரை வருமான வரியை அரசின் கருவூலத்தில்
இருந்து தான் செலுத்தப்பட்டது. இதனை ரத்து செய்வது என்ற
முடிவு முதல்வர் யோகி. ஆதித்யநாத் உத்தரவின் பேரில்
எடுக்கப்படுகிறது. இவ்வாறு அவர் கூறினார்.
-
----------------------------------
தினமலர்

Guest · Guest Sat Sep 14, 2019 12:54 pm

வரியை அமைச்சர்களே கட்ட வேண்டும்: யோகி உத்தரவு 1571444738

இது நல்லாயிருக்கே!
ஏழைகள் சம்பளம் வாங்கலையோ?
முதல்வர் முதலில் வரியை கட்டட்டும்,தன் மேல் உள்ள வழக்குகளை நியாயமான முறையில் விசாரிக்கட்டும்.அப்போதுதான் அவர் உண்மையான முதல்வர்.

**T.N.Balasubramanian** · **T.N.Balasubramanian** Sat Sep 14, 2019 6:10 pm

சட்டம் இயற்றும் இவர்கள் இவர்களுக்கு ஒரு விதத்தில் லாபம் எனில் எல்லா கட்சி உறுப்பினர்களும் ஒருமித்த கருத்துடன் ஐந்தே நிமிடத்தில் அந்த சட்டம் அமலாக்க ஒத்துழைப்பு கொடுப்பார்கள்.
பார்லிமென்டிலும் பாருங்கள் MP அவர்கள் சம்பள உயர்வு /பென்சன் /சலுகைகள் என்றால் ஆளும் கட்சியோ எதிர்கட்சிகளோ எல்லோரும் ஒன்றாக இணைந்து OK பண்ணிவிடுவார்கள்.
நாம்தான் ஏமாளி.

ரமணியன்

**M.Jagadeesan** · **M.Jagadeesan** Sun Sep 15, 2019 8:44 am

சுனா சாமி சொன்னதுபோல வருமான வரியை ரத்து செய்வது நல்லது . சிலருக்கு மட்டும் சலுகை காட்டுவது நல்லதல்ல . நாம் வியர்வை சிந்தி ஈட்டும் வருமானத்தில் ஒரு பகுதியை வரியாகக் கட்டுகிறோம் . அரசியல்வாதிகளும் , நடிகர்களும் உண்மையான வருமானத்தைக் கணக்கில் காட்டுவதில்லை .

**T.N.Balasubramanian** · **T.N.Balasubramanian** Sun Sep 15, 2019 8:39 pm

யூ எஸ் /கனடா / யூ கே போன்ற நாடுகளில்
30 முதல் 40 % வருமானத்தில் இருந்து வரிகள் பிடிக்கப்படுகிறது
படிப்பு/மருத்துவ /முதியோர் இலவச நல வசதிகள் பல உண்டு.
இந்தியாவில் TDS வருமானத்தில் பிடித்த வரியையே
சில கம்பெனிகள் அரசுக்கு செலுத்தவில்லையாம் .(பத்திரிகை செய்தி)
எங்கே போய் முட்டிக்கொள்ளுவது?

ரமணியன்

Sponsored content · Sponsored content

வரியை அமைச்சர்களே கட்ட வேண்டும்: யோகி உத்தரவு

வரியை அமைச்சர்களே கட்ட வேண்டும்: யோகி உத்தரவு

Re: வரியை அமைச்சர்களே கட்ட வேண்டும்: யோகி உத்தரவு

Re: வரியை அமைச்சர்களே கட்ட வேண்டும்: யோகி உத்தரவு

Re: வரியை அமைச்சர்களே கட்ட வேண்டும்: யோகி உத்தரவு

Re: வரியை அமைச்சர்களே கட்ட வேண்டும்: யோகி உத்தரவு

Re: வரியை அமைச்சர்களே கட்ட வேண்டும்: யோகி உத்தரவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக