ரசித்த கவிதைகள்- குங்குமம்

**ayyasamy ram** · **ayyasamy ram** Thu Sep 12, 2019 6:49 am

சமாதானக் கொடியென
நம்பி வந்து
செத்து விழுந்தன
கிழித்த கோட்டில் எறும்புகள்!
-
– நா.கோகிலன், ஜோலார்பேட்டை.
-
----------------------------

கைப்பேசியில்
நலம் விசாரிப்புகள்
கடும் பசியில்
தபால் பெட்டி
-
– சங்கீத சரவணன்,
மயிலாடுதுறை.
-
-------------------------

கனவு காண்பதென்னவோ
வனச்சோலைகளையும்
வண்ணத்துப்பூச்சிகளையும்தான்…
ஆனால் வசப்படுவதெல்லாம்
கழிப்பறைகளும்
கரப்பான்பூச்சிகளுமாய் இருக்கிறது!
-
– கு.வைரச்சந்திரன், திருச்சி.
-
------------------------------

**ayyasamy ram** · **ayyasamy ram** Thu Sep 12, 2019 6:50 am

-
நீரின் நிர்வாணம்
மறைக்கிறது
ஆகாயத் தாமரைகள்
-
– வீ.உதயக்குமாரன், வீரன்வயல்.
-
-------------------------------------

மனமுருக வேண்டினர்,
வெளிநாட்டிலும்
அருள்பாலித்தார்
கடத்தப்பட்ட கடவுள்!
-
– அ.ராஜப்பன், சென்னை-91.
-
------------------------------

தடம்புரண்டு செல்கிறது
தண்டவாளத்தில்
பட்டாம்பூச்சி!
-
– சங்கீதா, மோகனூர்.
-
-----------------------------

பறித்த மலரொன்றின்
பரிசுத்தம் பற்றி
சொல்வதற்கு
என்னிடம்
வார்த்தைகள் ஏதுமில்லை.
--
– அ.கார்த்திகேயன், சேலம்.
-
----------------------------

ரசித்த கவிதைகள்- குங்குமம்

ரசித்த கவிதைகள்- குங்குமம்

Re: ரசித்த கவிதைகள்- குங்குமம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக