டிஹைட்ரேஷன் (உடலில் உள்ள நீரின் அளவு குறைதல்)

தாமு · தாமு Tue Dec 29, 2009 5:49 am

டிஹைட்ரேஷன் என்றால் என்ன?

டிஹைட்ரேஷன் என்பது, உடலில் உள்ள நீரினை, மிக அதிகளவில் இழப்பது ஆகும். நம் உடல் நன்கு செயல்பட, நாம் தினமும் ஒரு குறிப்பிட்ட அளவு தண்ணீரை உட்கொள்ளவேண்டியள்ளது. ஒரு நாளுக்கு உட்கொள்ள வேண்டிய குறைந்தபட்ச நீரின் அளவு 8 டம்ளர்கள் (ஒரு லிட்டர் அல்லது ஒன்றேகால் லிட்டர்) ஆகும். தேவைப்படும் தண்ணீரின் அளவு உடல் செயல்திறன் மற்றும் வயதினைப்பொருத்து வேறுபடுகிறது. ஆனால், நன்கு சுறுசுறுப்பாக செயல்படும் நபர்களுக்கு மேற்கூறிய அளவைவிட, இரண்டு அல்லது மூன்று மடங்கு அதிகம் தேவைப்படுகிறது. நாம் உட்கொள்ளும் நீரானது நமது அன்றாட செயல்களின் போது இழக்கும் நீரின் அளவை சரி கட்டும் அளவிற்கு தேவைப்படுகிறது. நமக்கு தேவையான அளவைவிட குறைவாக தண்ணீர் அருந்தும் போதோ அல்லது நமது உடல் அளவுக்கு அதிகமாக தண்ணீர் இழக்கும் போது, அது டிஹைட்ரேஷனில் முடிகிறது.

டிஹைட்ரேஷன் எதினால் ஏற்படுகிறது?

குடலில் பாதிப்பு ஏற்படுவதினால், அதிகளவு தண்ணீர் இழப்பு நேரிடுகிறது. குடலின் உட்சுவரில் பாக்டீரியா மற்றும் வைரஸ் போன்ற நுண்கிருமிகள் சேர்வதால், குடலிலிருந்து உடலுக்குள் உறிஞ்சப்படும் நீரின் அளவைவிட அதிகளவு திரவத்தினை குடலானது சுரக்கச்செய்யும் போதும், குமட்டல் மற்றும் பசி இன்மையினால் உட்கொள்ளும் நீரின் அளவு குறைவதினாலும் டிஹைட்ரேஷன் ஏற்படுகிறது.

டிஹைட்ரேஷன்-னின் அடையாளங்கள் மற்றும் அறிகுறிகள் யாவை?

சில நாட்களிலேயே உடல் எடை குறைவதாகும் (அல்லது சில மணி நேரங்களில்) வேகமாக உடலின் எடையில் 10 சதம் குறைதல் என்பது மோசமான டிஹைட்ரேஷன் நிலையாகும். பொதுவாக தாகம் அதிகரித்தல், நாவறண்ட தன்மை, பெலவீனம் அல்லது லேசான தலைவலி (குறிப்பாக நிற்கும் போது தலைவலி அதிகரித்தல்) சிறுநீரின் நிறம் மாறுதல் அல்லது கழிக்கும் சிறுநீரின் அளவு குறைதல் போன்றவை டிஹைட்ரேஷன்-னின் அடையாளங்களாகும். மோசமான டிஹைட்ரேஷன் ஏற்படும் போது, உடலின் வேதியியல் தன்மை மாறுகிறது. சிறுநீரக செயல் இழப்பு மற்றும் உயிருக்கு ஆபத்தான சூழ்நிலைகள ஏற்படும்.

உடல்நலம்

டிஹைட்ரேஷன் (உடலில் உள்ள நீரின் அளவு குறைதல்)

டிஹைட்ரேஷன் (உடலில் உள்ள நீரின் அளவு குறைதல்)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக