அச்சம் தரும் அணு ஆயுதம்:சர்வதேச அணு ஆயுத சோதனை எதிர்ப்பு தினம்

-
-
அணுவை ஆக்கப்பூர்வமாக பயன்படுத்த வேண்டும்
என்பதை வலியுத்தி ஐ.நா, சார்பில் ஆக., 29ல், சர்வதேச
அணு ஆயுத சோதனை எதிர்ப்பு தினம் கடை
பிடிக்கப்படுகிறது.

அணுவின் மூலம் மின்சாரம் கிடைக்கிறது. அதே நேரத்தில்
அணு ஆயுதத்தை தவறான வழிகளில் பயன்படுத்துவதன்
மூலம் மக்களின் வாழ்க்கை, சுகாதாரம், சுற்றுச்சூழல்
உள்ளிட்ட பல பாதிப்புகள் ஏற்படுகின்றன.

ஏற்கனவே இதன் விளைவையும் உலகம் சந்தித்து விட்டது.
எனவே அணு ஆயுதம் இல்லா உலகமே அனைவருக்கும்
பாதுகாப்பானது.

ஆராத காயம்

1945ல் தான் அணு ஆயுதத்தின் கொடூரம் உலகுக்கு தெரிந்தது.
இரண்டாம் உலகப்போரின் இறுதிக்கட்டத்தில் ஜப்பானில்
ஹிரோஷிமா மற்றும் நாகசாகி நகரங்களில் அமெரிக்கா
அணுகுண்டு வீசியது.

இதுவே உலகின் முதலும், கடைசியுமான அணுகுண்டு தாக்குதல்.
1945 ஆக., 6ல் 'லிட்டில்பாய்' எனும் 60 கிலோ அணுகுண்டை சுமந்து
வந்த 'பி- 29' ரக 'எனோலாகெய்' என்ற அமெரிக்க விமானம்,
ஹிரோஷிமா நகரின் மையப்பகுதியில், உலகின் முதல்
அணுகுண்டை வீசியது.

மூன்று நாள் கழித்து, ஆக., 9ல் நாகசாகி நகரின் மீது 'பேட்மேன்'
என்ற அணுகுண்டை அமெரிக்கா வீசியது. இந்த தாக்குதல்களால்
இரண்டு நகரங்களும் முற்றிலுமாக நிலைகுலைந்தன. கதிர்வீச்சால்
உயிரிழந்தோரின் எண்ணிக்கை 2 லட்சத்து 30 ஆயிரத்தை எட்டியது.

சோதனைக்கு தடை

உலகளவில் 1945க்கு பின், இதுவரை இரண்டாயிரம் முறை
அணுகுண்டு சோதனை நடத்தப் பட்டுள்ளது. இதில் அதிகபட்சமாக
அமெரிக்கா 1945 - 1992 வரை 1,032 சோதனைகளை செய்தது.

இரண்டாவது இடத்தில் ரஷ்யா, 1949 - 1990 வரை 715 சோதனைகளை
நடத்தியது. பிரிட்டன் 45, பிரான்ஸ் 210, சீனா 45 முறை சோதனைகளை
செய்ததது. இதையடுத்து அணு ஆயுத சோதனை பரவுதலை தடுக்கும்
பொருட்டு, 1996ல் 'அணு ஆயுத சோதனை தடை ஒப்பந்தம்'
ஏற்படுத்தப்பட்டது. ஆனால் இது முழு அளவில் செயல்பாட்டில்
வரவில்லை.

ரஷ்யா முதலிடம்

உலகில் அமெரிக்கா, ரஷ்யா, பிரிட்டன், பிரான்ஸ், சீனா, இந்தியா,
பாகிஸ்தான், வடகொரியா, இஸ்ரேல் ஆகிய நாடுகள்
'அணு ஆயுத நாடு' என கருதப்படுகின்றன. இதில் அணுகுண்டுகள்
அதிகம் வைத்திருக்கும் நாடு ரஷ்யா. இரண்டாவது இடத்தில்
அமெரிக்கா உள்ளது.
-
----------------------------------------------
தினமலர்