வட தமிழகத்தில் மழை

**T.N.Balasubramanian** · **T.N.Balasubramanian** Tue Aug 20, 2019 3:59 pm

வட தமிழகத்தில் மழை

வளிமண்டல மேலடுக்கில் ஏற்பட்டிருக்கும் காற்றின் சங்கமத்தால், வடதமிழகத்தில் அடுத்த இரண்டு நாட்களுக்கு கனமழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

வளிமண்டல மேலடுக்கு சுழற்சி, தென் மேற்குப் பருவக்காற்றின் தாக்கம் காரணமாக தமிழகம் முழுவதும் பெரும்பாலான பகுதிகளில் மழை பெய்து வருகிறது. சென்னையின் பல இடங்களில் நேற்றிரவு இரவு நல்ல மழை பெய்தது.

வேலூரில் ராணிப்பேட்டை, ஆற்காடு, வாலாஜாபேட்டை, சோளிங்கர் பகுதிகளில் சுமார் மூன்று மணி நேரத்திற்கு மேலாக கன மழை கொட்டி தீர்த்தது. சேலத்தில் பெத்தநாயக்கன்பாளையம், வாழப்பாடி, ஆத்தூர் ஆகிய பகுதிகளில் நேற்று நள்ளிரவு பலத்த மழை பெய்தது. கடலூர் நகர் பகுதியில் இன்று அதிகாலை மழை பெய்தது.
இதனிடையே சென்னை வானிலை ஆய்வு மைய இயக்குநர் புவியரசன் இன்று செய்தியாளர்களிடம் கூறியதாவது:

வளிமண்டல மேலடுக்கில் ஏற்பட்டிருக்கும் காற்றின் சங்கமத்தின் காரணமாக வடதமிழகம், புதுவை மற்றும் காரைக்கால் பகுதிகளில் அடுத்த இரு நாட்களுக்கு லேசானது முதல் மிதமான மழைக்கும், ஒரிரு இடங்களில் கனமழைக்கும் வாய்ப்புள்ளது.

மேலும் தர்மபுரி, திருவண்ணாமலை, விழுப்புரம், சேலம், பெரம்பலூர், அரியலூர், கடலூர், நாகை மாவட்டங்களில் கனமழை பெய்ய வாய்ப்புள்ளது.

கடந்த 24 மணி நேரத்தில் அதிகபட்சமாக திருச்சியில் 13 செ.மீ., ராயக்கோட்டை, வாழப்பாடியில் தலா 8 செ.மீ. மழையும் பதிவாகியுள்ளது.

சென்னையைப் பொறுத்தவரை வானம் ஓரளவு மேக மூட்டத்துடன் காணப்படும். நகரின் ஒரு சில இடங்களில், இடியுடன் கூடிய லேசான மழைக்கு வாய்ப்புள்ளது.

ஜூன் 1 முதல் ஆகஸ்ட் 20-ம் தேதி வரை தமிழகத்தில் இதுவரை 18 செ.மீ மழை பதிவாகியுள்ளது. சென்னையை பொருத்தவரை 33 செ.மீ மழை பதிவாகியுள்ளது. இது இயல்பை விட 5 செ.மீ அதிகம்.

ரமணியன்

நன்றி சமயம்

**T.N.Balasubramanian** · **T.N.Balasubramanian** Tue Aug 20, 2019 4:00 pm

அளவோடு பெய்து
வளமோடு வாழ
அருள் புரிவாய்
மாரி அம்மா .

ரமணியன்

வட தமிழகத்தில் மழை

வட தமிழகத்தில் மழை

Re: வட தமிழகத்தில் மழை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக