திருப்பத்தூர், ராணிப்பேட்டையை தலைமையிடமாக கொண்டு தமிழகத்தில் 2 புதிய மாவட்டங்கள் எடப்பாடி பழனிசாமி அறிவிப்பு

**ayyasamy ram** · **ayyasamy ram** Fri Aug 16, 2019 6:14 am

-
சென்னை,

தமிழ்நாட்டில் ஏற்கனவே 33 மாவட்டங்கள் இருந்தன.

மேலும் 2 புதிய மாவட்டங்கள்

இந்த நிலையில், நெல்லை மாவட்டம் இரண்டாக பிரிக்கப்பட்டு
தென்காசியை தலைமையிடமாக கொண்டு ஒரு புதிய
மாவட்டமும், காஞ்சீ புரம் மாவட்டம் இரண்டாக பிரிக்கப்பட்டு
செங்கல்பட்டை தலைமையிடமாக கொண்டு ஒரு புதிய
மாவட்டமும் உருவாக்கப்படும் என்று முதல்-அமைச்சர் எடப்பாடி
பழனிசாமி கடந்த மாதம் 18-ந் தேதி சட்டசபையில் அறிவித்தார்.

இதனால் தமிழகத்தில் மாவட்டங்களின் எண்ணிக்கை 35 ஆக உயர்ந்தது.

இந்த நிலையில் தமிழகத்தில் புதிதாக மேலும் 2 மாவட்டங்கள்
உருவாக்கப்படுவதாக முதல்-அமைச்சர் எடப்பாடி பழனிசாமி
அறிவித்து உள்ளார்.

வேலூர் மாவட்டம் மூன்றாக பிரிப்பு

சென்னை கோட்டையில் தமிழக அரசின் சார்பில் நேற்று
நடைபெற்ற சுதந்திர தின விழாவின் போது தேசிய கொடியை
ஏற்றி வைத்து உரையாற்றிய அவர் இந்த அறிவிப்பை
வெளியிட்டார்.

அவர் பேசுகையில், தற்போது பெரிய மாவட்டமாக உள்ள
வேலூர் மாவட்டத்தை பிரிக்க வேண்டும் என்று வந்த
கோரிக்கைகளை பரிசீலித்து, நிர்வாக வசதிக்காக, வேலூரை
தலைமையிடமாக கொண்டு ஒரு மாவட்டமும், திருப்பத்தூரை
தலைமையிடமாக கொண்டு ஒரு புதிய மாவட்டமும்,
ராணிப்பேட்டையை தலைமையிடமாக கொண்டு ஒரு புதிய
மாவட்டமும் தோற்றுவிக்கப்படும் என்று கூறினார்.

அத்துடன், வேலூர் மாவட்டத்தில் உள்ள கே.வி.குப்பத்தை
தலைமையிடமாக கொண்டு ஒரு புதிய வட்டம் ஏற்படுத்தப்படும்
என தெரிவித்தார்.

புதிதாக 2 மாவட்டங்கள் உருவாக்கப்படுவதால், தமிழகத்தில்
மாவட்டங்களின் மொத்த எண்ணிக்கை 37 ஆக உயருகிறது.
-
-------------------------
தினத்தந்தி

**பழ.முத்துராமலிங்கம்** · 27/09/2015

நிர்வாகம் சீராக இது நல்ல முடிவு தான்.

**M.Jagadeesan** · **M.Jagadeesan** Sat Aug 17, 2019 9:25 am

தேர்தல் தோல்வியை திசை திருப்பவே , வேலூரை மூன்றாகப் பிரிக்கும் முடிவு .

**ayyasamy ram** · **ayyasamy ram** Sat Aug 17, 2019 11:19 am

அப்படியே தமிழ் நாட்டையும் இரண்டு
மாநிலமாக பிரித்து விட்டால் பதவி
கிடைக்காத தலைவர்ளுக்கு பதவி
கிடைக்க ஒரு வாய்ப்பாகும்...!!

Sponsored content · Sponsored content

திருப்பத்தூர், ராணிப்பேட்டையை தலைமையிடமாக கொண்டு தமிழகத்தில் 2 புதிய மாவட்டங்கள் எடப்பாடி பழனிசாமி அறிவிப்பு

திருப்பத்தூர், ராணிப்பேட்டையை தலைமையிடமாக கொண்டு தமிழகத்தில் 2 புதிய மாவட்டங்கள் எடப்பாடி பழனிசாமி அறிவிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக