பதான் ராணியின் படிக் கிணறும் - நம்ம ஆளும்

Guest · Guest Tue Aug 13, 2019 1:22 pm

ராணி கி வாவ் (ராணியின் கிணறு) குஜராத் மாநிலம் பதான் என்ற இடத்தில் சரஸ்வதி நதிக்கரை பகுதியில் உள்ளது. இதை கி.பி 1063ம் ஆண்டு தன்னுடைய கணவன் முதலாம் பீம்தேவின் நினைவாக ராணி உதயமதி கட்டியதாக கூறப்படுகிறது.
2014ம் ஆண்டு இதை உலக பாரம்பரிய நினைவுச் சின்னமாக யுனெஸ்கோ அங்கீகரித்தது. பதான் நகரை 745 ம் ஆண்டில் வன்ராஜ் சௌடா என்ற மன்னன் உருவாக்கினான்.(இணையம்)

நம்ம ஆளு பலே கில்லாடி ஆயிற்றே! நம்ம ஆளு சொன்னது இது………...

ராஜராஜ சோழன் தன் மனைவிக்காக கட்டிய கிணறு வடிவிலான பிரம்மாண்டமான அரண்மனை.. எத்தனை பேருக்கு தெரியும்?

தமிழன் திறமைக்கு இதுவே சான்று. தாஜ்மஹால் கட்டப்படுவதற்கு பல ஆண்டுகளுக்கு முன்னர் ராஜராஜ சோழன் தன் மனைவிக்காக கட்டிய கிணறு வடிவிலான பிரம்மாண்டமான ‘ அரண்மனை.. குஜராத்திலுள்ள சித்பூர் என்ற ஊருக்கு அருகிலுள்ள பதான் கிராமத்தில் உள்ளது.. இதனுள் 9 கி்மீ.நீள சுரங்கப்பாதை.!!! நினைக்க நினைக்க ஆச்சர்யம் மட்டுமே மிஞ்சுகிறது..!!! எந்த இஞ்ஐினிரிங் காலேஜ்ல படிச்சி கட்டினாங்க!!! !! தமிழனின் சிறப்பை உலகறியச்செய்வோம்…. ( வணக்கம் சென்னை என்ற முக நூல் பக்கத்தில் பகிரப்பட்டுள்ளது.

இதற்கெல்லாம் றூம் போட்டு யோசித்தால் தவிர,இந்த யோசனை வேறெப்படியும் கிடைக்காது.

ராஜராஜ சோழன் காலத்துக்குப் பிறகு கிட்டத்தட்ட 50 ஆண்டுகள் கழித்து இந்த கிணறு அமைக்கும் பணி நடந்துள்ளது என்று தகவல் தெரிவிக்கின்றன. அப்படி இருக்கும்போது, கொஞ்சம் கூட தொடர்பே இல்லாமல் இந்த கிணற்றை தன்னுடைய மனைவிக்காக ராஜராஜ சோழன் கட்டினான் என்று தவறாகத் தெரிவித்துள்ளனர்.

உண்மையில் இந்த கிணற்றை தன்னுடைய கணவன் பீமா 1063 இல் இறந்தபின் அவன் நினைவாக ராணி உதயமதி கட்டினார். இதனல், இந்த கிணற்றுக்கு ராணியின் கிணறு என்று பெயர்.
(இணையம்)

போனஸ்:
லக்ஷ்மி விலாஸ் அரண்மனை,வதோதரா குஜராத்

Guest · Guest Tue Aug 13, 2019 1:24 pm

இலக்குமி விலாஸ் அரண்மனை, பரோடா சமஸ்தானத்தின் மன்னர் மகாராஜா சாயாஜிராவ் மூன்றாம் கெயிக்வாட் என்பவரால், 1,80,000 பிரித்தானிய பவுண்டு செலவில், இந்தோ-சாசனிக் கட்டிடக் கலையில் 1890ல் கட்டப்பட்டது.

பரோடா சமஸ்தான குடும்பத்தவர்களின் வாழ்விடமான இலக்குமி விலாஸ் அரண்மனை, லண்டன் பக்கிங்காம் அரண்மனையை விட நான்கு மடங்கு கொண்டது. தற்கால நவீன வசதிகளுடன் 1890ல் கட்டப்பட்ட இவ்வரண்மனையின் மாடிகளில் செல்வதற்கு மின்தூக்கிகள் பயன்படுத்தப்பட்டது.

500 ஏக்கர் பரப்பளவு கொண்ட அரண்மனை வளாகத்தில் அரச குடும்பத்தினர், அரச அலுவலர்கள், அரச விருந்தினர்கள் மற்றும் ஊழியர்கள் தங்குவதற்கான பெரிய கட்டிடங்கள் உள்ளது. அவற்றில் மோதி தோட்ட அரண்மனை மற்றும் மகராஜா பதே சிங்க் அருங்காட்சியகம் குறிப்பிடத்தக்கது. (விக்கிபீடியா)

பதான் ராணியின் படிக் கிணறும் - நம்ம ஆளும்

பதான் ராணியின் படிக் கிணறும் - நம்ம ஆளும்

Re: பதான் ராணியின் படிக் கிணறும் - நம்ம ஆளும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக