டில்லியில் முதல் 'முத்தலாக்' கைது ; உ.பி.,யிலும் ஒருவர் சிக்கினார்

புதுடில்லி:
டில்லியில், 'வாட்ஸ் ஆப்' மூலம், மூன்று முறை 'தலாக்' என
தகவல் அனுப்பி, மனைவியை விவாகரத்து செய்தவரை,
போலீசார் கைது செய்தனர்.

டில்லியில், ஆசாத் மார்க்கெட் பகுதியை சேர்ந்தவர்,
அடிர் ஷமீம். இவருக்கு, 2011ல், திருமணம் நடந்தது.

இவருக்கும், இவரது மனைவிக்கும் இடையே, சமீபத்தில்
கருத்து வேறுபாடு ஏற்பட்டது. இதையடுத்து, 'வாட்ஸ் ஆப்'
சமூக ஊடகத்தின் மூலம், 'தலாக்' என மூன்று முறை
தகவல் அனுப்பி, மனைவியை விவாகரத்து செய்ததாக
அறிவித்தார்.

இது குறித்து, ஷமீமின் மனைவி, வடக்கு டில்லியில் உள்ள,
பாரா ஹிந்து ராவ் போலீஸ் ஸ்டேஷனில் புகார் அளித்தார்.

இதையடுத்து, அடிர் ஷமீம் மீது, முஸ்லிம் பெண்கள் உரிமை
பாதுகாப்பு சட்டத்தின் கீழ், போலீசார் வழக்குப்பதிவு செய்து,
கைது செய்தனர்.'முத்தலாக்' மசோதா, பார்லியில்
நிறைவேற்றப்பட்ட பின், டில்லியில் பதிவு செய்யப்படும்
முதல் வழக்கு இது என்பது, குறிப்பிடத்தக்கது.

உ.பி.,யிலும் கைது

உத்தர பிரதேசத்தின், கன்னோஜ் மாவட்டத்தில் உள்ள,
சிப்ரமாவ் பகுதியை சேர்ந்தவர், ஷாஸியா பானு.
இவர் சமீபத்தில், போலீசில் புகார் ஒன்றை அளித்தார்.

அதில் கூறப்பட்டுள்ளதாவது:

என் கணவர், புதிதாக வியாபாரம் தொடங்க, ஒரு லட்சம்
ரூபாய் வேண்டும் என கேட்டார். மேலும், 'புல்லட்' இரு சக்கர
வாகனமும், தங்க சங்கிலியும் கேட்டார்.இதையெல்லாம் தர,
என் தந்தையின் பொருளாதார நிலைமை இடம்
அளிக்கவில்லை.

இதனால் ஆத்திரமடைந்த என் கணவர், என்னை அடித்து
துன்புறுத்தினார். இதையடுத்து, என் தந்தை வீட்டில் வசித்து
வந்தேன். அங்கு வந்து, என்னிடம் பணம் கேட்டு,
சண்டையிட்டார்.

என் தந்தை முடியாது என திட்டவட்டமாக கூறியதை அடுத்து,
மூன்று முறை, 'தலாக்' எனக் கூறி, என்னை விவாகரத்து
செய்வதாக தெரிவித்தார்.

இது பற்றி போலீசில் புகார் அளித்தால், கடுமையான
விளைவுகளை சந்திக்க நேரிடும் என, மிரட்டினார்.
இவ்வாறு அதில் கூறப்பட்டுள்ளது.

இதையடுத்து, ஷாஸியா பானுவின் கணவர் மற்றும் அவரது
குடும்பத்தினர் ஆறு பேரை, போலீசார் கைது செய்தனர்.
-
-------------------------------------
தினமலர்

அடங்கமாட்டேங்கிறாங்களே!

சட்டத்தில் சிறு மாற்றம் கொண்டுவரலாம்.
முத்தலாக் மனைவியும், கூறமுடியும். அப்பிடி கூறினால்
கணவனின் பாதி சொத்து மனைவிக்கு சேரவேண்டும் .
மனைவி மறுமணம் செய்துகொண்டாலும் பாதி சொத்து
அவளிடமே இருக்கும்.
இது எப்பிடி இருக்கு?

ரமணியன்

நல்லா இருக்கு.ஆனா பூனைக்கு மணி கட்டுவது யார்?