புதுச்சேரி நிர்வாக வழக்கு: ஐகோர்ட் உத்தரவை எதிர்த்து, 'அப்பீல்'

சென்னை:
'அரசின் தினசரி நடவடிக்கைகளில், கவர்னர் குறுக்கிட
முடியாது; நிர்வாகத்தை நடத்த, கவர்னருக்கு முழு
அதிகாரம் கிடையாது' என உத்தரவிட்டதை எதிர்த்து,
சென்னை உயர் நீதிமன்றத்தில், மத்திய உள்துறை
அமைச்சகம் மேல்முறையீடு செய்துள்ளது.

புதுச்சேரி மாநிலத்தில், முதல்வர் நாராயணசாமி தலைமையில்,
காங்கிரஸ் ஆட்சி நடந்து வருகிறது. கவர்னராக, கிரண்பேடி உள்ளார்.
நிர்வாகத்தில், கவர்னர் குறுக்கிடுவதாக, ஆளும் கட்சி தரப்பில்
குற்றம் சாட்டப்பட்டது.

இந்நிலையில், காங்., - எம்.எல்.ஏ.,வான, கே.லட்சுமி நாராயணன்
தாக்கல் செய்த மனு:

தேர்ந்தெடுக்கப்பட்ட அரசு இயங்கி வந்தாலும், கவர்னர் கிரண்பேடி,
அவரது எண்ணங்கள், விருப்பப்படி செயல்படுகிறார். அரசை மீறி,
அதிகாரிகளுடன் ஆய்வுக் கூட்டங்களை நடத்துகிறார்.

தேர்ந்தெடுக்கப்பட்ட அரசுக்கு எதிராக, இணையான அரசு போல்
செயல்படுகிறார். அரசின் அன்றாட நடவடிக்கைகளில், கவர்னர்
குறுக்கிடுகிறார்.

இந்நிலையில், கவர்னருக்கு மட்டுமே, அதிக அதிகாரங்கள்
இருப்பதாக, மத்திய உள்துறை அமைச்சகம், விளக்கம்
வௌியிட்டுள்ளது; இது, சட்டவிரோதமானது; புதுச்சேரி அரசு
அலுவல் விதிகளை மீறியது. மத்திய அரசின் இந்த விளக்கத்தை,
ரத்து செய்ய வேண்டும்.இவ்வாறு, மனுவில் கூறப்பட்டுள்ளது.

மனுவை விசாரித்த, நீதிபதி, ஆர்.மகாதேவன் பிறப்பித்த உத்தரவு:

மத்திய அரசின் விதிகளின்படி, முதல்வர் தலைமையிலான
அமைச்சரவைக்கு தான், அரசை நடத்துவதற்கு அதிகாரம் உள்ளது.
தலைமைச் செயலர் உள்ளிட்ட செயலர்கள், அதை பின்பற்ற
வேண்டும்.

சொந்தமாகவோ, கவர்னரின் உத்தரவுப்படியோ, உத்தரவுகள்
பிறப்பிக்க, செயலர்களுக்கு அதிகாரம் இல்லை.

சட்டசபைக்கான அதிகாரத்தை குறைத்து மதிப்பிடும் வகையிலும்,
கவர்னருக்கு அதிக அதிகாரம் இருப்பது போலும், மத்திய அரசு,
இரண்டு உத்தரவுகளை பிறப்பித்துள்ளது.

இந்த உத்தரவுகள், ரத்து செய்யப்படுகின்றன. அரசின் அன்றாட
நடவடிக்கைகளில், கவர்னர் குறுக்கிட முடியாது.
இவ்வாறு, நீதிபதி உத்தரவிட்டார்.

இந்த உத்தரவை எதிர்த்து, உச்ச நீதிமன்றத்தில் மேல்முறையீடு
செய்யப்பட்டது. உயர் நீதிமன்றத்தை அணுகும்படி, உச்ச நீதிமன்றம்
அறிவுறுத்தியது. இதையடுத்து, உயர் நீதிமன்ற தனி நீதிபதியின்
உத்தரவை எதிர்த்து, மத்திய உள்துறை மேல்முறையீடு செய்துள்ளது.

காலதாமதமாக தாக்கல் செய்த மேல்முறையீட்டு மனுவை,
விசாரணைக்கு ஏற்க அனுமதிக்க கோரி, மற்றொரு மனுவையும்,
மத்திய அரசு தாக்கல் செய்தது. இம்மனு, நீதிபதிகள்,
வினீத் கோத்தாரி, சி.வி.கார்த்திகேயன் அடங்கிய, 'டிவிஷன் பெஞ்ச்'
முன், நேற்று விசாரணைக்கு வந்தது.

உயர் நீதிமன்றத்தை அணுகலாம் என, ஏற்கனவே உச்ச நீதிமன்றம்
தெரிவித்திருப்பதால், மேல்முறையீட்டு மனுவை விசாரணைக்கு
பட்டியலிட, டிவிஷன் பெஞ்ச் உத்தரவிட்டது.
-
---------------------------------
தினமலர்

இந்த சதுரங்க விளையாட்டில் யார் வெல்வார்??

பழ.முத்துராமலிங்கம் wrote:இந்த சதுரங்க விளையாட்டில் யார் வெல்வார்??

மேற்கோள் செய்த பதிவு: 1302011

அய்யா சதுரங்க விளையாட்டு என்று கூறிவிட்டீர் ..
சதுரங்க விளையாட்டில் யார் மிகவும் சக்தி வாய்ந்தவர்

ரமணியன்

@பழ.முத்துராமலிங்கம்