திருப்பதி லட்டின் வயது ----304

-

-
திருப்பதி:
திருமலை ஏழுமலையானுக்கு, பிரசாதமாக படைக்கப்படும்,
லட்டின் வயது, 302 வருடங்கள் என, தேவஸ்தானம்
தெரிவித்துள்ளது.

திருமலை ஏழுமலையானுக்கு, விசேஷ பிரசாதமாக
படைக்கப்படுவது லட்டு. இந்த லட்டு, கடலை மாவு, சர்க்கரை,
நெய், ஏலக்காய், பச்சை கற்பூரம், பாதாம், முந்திரி, கல்கண்டு,
உலர் திராட்சை, குங்குமப்பூ ஆகியவைகளை, குறிப்பிட்ட
அளவில், அதற்கென உள்ள முறைப்படி சேர்த்து தயாரிக்கப்
படுகிறது.

திருமலையில், தினசரி, 2 லட்சம் முதல், 3 லட்சம்
எண்ணிக்கையில் லட்டு பிரசாதங்கள் தயாரிக்கப்படுகிறது.

உற்சவ நாட்களில், 5 லட்சம் லட்டுகள் வரை, சேமிப்பில்
வைக்கப்படும். இந்த லட்டு நிவேதனம், ஏழுமலையானுக்கு,
1715ம் ஆண்டு, ஆக., 2ல், துவக்கப்பட்டது. இந்நிலையில்,
லட்டு பிரசாதத்திற்கு, இன்று(ஆக.,3), 302 வயதாகிறது.

கடந்த, 2009ல், திருமலை லட்டு பிரசாதத்திற்கு, புவிசார்
குறியீடும் வழங்கப்பட்டது. லட்டு பிரசாத விற்பனை மூலம்,
தேவஸ்தானத்திற்கு, மாதம், 1 கோடி ரூபாய் வருமானம்
கிடைத்து வருவது குறிப்பிடத்தக்கது.

லட்டு படைத்ததற்கு முன், திருமலை ஏழுமலையானுக்கு,
வடை முக்கிய பிரசாதமாக படைக்கப்பட்டு வந்தது.
-
---------------------------
தினமலர்

லட்டை முதலில் சாப்பிட்டவர் யார்?

2 ஆகஸ்ட் 1715 ம் ஆண்டு முதல் லட்டு பிரசாதம் ஆரம்பம் என்றால்
304 ஆண்டுகளாகிவிட்டது என்பதே சரியான கணக்கு.

302 வருடங்கள் என்பது இரெண்டாண்டுகளுக்கு முன் வந்த செய்தி.

கூகிள் செய்தி பின்வருமாறு.

304வது பிறந்தநாளை கொண்டாடும் திருப்பதி லட்டு
Aug 03, 2019 08:58 AM 46
font size  
304வது பிறந்தநாளை கொண்டாடும் திருப்பதி லட்டு
   
பிரசித்தி பெற்ற திருப்பதி ஏழுமலையான் கோயிலில் வழங்கப்படும் புகழ்பெற்ற லட்டு பிரசாதம் முதன்முதலாக வழங்கப்பட்டதிலிருந்து தற்போது வரை 302 ஆண்டுகள் ஆகியுள்ளது.

திருப்பதி கோயிலின் விசேஷ பிரசாதமாக வழங்கப்படுவது லட்டு. கடலை மாவு, சர்க்கரை, நெய், ஏலக்காய், பச்சை கற்பூரம், பாதாம், முந்திரி, கல்கண்டு, உலர் திராட்சை, குங்குமப்பூ ஆகியவைகளை குறிப்பிட்ட அளவில் அதற்கென உள்ள முறைப்படி சேர்த்து திருப்பதி லட்டு தயாரிக்கப்படுகிறது.

திருமலையில் தினசரி 2 லட்சம் முதல் 3 லட்சம் எண்ணிக்கையில் லட்டுகள் பிரசாதமாக தயாரிக்கப்படுகிறது. உற்சவ நாட்களில் 5 லட்சம் லட்டுகள் வரை சேமிப்பில் வைக்கப்படும். ஏழுமலையானுக்கு லட்டு நைவேத்தியம் படைப்பது, கடந்த 1715ம் ஆண்டு ஆகஸ்ட் 2ஆம் தேதி துவக்கப்பட்டதாக கூறப்படுகிறது. எனவே, இந்த லட்டு பிரசாதத்திற்கு தற்போது 304 வயதாகிறது.

லட்டு பிரசாத விற்பனை மூலம், தேவஸ்தானத்திற்கு மாதம் 1 கோடி ரூபாய் வருமானம் கிடைத்து வருவதாக கூறப்படுகிறது. கடந்த 2009ல் திருப்பதி லட்டு பிரசாதத்திற்கு புவிசார் குறியீடும் வழங்கப்பட்டது. லட்டு படைத்ததற்கு முன்பு, திருப்பதி ஏழுமலையானுக்கு வடை முக்கிய பிரசாதமாக படைக்கப்பட்டு வந்தது குறிப்பிடத்தக்கது.

நன்றி கூகிள் /நியூஸ் J

ரமணியன்

சக்தி18 wrote:
லட்டை முதலில் சாப்பிட்டவர் யார்?

மேற்கோள் செய்த பதிவு: 1301641

நிச்சயமாக நாம் இருவரும் இல்லை.

ரமணியன்

வாட்சப் இருக்கும் வரைக்கும் இது மாதிரி செய்திகள் மாற்றமில்லாமல் இன்னும் பத்து ஆண்டுகளுக்கு வரும். forward பண்ணுபவர்களும் இதை கவனிக்க மாட்டார்கள்.
தலைப்பை 302 இலிருந்து 304 க்கு மாற்றப்படுகிறது.

ரமணியன்

நம் வீட்டில் செய்தாலும் , கடையில் வாங்கினாலும் திருப்பதி லட்டு போல சுவை வருவதில்லையே ஏன் ?

M.Jagadeesan wrote:நம் வீட்டில் செய்தாலும் , கடையில் வாங்கினாலும் திருப்பதி லட்டு போல சுவை வருவதில்லையே ஏன் ?

மேற்கோள் செய்த பதிவு: 1301691

ஆம் வருவதில்லைதான்.
ஒரு வேளை கலப்படமில்லா பொருட்களாக இருக்குமோ? பொருட்களின் விகிதாசாரம் செய்முறை பக்குவம் முதலியவையும் ஒரு காரணமோ?
தெய்வீகம் கலந்துள்ளதோ?
அந்த ஆண்டவனுக்கே வெளிச்சம் .

ரமணியன்