உன் விழிகளில்! -தினமணி வாசகர் கவிதைகள்!

**ayyasamy ram** · **ayyasamy ram** Sun Aug 04, 2019 8:00 pm

உன் விழிகளில்

உன் விழிகளில்! -தினமணி வாசகர் கவிதைகள்! Images

உன்னை என் நயனச் சிறைகளில் அடைத்த பின்னுமா
என் மீது உனக்குக் கோவம் வரவில்லை?
ஏன் தாமதிக்கிறாய்?

பதிலுக்கு என்னை உன் விழிச்சிறைகளில் அடைத்துவிடு.
விடுதலை என்பதை என்றைக்கும் விரும்பாமல்
காலமெல்லாம் கட்டுண்டு கிடப்பேன்.
என்னில் நீயும், உன்னில் நானும்.

நினைக்கும் பொழுதே நெஞ்சம் நிறைகிறது
நினைவலைகளில் நித்திரை நீசமாகிறது.
எத்தனை காலம் காத்திருப்பது?
கருணை கூர்ந்து களமிறங்கி விடு, இப்பொழுதே
காதலை பொய்க்க விடாதே, கண்ணே.
--------------------------
பான்ஸ்லே.

**ayyasamy ram** · **ayyasamy ram** Sun Aug 04, 2019 8:02 pm

**

உன் விழிகளில்! -தினமணி வாசகர் கவிதைகள்! Eyes

தூண்டில் போடுவது மீன்களைப் பிடிக்கத்தானே?
ஆனால் இங்கு மீன்களே
அல்லவா தூண்டில் போடுகின்றன!

வானவில்லில் கருப்பு நிறம்
இல்லாததன் காரணம்
உன் புருவம் பார்த்தவுடன்
புரிந்து போனது எனக்கு!

உன் பார்வைகளைப்
பத்திரப்படுத்திக்கொள் கண்ணே!
மாற்று வழி மின்சாரத்திற்காய்
மனிதக் கூட்டம் அலையும் காலமிது!

நீ கண்ணுறங்காத நாட்களில்
இரவுகள் இரட்சிக்கப்படுகின்றன!

நீ தன் மீதுதான் கண் விழிப்பாய் என
உன் படுக்கையறைப் பொருட்கள்
பந்தயம் கட்டிக்கொள்கின்றன தங்களுக்குள்!

நீ முகம் கழுவும் பொழுதிற்காய்
தண்ணீருமல்லவா தவமிருக்கிறது!

நீ கண்தானத்திற்காக விண்ணப்பித்ததிலிருந்து
குருடனாய்ப் போகவேண்டி
குலதெய்வத்திடம் முறையிடுகிறேன்!

உன் புருவங்களுக்கு மத்தியில்
புகலிடம் பெறவேண்டி
குதூகலமாய்க் காத்திருக்கிறது குங்குமம்!

சூரியனும் குளிர்கண்ணாடி அணிகிறது!
சுடர்விடும் உன் கண்ணொளி கண்டு!

உன் கைக்குட்டைக்குத்தான் எத்தனை கர்வம்?
உன் கண்ணீர் தாங்கும் தருணங்களில்?

உன் ஒவ்வொரு கண் சிமிட்டலிலும்
ஓராயிரம் கவிதைகள் பிறக்கின்றன!

இக்கவிதை அந்த ஆயிரத்தில் ஒன்று!

- நிலவை பார்த்திபன்

**ayyasamy ram** · **ayyasamy ram** Sun Aug 04, 2019 8:48 pm

**

என் இறுதி மூச்சு நின்றும்
குருதி வழிந்தோடிய
உன் விழிகளில் தஞ்சமடைந்து
என் வாக்கை நிறைவேற்றி விட்டேன்/

சமத்துவத்தை புதைக்க
நம்மை கவுரவமாக கொலை செய்தவர்களுக்கு
சவக்கிடங்கில் நிலவும் சமத்துவம் புரியாது!

-தேவி பிரபா

**

**ayyasamy ram** · **ayyasamy ram** Sun Aug 04, 2019 8:48 pm

என் மனதை கொள்ளையடித்த
முகம்மூடிய விழிபறி
கொள்ளைக்காரியே!
நீளுமா உன் நீல விழிகள்
என் பக்கம்!

சோம பானமும் சுரா பானமும்
பருகின்னல்தான் போதை!
சொக்க வைக்கும் உன் விழியைப்
பார்த்தாலே போதை!

வழிமேல் விழி வைத்தால்
பாதை தெரியும்!
உன் விழிமேல் விழி வைத்தால்
போதை தெரியும்!

உன் நீல விழிப்
பார்வை பட்டே
வானும் கடலும்
நீலமனதோ!

உன் விழிகளில் கண்டேன்
வயது வந்தோருக்கான
புதிய திரைப்படம்!
அதில் கருப்பு வெள்ளையே இல்லை!
உன் விழிகளில் தெரிந்தது
முழு நீலப் படம்!

இரும்பாலான இதயத்தையும் ஈர்க்கும்
உன் காந்த விழிகளால்
நான் விழுந்துவிட்டேன்!

உன் விழியைப் பார்த்தால்
உள்ளம் தடுமாறுதே!
இதயம் இடம் மாறுதே!
என் விழியும் நிறம் மாறுதே!

உன்னைப் பார்த்ததிலிருந்து
கரும்பாய் இனிக்கிது உன் நினைவு!
கவிதை படிக்கிது என் மனது!

- கு.முருகேசன்

**ayyasamy ram** · **ayyasamy ram** Sun Aug 04, 2019 8:48 pm

**

உன் விழிகளில்! -தினமணி வாசகர் கவிதைகள்! Rzepg_369486

பெண்ணே உன் விழிகளிலிருந்து
விழும் கண்ணீர்த்துளி
விலைமதிப்பற்றது
விரயம் செய்யாதே!

தோல்விகள் தொடர் கதையல்ல
வெற்றியை பாதைக்கு அழைத்துச்செல்லும் முதல்
அத்தியாயம்..

சீதையாய் தீக்குளித்தது
போதும்
கண்ணகியாய் கொதித்தெழுந்துவா...

காமுகர்களை கபலிஷ்கரம் செய்ய
நம் காலம் தாழ்த்தும்
ஒவ்வொரு கணமும்
நம் சூறையாடப்படுகிறோம்
நயவஞ்சகம் பிடித்த சில சகுனிகளால்...

- காசிநாதன் சுதா, சிங்கப்பூர்

Sponsored content · Sponsored content

உன் விழிகளில்! -தினமணி வாசகர் கவிதைகள்!

உன் விழிகளில்! -தினமணி வாசகர் கவிதைகள்!

Re: உன் விழிகளில்! -தினமணி வாசகர் கவிதைகள்!

Re: உன் விழிகளில்! -தினமணி வாசகர் கவிதைகள்!

Re: உன் விழிகளில்! -தினமணி வாசகர் கவிதைகள்!

Re: உன் விழிகளில்! -தினமணி வாசகர் கவிதைகள்!

Re: உன் விழிகளில்! -தினமணி வாசகர் கவிதைகள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக