இது என்ன நியாயம்?

Guest · Guest Sat Aug 03, 2019 12:24 pm

இந்தியாவில் பல மாநிலங்களிலும் பிளாஸ்டிக் தடை செய்யப்பட்டுள்ள நிலையில்,மறுசுழற்சி செய்ய முடியாமல் இருக்கும் நிலையில் ........................இந்தியா குப்பைக் கிடங்கா?

**ayyasamy ram** · **ayyasamy ram** Sat Aug 03, 2019 2:15 pm

புதுடெல்லி

பாகிஸ்தான், வங்கதேசம் உட்பட 25 வெளிநாடுகளில்
இருந்து இந்திய நிறுவனங்கள் சத்தம் இல்லாமல்
பிளாஸ்டிக் கழிவுகளை இறக்குமதி செய்யும் அதிர்ச்சி
தகவல் ஆய்வில் தெரியவந்துள்ளது.

‘பண்டிட் தீன்தயாள் உபாத் யாய ஸ்மிருதி மஞ்ச்’
(பிடியுஎஸ்எம்) அரசு சாரா தொண்டு நிறுவனம், சுற்றுச்சூழல்
பாதுகாப்பு தொடர்பான சமூக சேவைகளை செய்து வருகிறது.

இந்நிறுவனம் பிளாஸ்டிக் கழிவுகள் குறித்து கடந்த 2018-ம்
ஆண்டு ஏப்ரல் முதல் கடந்த 2019 பிப்ரவரி மாதம் வரை ஆய்வு
நடத்தி அறிக்கை வெளியிட்டுள்ளது. அதில் கூறியிருப்பதாவது:

பாகிஸ்தான், வங்கதேசம் மத்திய கிழக்கு நாடுகள், ஐரோப்பா,
அமெரிக்கா உட்பட 25 நாடுகளில் இருந்து, பிளாஸ்டிக் கழிவுகளை
இந்திய நிறுவனங் களும் மறுசுழற்சியில் ஈடுபடும் நிறுவனங்களும்
சத்தமில்லாமல் இறக்குமதி செய்து வருகின்றன.

அந்த நாடுகளில் இருந்து ஒரு லட்சத்து 21 ஆயிரம் டன்னுக்கு
அதிகமான பிளாஸ்டிக் கழிவுகளை நிறுவனங்கள் இறக்குமதி
செய்துள்ளன.

அதில், 55 ஆயிரம் டன் பிளாஸ்டிக் கழிவுகள், பாகிஸ்தான்
மற்றும் வங்கதேசத்தில் இருந்து மட்டுமே இறக்குமதி செய்யப்
பட்டுள்ளது. இதனால் சுற்றுச்சூழல் பெரிதும் பாதிக்கப்படும்
அபாயம் உள்ளது.

டெல்லியில் மட்டும் 19 ஆயிரம் டன் பிளாஸ்டிக் கழிவுகள் இறக்குமதி
செய்யப்பட்டுள்ளன. இந்தியாவில் மறுசுழற்சி செய்து வரும்
நிறுவனங்கள், உள்ளூரில் பிளாஸ்டிக் கழிவுகளை வாங்குவதற்கு
ஆகும் செலவை விட, வெளிநாடுகளில் இருந்து இறக்குமதி செய்யும்
பிளாஸ்டிக் கழிவுகளின் விலை குறைவு.

அதனால், இதுபோல் சத்தமில்லாமல் பிளாஸ்டிக் கழிவுகளை
இறக்குமதி செய்கின்றன. இதனால் பிளாஸ்டிக் மாசுப்பாட்டை
தவிர்க்க எடுத்து வரும் முயற்சிகள், நடவடிக்கைகள் பெரிதும்
பாதிக்கப்படும்.

வெளிநாடுகளில் இருந்து இறக்குமதி செய்வதை தடுக்கா விட்டால்,
உள்ளூரில் உருவாகும் பிளாஸ்டிக் கழிவுகளை சேகரிக் கும்படி
இந்திய நிறுவனங்களை எப்படி ஊக்குவிக்க முடியும்?

இவ்வாறு அந்த ஆய்வு அறிக்கையில் தெரிவிக்கப்பட் டுள்ளது. - பிடிஐ
-
-----------------------------
இந்து தமிழ் திசை

**ayyasamy ram** · **ayyasamy ram** Sat Aug 03, 2019 2:19 pm

இந்தக் கழிவுகளில் PET பாட்டில்கள், மற்றும் தூளாக்கப்பட்ட
பிளாஸ்டிக் துண்டுகள் போன்றவை இதில் அடங்கும். இப்படி
இறக்குமதி செய்யப்படும் கழிவுகள் மறுசுழற்சியின் போது
சிறு சிறு உருண்டைகளாக மாற்றப்படுகின்றன.

பின்னர் அவை மற்ற பிளாஸ்டிக் பொருள்களை உற்பத்தி
செய்வதற்கு பயன்படுத்தப்படுகின்றன. ஆனால் இந்த
பிளாஸ்டிக், மறுசுழற்சி செய்வதற்கு முழுமையாக ஏற்றது
இல்லை என்பதால் அதிலும் பாதிப்பு இருக்கிறது.

இது எரிக்கப்படும் போது தீங்கு விளைவிக்கக்கூடிய
வாயுக்களும், ரசாயனங்களும் வளிமண்டலத்தில்
கலக்கின்றன. மேலும் கழிவுகளை நிலத்தில் புதைப்பதால்
மண் மற்றும் நீர் ஆதாரங்களில் பாதிப்பையும்
ஏற்படுத்துகின்றன.

சீனா இதனால் ஏற்படும் பாதிப்பை உணர்ந்ததால் பிளாஸ்டிக்
கழிவுகளை இறக்குமதி செய்வதற்கு கடுமையான விதிகளை
அமல்படுத்தியுள்ளது.

அதே நேரத்தில் இந்தியா அதற்கு மாறாகக் கழிவுகளை
இறக்குமதி செய்து குவிக்கிறது.
-
விகடன் - {கட்டுரையிலிருந்து ஒரு பகுதி}

**krishnaamma** · **krishnaamma** Wed Nov 06, 2019 7:50 pm

அடப்பாவிகளா....நாட்டை சுடுகாடாக மாற்றிவிடுவார்கள் போல் இருக்கிறதே? !.......... சோகம்

mbalasaravanan · mbalasaravanan Fri Nov 08, 2019 3:16 pm

எதை நோக்கி போகிரோம்னு தெரியல

**krishnaamma** · **krishnaamma** Fri Nov 08, 2019 8:11 pm

mbalasaravanan wrote:எதை நோக்கி போகிரோம்னு தெரியல

மேற்கோள் செய்த பதிவு: 1307092

ம்ம்... ஆமாம் சரவணன்.............சில சமயங்களில் மிகவும் பயமாய் இருக்கிறது நம் குழந்தைகளை நினைத்து........... ஒன்னும் புரியல

Sponsored content · Sponsored content

இது என்ன நியாயம்?

இது என்ன நியாயம்?

Re: இது என்ன நியாயம்?

Re: இது என்ன நியாயம்?

Re: இது என்ன நியாயம்?

Re: இது என்ன நியாயம்?

Re: இது என்ன நியாயம்?

Re: இது என்ன நியாயம்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக