ஜாலியன் வாலா பாக் அறக்கட்டளை மசோதா நிறைவேறியது

புதுடில்லி :
ஜாலியன் வாலாபாக் அறக்கட்டளை சட்ட திருத்த
மசோதா விவகாரம் தொடர்பாக, லோக்சபாவில்,
நேற்று ஆளும் கூட்டணிக்கும், எதிர்க்கட்சிகளுக்கும்
இடையே, கடும் வாக்குவாதம் ஏற்பட்டது;
பின், குரல் ஓட்டு மூலம், இந்த மசோதா நிறைவேற்றப்பட்டது.

உத்தரவு

சுதந்திர போராட்டத்தின் போது, 1919ம் ஆண்டில், பஞ்சாப்
மாநிலம், ஜாலியன்வாலா பாக் என்ற இடத்தில், ஆங்கிலேய
அரசு விதித்த தடையை மீறி, ஆயிரக்கணக்கான மக்கள்
கூடினர்.

அவர்கள் மீது, ஆங்கிலேய ராணுவ அதிகாரி, டயர், பீரங்கி
தாக்குதல் நடத்த உத்தரவிட்டார்; இதில், நுாற்றுக்
கணக்கானோர் இறந்தனர்.

இந்திய சுதந்திர வரலாற்றில், இந்த கொடிய சம்பவம்,
'ஜாலியன்வாலா பாக் படுகொலை' என, குறிப்பிடப்படுகிறது.
இதை யொட்டி, அங்கு, 1951ம் ஆண்டு, நினைவகம்
அமைக்கப்பட்டது.

இதை, ஜாலியன்வாலா பாக் அறக்கட்டளை நிர்வகித்து
வருகிறது. இந்த அறக்கட்டளையின் நிரந்தர உறுப்பினராக,
காங்., தலைவர் நியமிக்கப்பட்டுள்ளார்.

இந்நிலையில், அறக்கட்டளையில், காங்., தலைவருக்கு
வழங்கப்பட்டுள்ள நிரந்தர உறுப்பினர் அங்கீகாரத்தை
ரத்து செய்யும் நோக்கில், ஜாலியன்வாலா பாக் அறக்கட்டளை
சட்ட திருத்த மசோதாவை, லோக்சபாவில், கலாச்சாரத் துறை
அமைச்சர், பிரகலாத் படேல் நேற்று தாக்கல் செய்தார்.

அவர் பேசுகையில், ''ஜாலியன்வாலா பாக் தேசிய நினைவு
அறக்கட்டளையில், அரசியல் கலப்பதை தடுக்கும் நோக்கில்
தான், இந்த மசோதாவை அரசு கொண்டு வந்துள்ளது.

வாபஸ்

''நினைவகங்களை அரசியல்மயமாக்கம் செய்வதை விட,
தேசியமயமாக்கம் செய்ய வேண்டும். அதுதான்,சுதந்திர
போராட்டத்தில், காங்.,கின் பங்கை யாராலும் அழிக்க
முடியாது.

''பா.ஜ. மற்றும் அதன் சார்பு இயக்கங்கள், சுதந்திர போராட்டத்தில்
பங்கேற்கவில்லை. ஆனால், நினைவகத்தை கட்டுப்படுத்த
முயற்சிக்கின்றன,'' என்றார்.

இதற்கு, தே.ஜ., கூட்டணி உறுப்பினர்கள் கடும் எதிர்ப்பு
தெரிவித்து கோஷமிட்டனர்.

தி.மு.க., உறுப்பினர், தயாநிதி பேசுகையில், ''சுதந்திர போராட்டத்தில்
பங்கேற்ற ஒரே கட்சி, காங்.,தான். பெரும்பான்மை பலத்துடன் வெற்றி
பெற்றுள்ள பா.ஜ., பெருந்தன்மையுடன் நடந்து கொள்ள வேண்டும்.
அதனால், இந்த மசோதாவை வாபஸ் பெற வேண்டும்,'' என்றார்.

ஆனால், குரல் ஓட்டு மூலம், மசோதா, லோக்சபாவில் நிறைவேற்றப்பட்டது.
-
-----------------------------
தினமலர்