கும்பகோணத்தில் 1000 மரக்கன்றுகளை நட்டு வளர்க்கும் தம்பதி:

**ayyasamy ram** · **ayyasamy ram** Thu Aug 01, 2019 6:07 am

கும்பகோணம்:
கும்பகோணம் புறவழிச்சாலையில் ஒரு தம்பதியினர்
சுமார் 1000 மரக்கன்றுகளை நட்டு பொட்டல்காடாக
இருந்த காட்டினை குறுங்காடாக மாற்றி வருகின்றனர்.

மேலும் இந்த காடு பறவைகளின் புகலிடமாக மாறி
விட்டதாக அவர்கள் பெருமிதம் தெரிவிக்கின்றனர்.
ஓங்கி வளர்ந்த மரங்களை அகற்றி பசுஞ்சோலைகள்
எல்லாம் வெறுமையாக காட்சியளிக்கும் நிலையில்
கடந்த ஆண்டு வரை பொட்டல்காடாக இருந்த இடம்
தான் தற்போது குறுங்காடாக மாறியுள்ளது.

அமெரிக்காவில் பணியாற்றி வந்த கால்நடை
மருத்துவரான ஆனந்த், ஆனந்தி தம்பதியினர் நாடு
திரும்பியபின் திப்பிராஜபுரத்தில் இயற்கை உரங்களை
மட்டுமே பயன்படுத்தி விவசாயம் செய்து வருகின்றனர்.

இந்நிலையில் ஸ்ரீநிவாசநல்லூர் அய்யனார் கோவிலுக்கு
சொந்தமான சுமார் 7 ஆயிரம் சதுர அடி நிலத்தை
உரியவர்களிடம் அனுமதி பெற்று கடந்த ஆண்டு
1000 மரக்கன்றுகளை இந்த நம்பதியினர் நட்டனர்.

இதை தொடர்ந்து ஜப்பானிய மியாவாக்கி முறையில்
அதிக இடைவெளி இல்லாத குறுங்காட்டை அமைத்து
அதில் அரசமரம், ஆலமரம், கொய்யா, சீதாப்பழமரம்
உள்ளிட்ட பழம் மற்றும் பலன் தரும் மரக்
கன்றுகளையும், மூலிகை மரங்களையும் அவர்கள் நட்டு
வளர்க்கின்றனர்.

சொட்டுநீர் பாசன முறையை பயன்படுத்தி மரங்களுக்கு
நீர் பாய்ச்சியதால் இந்த மரங்கள் ஓங்கி வளர்ந்து
குறுங்காடாய் காட்சி தருகின்றன.

இந்த தம்பதியின் ஓராண்டு உழைப்புக்கு கிடைத்த
பயனாக இங்குள்ள மரங்களில் பறவைகள் கூடு கட்ட
தொடங்கியுள்ளன. இதை அடுத்து மரங்கள் வெறும் நிழல்
தருவது மட்டுமின்றி பறவைகளின் வாழ்விடமாகவும்
பிராண வாயுவை உற்பத்தி செய்யும் மையமாகவும்
விளங்குகின்றன.

எதிர்கால சந்ததிக்காக ஒவ்வொருவரும் மரம் வளர்ப்பது
அவசியம் என்ற சுற்றுச்சுழல் வல்லுனர்களின் முன்
உதாரணமாக இந்த தம்பதிகள் திகழ்கின்றனர்.

தினகரன்

கும்பகோணத்தில் 1000 மரக்கன்றுகளை நட்டு வளர்க்கும் தம்பதி:

கும்பகோணத்தில் 1000 மரக்கன்றுகளை நட்டு வளர்க்கும் தம்பதி:

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக