கமல்நாத் உறவினரின் ரூ.254 கோடி சொத்து முடக்கம்

**ayyasamy ram** · **ayyasamy ram** Wed Jul 31, 2019 6:16 am

போபால்:
பினாமி சொத்து பரிவர்த்தனை சட்டத்தின் கீழ், மத்தியப்
பிரதேச முதலமைச்சர் கமல்நாத்தின் உறவினரான
ரத்துல் புரியின் 254 கோடி ரூபாய் மதிப்புள்ள பங்குகளை
வருமானவரித்துறை முடக்கியுள்ளது.

ஐக்கிய முற்போக்கு கூட்டணி ஆட்சிக் காலத்தில் நடைபெற்ற,
3 ஆயிரத்து 600 கோடி ரூபாய் விவிஐபி ஹெலிகாப்டர் ஊழல்
குறித்து சிபிஐ மற்றும் அமலாக்கத்துறை விசாரணை நடத்தி
வருகின்றன.

அகஸ்டா வெஸ்ட்லேண்ட் ஹெலிகாப்டர் தயாரிப்பு
நிறுவனத்திடமிருந்து, லஞ்சப் பணம் இந்தியாவில்
அரசியல்வாதிகளுக்கும் அதிகாரிகளுக்கும் கைமாறியுள்ளதாக
குற்றம்சாட்டப்பட்டுள்ளது.

லஞ்சப் பணத்தை போலி நிறுவனங்களின் பெயரில்
கைமாற்றுவதற்கு துணைபோன துபாயை சேர்ந்த தொழிலதிபர்
ராஜிவ் சக்சேனா, அங்கிருந்து இந்தியா கொண்டுவரப்பட்டு
விசாரணை நடத்தப்பட்டது.

இதன் மூலம், மத்தியப் பிரதேச முதலமைச்சராக உள்ள
கமல்நாத்தின் உறவினரான ரத்துல் புரியின் நிறுவனத்தில்
அந்நிய நேரடி முதலீடாக பங்குகள் வடிவில், 254 கோடி
ரூபாய் கைமாறியுள்ளது கண்டறியப்பட்டுள்ளது.

ரத்துல் புரியின் தந்தை தீபக் புரியின் மோசர் பேயர்
குழுமத்தை சேர்ந்த ஆப்டிமா இன்ப்ராஸ்டிரக்சர் நிறுவனத்திற்கு
பினாமி பங்குகள் கைமாறியுள்ளன. இந்த வழக்கில்
ரத்துல் புரியிடமும் விசாரணை நடத்தப்பட்டு வரும் நிலையில்,
வருமான வரித்துறையினர் 254 கோடி ரூபாய் மதிப்புள்ள
பினாமி பங்குகளை முடக்கியுள்ளனர்.

பினாமி சொத்துகள் பரிவர்த்தனை சட்டத்தின் கீழ் இந்த
நடவடிக்கை எடுக்கப்பட்டுள்ளது.
-
------------------------------------------
தினமலர்

கமல்நாத் உறவினரின் ரூ.254 கோடி சொத்து முடக்கம்

கமல்நாத் உறவினரின் ரூ.254 கோடி சொத்து முடக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக