டிப்ஸ்.. டிப்ஸ்...{மகளிர் மணி}

**ayyasamy ram** · **ayyasamy ram** Sat Jul 27, 2019 4:20 pm

• வாழை இலையைப் பின்பக்கம் தணலில் சிறிது
காட்டி, பிறகு பார்சலில் கட்டினால் கிழியாது.

• கீரையை மசிக்கும்போது அதனுடன் உருளைக்
கிழங்கு ஒன்றை தோல் சீவி, சிறு துண்டுகளாக
வேக விட்டு மசித்தால் ருசியாக இருக்கும்.

• ரவா லட்டு பிடிக்கும்போது சிறிது ரோஸ் எஸன்ஸ்
விட்டுச் செய்தால் மணமும் சுவையும் கூடும்.

• தோசை சூடும்போது கல்லில் மாவை ஊற்றிவிட்டு,
மேல் பகுதியில் தேங்காயைத் துருவி தூவினால் தோசை
சூப்பராக இருக்கும்.

• பிரட்டில் தடவ ஜாம் இல்லாவிட்டால், நெய்தடவி,
அதன்மீது கொஞ்சம் தேனைத் தடவினால் சூப்பராக
இருக்கும்.

• கொஞ்சம் அரிசி, கொஞ்சம் உளுந்தை மெஷினில்
கொடுத்து மாவாக அரைத்து வைத்துக் கொண்டால்,
திடீர் என்று விருந்தினர் வந்து விட்டால் அதைக் கரைத்து
திடீர் தோசை சுட்டு அசத்தலாம்.

• பழைய சாதத்தை வெள்ளைத் துணியில் கட்டி,
இட்லி தட்டில் வைத்து சூடு படுத்தினால் சாதம் உதிர்
உதிராக புதிதாக வடித்த சாதம் போல் இருக்கும்.

• வெண்டைக்காயை வதக்கும்போது சிறிது
எலுமிச்சைச்சாறு விட்டு வதக்கினால் மொறு மொறுப்புடன்
இருக்கும்.
-
-------------
- எம்.ஏ.நிவேதா, அரவக்குறிச்சிப்பட்டி.

**ayyasamy ram** · **ayyasamy ram** Sat Jul 27, 2019 4:20 pm

* எலுமிச்சை சில துளி தேவைப்படும்போது முழுப்
பழத்தையும் அரிந்து வீணாக்காமல் சிறிய துளையிட்டுத்
தேவையான அளவு சாறுபிழிந்து கொள்ளலாம்.

• காபி மேக்கரைத் கழுவும் போது நீருடன் எலுமிச்சைச்சாறு
அல்லது வினிகரை விட்டு பின்பு ஸ்விட்சை ஆன் செய்யுங்கள்
போதும். படுசுத்தமாகிவிடும்.

• கண்ணாடிப் பாத்திரங்களின் அடியில் கறைகள்
இருந்தால் சில சொட்டு எலுமிச்சம் பழச்சாறு, சிறிதளவு
தண்ணீர் கலந்து குலுக்கினால் கறைகள் நீங்கிவிடும்.

• தோசைக் கல், வாணலி இவைகளில் எண்ணெய்ப்
பிசுபிசுவென்று பிடித்திருக்கும். சூட்டுடன் இருக்கும்போதே
சிறிது எலுமிச்சைச்சாறு விட்டு தேங்காய் நாரினால் அழுத்தித்
தேய்த்துக் கழுவினால் பிசுபிசுப்பு சட்டெனப் போய்விடும்.
-
==============
- ஆர்.ராமலட்சுமி, திருநெல்வேலி.
மகளிர்மணி

டிப்ஸ்.. டிப்ஸ்...{மகளிர் மணி}

டிப்ஸ்.. டிப்ஸ்...{மகளிர் மணி}

Re: டிப்ஸ்.. டிப்ஸ்...{மகளிர் மணி}

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக