சிலை கடத்தல் ; 2 அமைச்சர்களுக்கு தொடர்பு?

**ayyasamy ram** · **ayyasamy ram** Thu Jul 25, 2019 7:22 am

சென்னை :
தமிழகத்தில் நடைபெறும் சிலை கடத்தல் வழக்குகளில்
இரண்டு அமைச்சர்களுக்கு தொடர்பிருப்பதாக சிலை
கடத்தல் தடுப்பு பிரிவு சிறப்பு அதிகாரி பொன்.மாணிக்கவேல்
தரப்பில் சென்னை ஐகோர்ட்டில் தெரிவிக்கப்பட்டுள்ளது,
அதிர்ச்சியை ஏற்படுத்தி உள்ளது.

டி.எஸ்.பி., வழக்கு :

ஐகோர்ட்டில், பழவலூர் சிலை கடத்தல் வழக்கில் தனக்கு
எதிராக பொய் வழக்கு பதிவு செய்தார், சிறப்பு அதிகாரி
பொன். மாணிக்கவேல் என்றும், எனவே அவர் மீது வழக்குப்
பதிவு செய்யக்கோரியும், சஸ்பெண்ட் செய்யப்பட்ட
டி.எஸ்.பி. காதர் பாஷா மனுத் தாக்கல் செய்துள்ளார்.

இந்த மனு நீதிபதி ஆனந்த் வெங்கடேஷ் முன் இன்று (ஜூலை 24)
விசாரணைக்கு வந்தது.

வழக்கில் இணைப்பு :

அப்போது, இந்த வழக்கில் தங்களையும் இணைக்ககோரி
பொன். மாணிக்கவேல் மற்றும் யானை ராஜேந்திரன் ஆகியோர்
மனு தாக்கல் செய்தனர். பொன் மாணிக்கவேலின் இணைப்பு
மனுவை விசாரணைக்கு ஏற்று கொண்ட நீதிபதி, யானை ராஜேந்திரன்
மனுவை தள்ளுபடி செய்து உத்தரவிட்டார்.

2 அமைச்சர்களுக்கு தொடர்பு :

பின்னர் நடைபெற்ற வழக்கு விசாரணையில், சிலை கடத்தல்
சம்பவங்களில் இரு அமைச்சர்களுக்கு தொடர்பு இருப்பதாகவும்,
வழக்கு விசாரணை நேர்மையாக நடைபெற்றதாகவும்,
பொன்.மாணிக்கவேல் தரப்பில் தெரிவிக்கப்பட்டது.

ஆதாரங்களுடன் வருக :

இதுகுறித்து ஆதாரங்களுடன் பதில்மனு தாக்கல் செய்ய
பொன். மாணிக்கவேல் தரப்பிற்கு உத்தரவிட்ட நீதிபதி, விசாரணையை
ஆகஸ்ட் 6ம் தேதிக்கு தள்ளிவைத்தார். சிலை கடத்தல் வழக்குகளில்,
அமைச்சர்களுக்கு தொடர்பு என்ற செய்தி, அரசியல் வட்டாரத்தில்
பரபரப்பை கிளப்பி உள்ளது.
-
---------------------------
தினமலர்

சிலை கடத்தல் ; 2 அமைச்சர்களுக்கு தொடர்பு?

சிலை கடத்தல் ; 2 அமைச்சர்களுக்கு தொடர்பு?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக