இரவில் துளசி டீ குடிக்கலாம்!

டீ குடிப்பது தொடர்பாக கூறும், இரைப்பை மற்றும்
குடல்நோய் மருத்துவர் ஜீவன்குமார்:

வாழ்வியல் நோய் அல்லது நாள்பட்ட நோய் பாதிப்பு
எதுவும் இல்லாதவர்கள், நாள் ஒன்றுக்கு, மூன்று கப்
வரை டீ குடிக்கலாம். ஒரு கப் டீ என்பது, 150 மி.லி.,
டீயில் சேர்க்கப்படும் சர்க்கரை தான், உடலுக்கு அதிக
பாதிப்பை ஏற்படுத்துகிறது.

எனவே, அதை தவிர்க்கலாம் அல்லது அளவை குறைத்து
கொள்ளலாம்.அளவுக்கதிகமாக டீ குடித்தால் இரைப்பை,
குடல் அழற்சி, துாக்கமின்மை, சீரற்ற இதயத்துடிப்பு,
அதிக ரத்த அழுத்தம், தலைச்சுற்றல், ரத்த சோகை
போன்ற பிரச்னைகள் ஏற்படலாம்.

வயிற்றில் அமிலத் தன்மை அதிகரிப்பதுடன்,
நெஞ்செரிச்சல் ஏற்படவும் வாய்ப்பிருக்கிறது.

டயட்டீஷியன் வாணி:

டீயை மனதுக்கு நெருக்கமான ஒன்றாக பார்ப்பவர்களால்,
அந்த பழக்கத்திலிருந்து எளிதில் மீள முடியாது. திடீரென்று
டீ குடிப்பதை நிறுத்தினால், சில பாதிப்புகள் ஏற்படும்.

அளவுக்கு அதிகமாக டீ குடிப்பவர்களுக்கு, டீயுடன்
நொறுக்குத்தீனி, பிஸ்கட் சாப்பிடுவது, புகை பிடிப்பது என,
கூடுதலாக சில பழக்கங்கள் இருக்கும்.

டீ பழக்கத்துடன், கூடுதலாக இவற்றையும் கைவிட
வேண்டியிருக்கும்.டீ மற்றும் புகைப்பழக்கத்துக்கு
அடிமையானவர்கள், முதலில், மனதளவில் தங்களை
அதிலிருந்து விலக்கிக் கொள்ள வேண்டும்.

அந்த சமயங்களில், சில நிமிடங்களுக்கு மூச்சுப்பயிற்சி
செய்வது, பாடல் கேட்பது, நடைப்பயிற்சி, ஊட்டச்சத்து
மிக்க வேறோரு உணவை சாப்பிடுவது போன்றவற்றை
செய்யலாம்;

ஊட்டச்சத்து நிறைந்த, மாற்று டீ வகைகளை அருந்தலாம்.
உதாரணமாக, காலையில் எழுந்ததும், இஞ்சி டீ குடிப்பதால்,
செரிமான பிரச்னைகளை குறைக்கும். தலைச்சுற்றல்,
மயக்கத்தை தவிர்க்கும்.

உடலுக்கு புத்துணர்ச்சி தரும். அழற்சி பிரச்னைகளை
தடுக்க உதவும். ரத்த ஓட்டத்தை சீராக்கும். மூச்சுக்குழாய்
பிரச்னைகளை தீர்க்கும்.இஞ்சி -- லெமன் டீயை, காலை
நேரத்தில் குடிக்கலாம். உடலில் நோய் எதிர்ப்பு சக்தியை
அதிகரிக்கும். சளி, காய்ச்சல் பிரச்னைகளை போக்கும்.

இதய ஆரோக்கியத்தை மேம்படுத்தும். சருமப் பொலிவுக்கு
உதவும். சுறுசுறுப்பாக செயல்பட முடியும். அதிக
உடலுழைப்பால் ஏற்பட்ட தலைவலி, உடல்வலி குறைய
உதவும்.

துளசி டீயை, இரவு நேரத்தில் குடிக்கலாம். இதனால்,
ஆழ்ந்த உறக்கம் கிடைக்கும். மன அழுத்தம் குறையும்;
நோய் எதிர்ப்பு சக்தி அதிகரிக்கும். மூட்டுவலியை போக்கும்.
ரத்த சர்க்கரை, கொழுப்புச்சத்து அளவை, சீராக வைத்திருக்க
உதவும். மேற்கூறிய இந்த டீயையும், ஒருநாளில், ஒரு
தடவைக்கு மேல் குடிக்க வேண்டாம்.
-
--------------------------------தினமலர்

துளசி, டீயை இரவில் குடிக்கலாம்:
நான் குடிக்கலாமா?

ரமணியன்

Code:


துளசி டீயை, இரவு நேரத்தில் குடிக்கலாம். இதனால்,
ஆழ்ந்த உறக்கம் கிடைக்கும். மன அழுத்தம் குறையும்;
நோய் எதிர்ப்பு சக்தி அதிகரிக்கும். மூட்டுவலியை போக்கும்.
ரத்த சர்க்கரை, கொழுப்புச்சத்து அளவை, சீராக வைத்திருக்க
உதவும். மேற்கூறிய இந்த டீயையும், ஒருநாளில், ஒரு
தடவைக்கு மேல் குடிக்க வேண்டாம்.


ஒரு நாளைக்கு ஒன்று
அளவுக்கு மீறினால் அமிர்தமும் நஞ்சு.

pazhamuthuramalingam wrote:ஒரு நாளைக்கு ஒன்று
அளவுக்கு மீறினால் அமிர்தமும் நஞ்சு.

நன்றி அய்யா தகவலுக்கு .
ரமணியன்