அதிர்ச்சி : எஸ்பிஐ ஏடிஎம்மில் கள்ளநோட்டுகள்

**T.N.Balasubramanian** · **T.N.Balasubramanian** Tue Jul 16, 2019 6:41 pm

நாமக்கல் : நாமக்கல் நகரில் உள்ள ஸ்டேட் பேங்க் ஆப் இந்தியா வங்கியின் ஏ.டி.எம்மில் இருந்து வரிசையாக இரண்டாயிரம் ரூபாய் கள்ள நோட்டுக்கள் வந்தது அதிர்ச்சியை ஏற்படுத்தி உள்ளது.

நாமக்கல் அருகே, சேந்தமங்கலம் மின்வாரிய அலுவலகத்தில் முதல்நிலை முகவராக பணியாற்றுபவர் மூர்த்தி. இவர் நேற்று இரவு நாமக்கல் சங்கரன் சாலையில் உள்ள எஸ்.பி.ஐ வங்கியின் ஏ.டி.எம் இயந்திரத்தில் 40 ஆயிரம் ரூபாய் பணம் எடுத்துள்ளார்.

அதில் இரண்டாயிரம் ரூபாய் நோட்டுக்கள் 5 ஒட்டப்பட்ட கள்ள நோட்டுக்களாக வந்ததை கண்டு அதிர்ச்சி அடைந்தார். உடனடியாக அருகே உள்ள எஸ்.பி.ஐ வங்கியில் புகார் அளிக்க சென்றபோது, அங்கிருந்த அதிகாரிகள் மூர்த்தியிடம் வங்கிக் கணக்கு எண்ணை கொடுத்துவிட்டு மறுநாள் வருமாறு கூறிவிட்டு வங்கியின் நுழைவாயிலைப் பூட்டியுள்ளனர்.

இதனால் ஆத்திரமடைந்த மூர்த்தி, ஒட்டப்பட்ட கள்ள ரூபாய் நோட்டுக்களை நுழைவாயிலின் முன்பு வைத்துவிட்டு போராட்டத்தில் ஈடுபட்டார். தகவல் அறிந்து வந்த காவல்துறையினர், மூர்த்தியை சமாதானப்படுத்தி வங்கிக்குள் அழைத்து சென்றனர்.

மூர்த்தியிடம் புகார் மனு பெற்றுக்கொண்ட வங்கி அதிகாரிகள், ஒட்டப்பட்ட நோட்டுக்கள் குறித்து விசாரணை மேற்கொண்டு வருகின்றனர். விசாரணைக்கு பின் உரிய நடவடிக்கை எடுக்கப்படும் என்றும், அவர் எடுத்த 10 ஆயிரம் ரூபாய் பணத்தை திருப்பி தருவதாகவும் வங்கி அதிகாரிகள் கூறினர். இதனைத் தொடர்ந்து போராட்டத்தை கைவிட்டார், மூர்த்தி.

நன்றி தினமலர்

ரமணியன்

சிவனாசான் · சிவனாசான் Tue Jul 16, 2019 8:34 pm

ஏ.டி.எம்.இல் நோட்டுகளை வைத்த ஏஜெண்டை பிடித்து ஜெயிலில் இடையுங்கள் பட்டினி போட்டு சாகடிக்கனும் அப்போதான் அடுத்தவனுக்கு புத்தி வரும் . செய்ய பயப்படுவான் .கேசு வாய்தா என்றால் பயனேதும் ஏற்படாது. மீண்டும் இச்செயல் நடைபெற்றே இருக்கும். எந்த குற்ற செயல் பிடிபட்டு மீண்டும் நடைபெறாமல் இருக்கிறது. கைகாலை வெட்டினால்ஒருவேளை குறையுமோ...

**பழ.முத்துராமலிங்கம்** · 27/09/2015

எஸ்பிஐ அதிகாரிகள் நடந்து கொள்ளும் முறை சகித்துக் கொள்ள முடியாதது.
எனக்கு அப்படி ஒரு கசப்பான அனுபவம் ஏற்பட்டு உள்ளது.
எனவே அந்த பேங்கிற்கு போவதையே நிறுத்தி விட்டேன். கேஸ் மானியம் மட்டும்
அதில் வருகிறது. சுமார் நான்கு வருடங்களாக எஸ்பிஐ பக்கம் தலை வைத்தும் படுக்கவில்லை.

இந்த பதிவைத் துவங்கியவர் நன்றி கூறியுள்ளார் பழ.முத்துராமலிங்கம்

**T.N.Balasubramanian** · **T.N.Balasubramanian** Wed Jul 17, 2019 4:29 pm

ஆம் அப்பிடித்தான் கேள்வி படுகிறேன்.
இருப்பினும் ஒட்டு மொத்தமாக சொல்லமுடியாது.
ஒரு முறை நானும் ஆதிரா அவர்களும் எங்கள் வீட்டருகே உள்ள
SBI இல் சிவா அவர்கள் விரும்பியபடி "ஈகரை டிரஸ்ட்" என்ற பெயரில்
கணக்கு திறந்து, தேவைப்படும் பள்ளி/கல்லூரி மாணவ மாணவிகளுக்கு,
பண உதவி செய்யலாம் என்ற நோக்கத்துடன் அணுகினோம்.
அங்கு இருந்த அதிகாரி நாங்கள் வந்த விஷயத்தை கேட்டு அறிந்து
விளக்கமாக விஷயங்களை கூறினார். டிரஸ்ட் கணக்கு ஆரம்பிப்பதற்கு தேவையான
ஆவணங்கள், ஜெனரல்பாடி மீட்டிங்கில் நியமிக்கப்படும் கையொப்பமிடும் அதிகாரிகள்
பெயர் முதலானவைகளை பொறுமையாக எடுத்து கூறி தெளிவுபடுத்தினார்.
சில தவிர்க்கமுடியாத காரணங்களால் டிரஸ்ட் ஆரம்பிக்கப்படவில்லை.

நாலைந்து வருடங்களுக்கு முற்பட்ட நிகழ்வு அது.

ரமணியன்

@பழ.முத்துராமலிங்கம்

**ayyasamy ram** · **ayyasamy ram** Wed Jul 17, 2019 4:41 pm

அதிர்ச்சி : எஸ்பிஐ ஏடிஎம்மில் கள்ளநோட்டுகள் Vikatan%2F2019-07%2Fa2d168b4-e1b4-4c41-a4bc-aa98405e6255%2F2000__500_New_Currency_long

-
ரூயாய் ஐம்பதாயிரத்துக்கு மேல் கேஷ் கவுண்டரில்
பணம் எடுக்க சென்றேன்.
டோக்கன் பெற்ற பின் ஒரு மணி நேரத்திற்கும் மேலாக
நேரமானது....
-
கூட்டத்திற்கு தக்கவாறு கவுண்டர்களை
அதிகப்படுத்தாமல் பொறுமையை சோதிக்கிறார்கள்...!!
-

Sponsored content · Sponsored content

அதிர்ச்சி : எஸ்பிஐ ஏடிஎம்மில் கள்ளநோட்டுகள்

அதிர்ச்சி : எஸ்பிஐ ஏடிஎம்மில் கள்ளநோட்டுகள்

Re: அதிர்ச்சி : எஸ்பிஐ ஏடிஎம்மில் கள்ளநோட்டுகள்

Re: அதிர்ச்சி : எஸ்பிஐ ஏடிஎம்மில் கள்ளநோட்டுகள்

Re: அதிர்ச்சி : எஸ்பிஐ ஏடிஎம்மில் கள்ளநோட்டுகள்

Re: அதிர்ச்சி : எஸ்பிஐ ஏடிஎம்மில் கள்ளநோட்டுகள்

Re: அதிர்ச்சி : எஸ்பிஐ ஏடிஎம்மில் கள்ளநோட்டுகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக