30 ஆண்டுகளுக்கு முன் புகையிலை பழக்கத்தை கைவிட்டேன் : கவர்னர்

**ayyasamy ram** · **ayyasamy ram** Sat Jun 29, 2019 6:15 am

சென்னை:
''தொற்றா நோயால் ஏற்படும் இறப்புகளுக்கு, புகையிலை
பழக்கம் தான் முக்கிய காரணம். நான், புகையிலை
பழக்கத்தை, 30 ஆண்டுகளுக்கு முன், விட்டு விட்டேன்,''
என, தமிழக கவர்னர், பன்வாரிலால் புரோகித் பேசினார்.

புகையிலை காரணம்

சென்னை வள்ளுவர் கோட்டத்தில், அடையாறு புற்றுநோய்
மையம் சார்பில், 'இளைஞர்கள் நல விழா - 2019' என்ற, மூன்று
நாள் விழிப்புணர்வு நிகழ்ச்சி, நேற்று துவங்கியது.

நிகழ்ச்சியை துவக்கி வைத்து, தமிழக கவர்னர், பன்வாரிலால்
புரோஹித் பேசியதாவது:

இந்தியாவில், இதயம், புற்றுநோய் உள்ளிட்ட, தொற்றா நோயால்
பாதிக்கப்பட்டு, உயிரிழப்பவர் எண்ணிக்கை அதிகரித்து வருகிறது.
இவற்றிற்கு, புகையிலை பொருட்களை பயன்படுத்துவதே முக்கிய
காரணம்.

கெட்டபழக்கம்

நான், எம்.பி.,யாக இருந்தபோது, ஆச்சாரியா என்ற குருவின்
நிகழ்ச்சியில் பங்கேற்றேன்.அப்போது, 'உங்களிடம் உள்ள கெட்ட
பழக்கம் எது' என, கேட்கப்பட்டது. அதற்கு, 'புகையிலை பழக்கம்'
என்றேன்.

அப்போதிலிருந்து, 30 ஆண்டுகளாக புகையிலையை தொடவே
இல்லை. இன்று வரை, அதை கடைப்பிடிக்கிறேன். புகையிலையை
கைவிடுவதன் வாயிலாக, நமக்கும், சுற்றியுள்ளவர்களுக்கு பல
நன்மைகள் உண்டு என்பதை உணர்ந்துள்ளேன்.இவ்வாறு, கவர்னர்
பேசினார்.

அடையாறு புற்றுநோய் மருத்துவமனை தலைவர், சாந்தா
பேசுகையில் இந்தியாவில், தொற்று மற்றும் தொற்றா நோய்கள்
அதிகமாக பரவி வருகின்றன. எந்த நோயாக இருந்தாலும், வருவதற்கு
முன், தடுக்கப்பட வேண்டும்.

சின்னம்மை, காலரா, டைபாய்டு உள்ளிட்ட நோய்கள், பல்வேறு
நாடுகளில், முற்றிலும் ஒழிக்கப்பட்டுள்ளன. புகையிலை பழக்கத்தை
கைவிடுவதன் வாயிலாக, 40 சதவீத புற்றுநோயை குறைக்க முடியும்
என்றார்.
-
--------------------------------
தினமலர்

Guest · Guest Sat Jun 29, 2019 12:35 pm

டூ லெட். இளமையில் அனுபவித்து விட்டு............இப்போது அவருக்கு என்ன வயதிருக்கும்?

**ayyasamy ram** · **ayyasamy ram** Sat Jun 29, 2019 2:05 pm

பிறப்பு: ஏப்ரல் 16, 1940) -
79 வயதானவர்
-

-

Guest · Guest Sat Jun 29, 2019 2:10 pm

30 ஆண்டுகளுக்கு முன் புகையிலை பழக்கத்தை கைவிட்டேன் : கவர்னர் 1571444738

சார்.
பழகாமல் இருப்பது சுலபம்.பழகி விட்டு விடுவது கடினம் தான்.

Sponsored content · Sponsored content

30 ஆண்டுகளுக்கு முன் புகையிலை பழக்கத்தை கைவிட்டேன் : கவர்னர்

30 ஆண்டுகளுக்கு முன் புகையிலை பழக்கத்தை கைவிட்டேன் : கவர்னர்

Re: 30 ஆண்டுகளுக்கு முன் புகையிலை பழக்கத்தை கைவிட்டேன் : கவர்னர்

Re: 30 ஆண்டுகளுக்கு முன் புகையிலை பழக்கத்தை கைவிட்டேன் : கவர்னர்

Re: 30 ஆண்டுகளுக்கு முன் புகையிலை பழக்கத்தை கைவிட்டேன் : கவர்னர்

Re: 30 ஆண்டுகளுக்கு முன் புகையிலை பழக்கத்தை கைவிட்டேன் : கவர்னர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக